سؤال عن بيجو 207 اس دابليو مو 2009

السلام عليكم ورحمة الله

أعضاء منتدى بيجو الكرام.... شكرا جزيلا على مشاركاتكم الجميلة جدا والمفيدة جدا..ربنا يجعله في ميزان حسناتكم...

أنا النهاردة عندي سؤال وأتمنى إن ألاقي عندكم اجابة وافية...

واحد صاحبي عزيزعليا اشترى بيجو 207 إس دابيو 1600سي سي فول اوبشنز موديل 2009 زيرو من معرض الفورميولا....ودي كانت واحدة من شوية عربيات زيرو ما تباعتش السنة اللي فاتت

وكان سعرها 130.000

أولا: إيه رأيكو في السعر ده؟؟

ثانيا:إيه مواعيد الصيانة للعربية دي؟؟

ثالثا: إيه أحسن مكان للصيانة؟؟ وهل مودرن سيرفس اختيار كويس؟؟

رابعا: أنا قريت المواضيع اللي عن بيجو 207 في المنتدى، بس كلها عن بيجو 207 موديلات 2006-2008
هوا فيه فرق كبير بينهم وبين 2009؟

خامسا: هل قطع غيار العربية متوفرة في مراكز الخدمة؟

آسف على التطويل... وأتمنى أن أجد عندكم الإجابات .. ودي أول مشاركة ليا معاكم في المنتدى....

شكرا

أنا متأكد إن انتوا مش هتتأخروا في الرد عليا...........ولو حتى بجملة (لا أعلم):_Alshmokh23[1]:

بس أنا متعشم في ردودكم...

ربنا يكرمكم جميعا يا رب...

أولا: إيه رأيكو في السعر ده؟؟
العربيه سعرها موديل السنه 156 الف فتخفيض سعرها ل 130 سعتبر صفقه كويسه
ثانيا:إيه مواعيد الصيانة للعربية دي؟؟
زى اى عربيه بيبقى كل 5000(مجانيه) او كل 10000
ثالثا: إيه أحسن مكان للصيانة؟؟ وهل مودرن سيرفس اختيار كويس؟؟
مش عارف
رابعا: أنا قريت المواضيع اللي عن بيجو 207 في المنتدى، بس كلها عن بيجو 207 موديلات 2006-2008
هوا فيه فرق كبير بينهم وبين 2009؟
مفيش فرق
خامسا: هل قطع غيار العربية متوفرة في مراكز الخدمة؟
مش عارف

شكرا يا عزيزي للرد والاهتمام...

وبالنسبة لجدول الصيانة، أنا سمعت إن أول صيانة عند 2500 كم أو بعد مرور 3 شهور.. وسمعت إن متبيتعملش فيها حاجة غير إنك بتقول ملاحظاتك على العربية.. فهل ده كلام سليم؟

وبعدين إيه أول معاد لتغيير زيت الموتور؟؟

أرجو إن ألاقي إجابات على أسئلتي
وشكرا لكم جميعا..

بص انا اللى لاحظته اوى انها ابتدت تنتشر جداااا
130000 الف على عربيه فرنساوى لا اعتقد انه كتير
حاول تسأل على اسعار الصيانات الدوريه عشان دى اللى ممكن فعلا تبقى غاليه

أسأل فين يا باشا ، ما أنا بسألكوا انتو..:E_braces[1]:

مودرن سيرفس اختيار حلو اوووووووووي

قطع الغيار متوفره

سعرها حلو اوووووووي

الفرق مش في الموديل الفرق بيبقي بين ال اس دبليو و ال اكس تي

كماليات بسيطه بس كده

شكرا يا باشا ... طب وعندك فكرة أول صيانة عند كام كيلو؟؟ وأول غيار للزيت؟:rolleyes2::rolleyes2:

وبعدين في سؤال تاني.. لو العربية لا قدر الله حصلها أي مشكلة وهي في الضمان ، لازم أروح التوكيل ولا ممكن أي مركز خدمة

شكرا مقدما

اي مركز تابع للتوكيل يقول بالواجب لانه يعتبر هو هو االتوكيل و اول غيار زيت بيبقي 5 الف

و بعد كده كل 10 الف تغير زيت عشان ال 207 بيتحطلها زيت تخليقي بيعد 10 الف

شكرا يا نور ولكل الشباب...

قيه حاجة تانية أحب أسأل عليها....

الإيريال بتاع السقف بتاع العربية ضاع...

ألاقي زيه فين وبكام؟؟

وأنا أسف تقلت عليكم...

الاريال لو زي بتاع ال 405 موجود كامل ب 250 جنيه اصلي لو بتاع ال207 اكيد برده هتلاقيه هتلاقيه اغلي حوالي 100 جنيه

جزاك الله خير يا نور بس هو زلومة الإريال ما تتباعش لوحدها؟؟

وبعدين لازم أجيب أصلي ولا ممكن ألاقي أي حاجة تركب عليه إكسسوار؟

شكرا لحضرتك، كلك زوق

لا لازم الاصلي عشان اولا مكان الاريال و ثانيا شكل العربيه

و الاريال بيتباع اجزاء شوف النقصك و اشتريه

قشطة،، متشكر جدا

تحت امرك انت تامر