-
استفسار بسيط
السلام عليكم و رحمة الله و بركاته
انا كنت عايز اسأل عن تكلفة ظبط التاكيهات و ظبط الزوايا و تربيط العفشة فى التوكيل للانسر بومه 2009 خليجى و كنت عايزكم تنصحونى اعمل صيانة 10000 فى التوكيل و لا بره لان انا سألت على سعر الصيانة بره التوكيل لاقيت ان التوكيل سعره ضعف بره و لو هاعملها بره ياريت تقولولى على احسن مكان اعمل فيه لان انالما سألت سألاتهم فى مركز خدمة موبيل فى اخر شارع الهرم
-
مافيش حاجه اسمها ظبط تكيهات فى عربيه عمرها 10000كم
-
ايوه بس العربية لما بمشى بيها على سرعة 10 او 20 كيلو فى الساعة الكبوت بيبقى مولع نار مع ان امبير الحرارة بيبقى فى النص فسألت ميكانيكى قالى عايزة ظبط تاكيهات مع العلم ان العربية خليجى و كنت عايز اعرف الاسعار بس
-
ايه يا جماعة يعنى مافيش حد رد عليا تانى
-
انا من رأيي متخليش اي حد يلعب في العربيه ويفتي وهي لسه جديده
التوكيل ادرى بالعربيه وبيعرف يتعامل معاها ويضمنلك ان العربيه عمرها مهتعطل بدون سبب
وبيعملو تشيك على كل حاجه في العربيه حتى لمبة الولاعه
وبيكشفو على السيور والكهربا والعفشه وكفايه راحة البال
انما ثقافة اغير زيت وفلاتر ولما حاجه تخرب اروح للميكانيكي مش كويسه خالص
ومن الآخر معظم ميكانيكية مصر فتايين فاضمنلك روح التوكيل
الحاجات الوحيده اللي ممكن تعملها بره هي السمكره والدهان والكاوتش والبطاريه
-
10000 كيلو وموديل 2009 وعايزه ظبط تاكيهات ازاي يعني
-
هو الميكانيكى اللى قالى عايزة ظبط تاكيهات لما لمس الكبوت و لقاه نار فى عز الشتاء قولتله امبير الحرارة مظبوط قالى برده عايزة ظبط تاكيات فانا قولت اسال و ما خاب من استشار طيب انا كنت عايز اعرف سعر التيل الاصلى بكام الواحد بس لان انا عندى التيل اللى قدام على اليمين بيصفر
Content Relevant URLs by
vBSEO 3.6.0 PL2