السلام عليكم ,
حبيت بس أشوف إنهاردة موضوع غريب جدا و دا النظام الفرنسى
و أغلب إلى أيدهم شمال بيتلخبطوا شوية فى موضوع القيادة على الشمال لان الفتيس بيكون يمين و التحكم باليمين بيبقى أقل شوية
فهل يمكن أن واحد يجيب تابلو مثلا فرنسى وينقل الدواسات ؟؟
السلام عليكم ,
حبيت بس أشوف إنهاردة موضوع غريب جدا و دا النظام الفرنسى
و أغلب إلى أيدهم شمال بيتلخبطوا شوية فى موضوع القيادة على الشمال لان الفتيس بيكون يمين و التحكم باليمين بيبقى أقل شوية
فهل يمكن أن واحد يجيب تابلو مثلا فرنسى وينقل الدواسات ؟؟
ممنوع تماما السماح بسير او ترخيص سياره قياده يمين ( الدركسيون يمين ) الا بموافقه خاصه من وزير الدخليه
يعنى انسى تماما الموضوع ده
تمام زى ما الاخوة الافاضل قالوا
بس هو مين قال ان الدركسيون فى اليمين فى النظام الفرنسى انا على حد علمى ان العالم كله اخد الدركسيون فى الشمال من النظام الفرنسى
اما فى اليمين ده فى النظام الانجليزى ال طول عمره بيخالف النظام الفرنسى
+11111111
بالظبط
وخد بالك كمان
لو سقت عربية دركسيونها يمين ( انجلترا ) في طريق اتجاه الذهاب فيه يمين ( زي عندنا )
بتخالف قاعدتين مروريتين غاية في الخطورة
1 - في حالة ان انت هتدخل في طريق رئيسى بشكل موازى ( كنت راكن على جنب مثلا او طالع من شارع جانبى )
في الحالة المظبوطة ( اللى هو دركسيون شمال وطريق يمين او دركسيون يمين وطريق شمال ) هتبص جنبك بنظرة واحدة تشوف كل اللى جاى
انما لو العكس لازم تنزل من العربية وتلف حواليها عشان تشوف !!!
2 - لو انت ماشى في طريق مفرد و عايز تتجاوز الى قدامك في الحالة العادية برضه بتيجى في اقصى الحارة و بتبص بعينك بصة على اللى جاى وانت في مكانك وتتأكد ان الطريق فاضى و بعدين تتجاوز ودى ما ينفعش تتعمل لو ركبت عربية يمين في طريق يمين او عربية شمال في طريق شمال
يعنى موضوع مكان الدركسيون ده مش عشان اشول ولا ايمن
على حسب اتجاه الطريق نفسه هل اللى رايح على اليمين و اللى راجع على الشمال ولا العكس
وبرضه حكاية اتجاه الطريق دى لها قصة تانىة
كلام مضبوط
نظام القيادة على اليسار (Left Hand Drive ) موجود اساسا من انجلترا و الدول التابعة لها زى استراليا و دول اسكندنافيا وله نظام متكامل من تجهيز السيارة و الطرق و الاشارات و كل شىء تبع المرور
على فكرة نظام المرور عندنا به القيادة على اليسار (Left Hand Drive ) بس فى السكة الحديد فقط , تلاقى القطارات تسير ناحية اليسار وده لان نظام السكة الحديد فى مصر اصلا نظام انجليزى
ولو ان مش موضوعنا لكن قصه اتجاه الطريق تلاقيها على اللنك ده
لماذا القيادة على اليمين او على اليسار؟؟ نظرة تاريخية مفصلة - :: CraZy EnGineerZ ::
دا طلع الموضوع كبير أوى و له علاقة بالمرور و الحكومة ووزير الداخليه
يا جماعة على العموم ألف شكر ليكم و الحمد لله فهمتونى أن الدريكسيون اليمين أنجليزى أصل انا كنت حاطيت فى دماغى أنه فرنسى على طول عشان كان فيه موضوع كدة غريب عن نابليون
على العموم يا شباب ألف شكر ليكم للمرة المليون على الأفادة