السلام عليكم سؤال الى اهل الاوبترا المحترمين

**Hosam_Optrawy** · 24-04-2010 12:34 AM

المشاركة الأصلية كتبت بواسطة mo7elmy

حسام باشا وحشتنى والله
سوال مهم اوى يا حسام باشا
هل نظام تعليق الاوبترا احسن ولا النيو سيراتو ؟
دة اولا
ثانيا : الاوبترا ولا السيراتو كل واحدة على سعرها امام نظيرتها ؟
وشكرا

ازيك ياباشا عامل ايه

بخصوص نظام التعليق فالمفروض ان نظام التعليق الخلفى فى الاوبترا افضل من السيراتو

وبخصوص المقارنه انا شايف ان مينفعش نقارن العربيتين ببعض

الاوبترا هى الأفضل فى فئتها السعريه

والسيراتو هى الأفضل فى فئتها السعريه

معاك تمن السيراتو هاتها بدون تفكير ومش هاتندم ان شاء الله

مش معاك هات الاوبترا برضه كويسه

**Hosam_Optrawy** · 25-05-2010 03:52 AM

المشاركة الأصلية كتبت بواسطة mo7elmy

حسام باشا واحشنى جدا
سوال مهم لو سمحت لانى خلاص معرض اوتوماك على الابواب وان شاء الله نويت على الاوبترا
كمان الفترة الى فاتت سالت ناس كتير ركبنيها 90% شكرولى فيها
انما اختلفوا على المانيوال والاوتو منهم من ايد دة ومنهم من ايد دة
السوال ليك فى مطالع الكبارى وعزم العربية من تحركها للثبات ايه اخبار الاوتو
لانى كنت راكب عربية مع واحد وهى اوبترا اوتو معجنيش سحبها وهو طالع مطلع كوبرى

السؤال التانى ايهما صفقة مربحة اكتر شيفروليه اوتو ولا مانيوال حتى فى اعادة البيع

الحاجة الاخيرة : فى واحد معاه اوبترا اوتو فسالته فشكرلى فيها بس قلى ياريت اول ماتجيبها تغير بوجيهاتها ببجيهات kmp تقريبا ان لم تخنى الحروف قلى تفرق معاك فى استهلاك البنزين
هل دة صح ؟
وهل تيل الفرامل فى الاوتو استهلاكه عالى عن المانيوال بشكل كبير ؟

العربيه سحبها كويس جدا على المطالع يعنى مستحيل تحس انها ضعيفه او مش قادره تطلع المطلع

والعربيه بتجيب من 0 - 100 فى 10 ثوانى تقريبا

وانا بصراحه ارشحلك الاوتوماتيك بلاش مانيوال

وفى اعادة البيع الاتنين كويسين , دى ليها سعرها ودى ليها سعرها

والاوتوماتيك ممكن تبقى مطلوبه اكتر للى بيدور على عربيه اوتوماتيك رخيصه وكويسه

موضوع البوجيهات بصراحه مجربتوش

بس اسمع ان من احسن الانواع نوع اسمه ngk

تيل الفرامل يقعد حسب طريقة استخدامك

ممكن تغيره بعد 10 الاف وممكن بعد 30 الف

**Hosam_Optrawy** · 01-06-2010 09:03 PM

المشاركة الأصلية كتبت بواسطة mo7elmy

حسام باشا عميد الاوبتراوية
خلاص هانت المعرض الاسبوع الجاى
ونويت على الاوبترا اوتو اخذا بنصيحتك
انما سوال مهم
لو لاقيت عرض محترم من نيو سيراتو وانت عارف ان المقابل للاوبترا الاوتو فى السيراتو هى الى 109000
فانت شايف بحكم خبرتك فرق السعر دة من 92000 لحد 109000 حوالى 17000
هلاقيهم فى السيراتو
والا هنا الاوبترا احسن من حيث ادائها على قميتها
وهنا انا مش بقارن بين العربيتين
على اد ما بقارن اداء بقيمته
ياريت الافادة
حكم انت عارف اسئلة ما قبل دخول الامتحان وانت على باب اللجنة

على فكره فى سيراتو ب 103 اوتوماتيك

بس ناقصه حاجات كتير عن اللى ب 109

واللى ب 109 تعتبر ممتازه وتمنها فيها طبعا

جنوط سبور 16 - ايرباج - سى دى Mp3 وملتى فنكشن - نيكل فى القتيس والطاره واكر داخليه معدن - فوج لايت

لو فى امكانيه تزود وتجيب سيراتو يبقى توكل على الله ماترددش

كفايه شكلها الداخلى والخارجى والتصميم الاحدث والموتور الأقوى وتوكيل محترم وضمان 5 سنين او 100

انا ان شاء الله هاتكون خطوتى الجايه هاتكون سيراتو

بالتوفيق ياباشا