-
كباس التكييف !!!
معلش يا جماعة انا واجع دماغكو
انا لما جبت العربية التكييف كان شغال و زى الفل و بعد كدة لقيتوا مش بيشتغل و النهارده كشفت عليه عند محمد عيد اللى ف العجوزة قاللى ان الكباس هو اللى بيهرب و محتاج يتغير
يا ريت لو حد يعرف الأسعار و ألاقيه عند مين ؟؟ و يا سلام لو حد يعرف واحد من الناس دى معرفة كويسة عشان انا سألت محمد سوسو قاللى 700 و سألت الشيخ هيثم قال 800
أرجو سرعة الرد ضرورى
أخوكم محمد عبود
-
شوف حد تانى ممكن يكون جلدة عايزة تتغير
-
بص الافضل طبعا انك تغيره لأنه بعد ماهيتصلح بشوية هيضرب تانى ...
-
-
التكيف بتاع اوبل حساس شوف واحد كويس يفهم بتكيف بتاع اوبل كويس
-
انت ايه اللى وداك عند الحرامى ده
بص يا باشا انت الأول فيه تسريب فى الدورة و لا لأ
لو فيه تسريب طيب ليه ظهر على غفله
و مدى قوته
اكشف عليه عارف شارع شاهين اللى بعد مطلع كوبرى اكتوبر و انت رايح الجيزه على طول فيه واحد هناك كويس
و عندك الكابتن فى الحرفيين
متشتريش انت الكباس بايدك الصنايعى يشتريه عشان لو فيه حاجة هو يغيرة و متتدبسش فى شحنه و تنضيف و زيت
روح لحد بيفهم
-
والله الواحد بطل يثق بالصنايعيه دول خاااالص يا محمد
يعني دا كويس ياباشا ومجرب؟
-
اولا الكمبرسور مينفعش تعرف هو شغال ولا لا الا لما يتكبس وتشوف شغال ولا لا شوف التسريب الاول
روح للكبتن فى الحرفين راجل فاهم هو بيعمل اة كويس اوى
-
1000 شكر يا جماعة و الله الواحد من غيركو مش عارف كان هيعمل ايه ؟!
و لو سمحت يا تامر باشا ممكن رقم الكابتن عشان انا مش عاوز اروح مشوار الحرفيين ده على الفاضى
انا سألت برضه كذا واحد على الكمبريسور و كنت ممكن أخده من واحد اسمه هانى أوبل فى فيصل على 500 بس برضه قلت أسألكم الأول
و 1000 شككر تانى
-
Content Relevant URLs by
vBSEO 3.6.0 PL2