الموضوع: أحسن طريقة لأستثمار الأموال

الواحد ممكن يشتري حته ارض او مصنع

اى قرض يعود بالنفع على صاحبه فهو ربا
ايأ كانت الفائده سواء ثابته او متغيره فهو ربا
والله اعلى واعلم

المشاركة الأصلية كتبت بواسطة screenplays

احسن اقتراح انك ترمي الفلوس في وديعه في اي بنك و خلاص

هو صحيح أن فلوس فوايد البنوك هتبقى طبعآ أقل من أى مشروع ناجح ....
لكن أنت بتشترى دماغك وصحتك ....

هما أصحاب المشاريع دول بيشوفوا الراحة؟؟!!
دة عامل سرق ودة عامل بوظ الدنيا و دى ماكنة أتحرقت ولا عايزة صيانة ألخ ...

المشاركة الأصلية كتبت بواسطة tifa55555

اى قرض يعود بالنفع على صاحبه فهو ربا
ايأ كانت الفائده سواء ثابته او متغيره فهو ربا
والله اعلى واعلم

في الخلافة الاسلامية كانت العملات من الذهب والفضة وذلك لأن الذهب والفضة تحتفظ بقيمتها ولا تتغير بمرور الزمن,أما في العصر الحديث فان العملات الورقية قيمتها تقل بمرور الوقت وهذا هو عين الربا لأن القيمة الشرائية للعملة تقل بمرور الوقت .
أما فوائد البنك فما هي الا تعويض للحفاظ على قيمة اموالك من الانخفاض
والله أعلى واعلم

المشاركة الأصلية كتبت بواسطة ghostmido

مع احترامى لكل الاراء المحترمة اغلب الناس مش عارفة يعنى ايه ربا ياجماعة والله مش محتاجة تفكير اى فائدة ثابتة على فلوس = ربا ربنا يحفظنا ويحفظكم

و مع كامل احترامي لرأيك المحترم برضه, مش يمكن أنت اللي مفهوم الربا عندك فيه مشكلة!!..

المشاركة الأصلية كتبت بواسطة tifa55555

اى قرض يعود بالنفع على صاحبه فهو ربا
ايأ كانت الفائده سواء ثابته او متغيره فهو ربا
والله اعلى واعلم

يعني كأنك بتقول لما تربط وديعة في بنك أنت كده بتُقرض البنك لأنه مزنوق حبتين في فلوس فالبنك وافق أنه يردهالك تاني بفوائد فكده تعتبر حرام !!
هو صحيح أه أنت لما تيجي تحط فلوس في بنك ده بيعتبر كأنك بتُقرض البنك فلوس و هيدفعلك عليها فايدة, لكن زي ما البنك بيدفعلك فايدة هو كمان بياخد منك فايدة في المقابل و الفايدة دي أنت بتكون موافق عليها و ماضي كمان. يعني هي علاقة Win-Win في الأخر مفيش حد كسبان و مفيش حد خسران. لا أنت زلتني عشان أنا مزنوق, و لا أنا أستغليتك عشان أنت محتاج..

...........

المهم يعني, نرجع لموضوعنا و نبعد عن شرعية فوائد البنوك دلوقتي عشان الموضوع ما يبوظش.
هو في حاجة اسمها Risk/Return tradeoff فكل ما المخاطرة زادت كل ما أحتمالية الربح تزيد, زي مثلاً فوائد الودائع نسبتها قليلة لأن نسبة المخاطرة فيها قلية و البورصة ربحها بنسبة أعلى بس مخاطرة أكبر و هكذا...
فأنت لازم تكون عارف مدي قدرتك على تحمل المخاطرة في أي مبلغ أنت بتستثمره و على اساسه تختار نوع استثمارك ايه..
اعتقد ان العقارات من ضمن الحاجات اللي بتجيب عائد كبير لكن فيها مجازفة كبيرة لأنك متضمنش السوق ايه اتجاهاته بالأضافه لأي عوامل خارجية أو طبيعية زي الزلازل مثلاً ممكن تأثر برضه..
البورصة, محتاجة واحد فاهم كويس هو بيعمل ايه و بيحط فلوسه في انهي سهم أو سند, و طبعاً مخاطرتها أنك ممكن لا قدر الله تخسر كل حاجة في ثانية زي ما ممكن في الثانية اللي بعدها تكسب تاني.
TB's -Treasury Bills- و دي زي أسهم حكومية مبتخسرش و عائدها بيكون كويس لكنها بتبتدي تقريباً من 25 ألف على ما أتذكر أو يمكن أكتر, يعني مثلاً أنا دلوقتي عايز أستثمر 300 ألف في أزون الخزانة دي فبدفع دلوقتي مثلاً 250 ألف و بعد 6 شهور يرجعولي 300 ألف.. و دي معظم البنوك مش بتروجلها إلا لو العميل سأل عليها بنفسه و غالباً بتبقى عملاء تقال و فاهمين..
في حاجة شفت كذا حد بيستثمر مبالغ فيها أسمها Star Capital Finance هي تقريباً شركة أستثمار أموال بس هي مش شركة مصرية بس أعتقد ليها فرع في مصر, أنا معنديش معلومات عنها الصراحة لكن شفت ناس مش قليلة بيستثمروا فيها بس بيكون بالدولار..
لو مش عايز تلعب لعبة المخاطرة دي فخليك بقى في شهادات الأستثمار و العائد بتاعها برضه مش وحش يعني بنتكلم في حدود من 10 لـ 11%..

[QUOTE=dede_dodo88;3874311905]و مع كامل احترامي لرأيك المحترم برضه, مش يمكن أنت اللي مفهوم الربا عندك فيه مشكلة!!..




لو حضرتك شايف ان مفهوم الربا عندى فيه مشكلة. ياريت حضرتك توضحهولى من وجهة نظر الاسلام مش من وجهة نظر البنوك.
تقبل تحياتى

[QUOTE=ghostmido;3874311925]

المشاركة الأصلية كتبت بواسطة dede_dodo88

و مع كامل احترامي لرأيك المحترم برضه, مش يمكن أنت اللي مفهوم الربا عندك فيه مشكلة!!..




لو حضرتك شايف ان مفهوم الربا عندى فيه مشكلة. ياريت حضرتك توضحهولى من وجهة نظر الاسلام مش من وجهة نظر البنوك.
تقبل تحياتى

هو للأسف لازم تفهمها من كل ناحية برضه يعني لازم تفهم الموضوع برضه من ناحية البنوك و تفهم العملية ماشية أزاي لأنه هو الموضوع مش مجرد فلوس بتديهاني و بتاخد عليها فايدة كده وخلاص و أنا قلت شرح مبسط في ردي الأولاني و أنت لو عايز تعرف تفاصيل أكتر فمستر جوجول موجود في أي وقت :) ..