انا خلاص هاتجنن كنت هاخبط فى واحد عشان محترم وزوق؟!!

**AirForces** · 18-02-2010 12:37 AM

هو طبعا ليك حق تتنرفز بس برضو المفروض تاخد مسافة كافية عشان تقف لو حصل اى موقف مفاجئ
انا بسوق من حوالى سنة بس
ببقا واخد مسافة قدامى على حسب السرعة لكن بيحصل مواقف غريبة برضو الاقى حد يستنى اول ما اقرب ويروح رامى نفسه قدام العربية عشان يعدى الشارع
ولو مشيت ورا ميكروباص او مينى باص الاقيه فجأة وبدون اى مبرر يقف فجأة فى نص الطريق عشان ينزل حد او يركب حد
ولا اللى يكون ماشى وبدون اى مبرر الاقى راح ضارب فرامل فجأة عشان يحود من غير اى اشارة
وحاجات كتير تحرق الدم فما بالك انى كمان لسه طازة شوية فى السواقة بس اهو ربنا بيستر الحمدلله

**mrwho1982** · 18-02-2010 12:39 AM

ياباشا فوت وكبر علشان تعرف تعيش

**mahmoodallam** · 18-02-2010 12:40 AM

المفروض لما تيجي تقف فجأة تشغل الاربع اشارات وده ما يكونشالا لو كنت هتخبط الللي قدامك او تكون متاكد ان الوراك ملاحظ وقوفكوما تقفش علشان الناس تعدي هحكيلك موقف
انا اختي كانت عايزة تعدي الشارع فواحد بتاع اتوبيس حب يوجب وقف لها هي ما كانتش شايفة بقيت الطريق كويس والعربيت اللي في شارع مش فاهمة الالتوبيشس واقف ليه ؟
هي عدت من الاتوبيس من هنا وقام خابط فيها واحد تاني !!!!!!!
والحمد لله كل الموضوع شهر في الجبس وعدم الحركة

**Abo_Lina** · 18-02-2010 12:54 AM

المشاركة الأصلية كتبت بواسطة mrwho1982

ياباشا فوت وكبر علشان تعرف تعيش

صح كده
الواحد لو قعد يربي و يأدب كل واحد في الشارع مش هانخلص
علق إيدك على الكلاكس و إحرق من جنبه و خلص نفسك

**ahmedkoko** · 18-02-2010 12:58 AM

المشاركة الأصلية كتبت بواسطة run

انا شايف انو صح وياريت كل الناس تعمل كدة

يعنى خلاص لو وقفت دقيقة هاتفوتك الطيارة ولا اية

+11111111111111111111

**brown-eyes** · 18-02-2010 01:20 AM

انا بعمل كده دايما وساعا بضايق لما ماعديش حد واشوفه في المراية انه كاان عايز يعدي او حاجة وبضايق اكتر لما اقف اعدي حد وفي الاخر يبصلي بقرف مش عارف ليه انا سافرت ايطاليا من شهرين ولغاية دلوقتي هناك بصراحة مش عايز اقولوكو الناس بتحترم بعض ازاي مع ان ايطاليا من اسوا دول اوروبا بس لو في حد جي ماشي 40 مثلا وانت بتعدي لازم يقفلك ولو شايل شنطة ولا حاجة ببقي مستني الشارع يفضي عشان اعدي بلاقي الناس وقفتلي من غير حتي ما ابصلهم ولا تسمع تلكس بقي ولا اي حاجة !!!!!!!!!!! نفسي نبقي كده

**romeo_6887** · 18-02-2010 01:28 AM

الغلط انك زنقت عليه

**Medo007** · 18-02-2010 02:48 AM

المشاركة الأصلية كتبت بواسطة brown-eyes

انا بعمل كده دايما وساعا بضايق لما ماعديش حد واشوفه في المراية انه كاان عايز يعدي او حاجة وبضايق اكتر لما اقف اعدي حد وفي الاخر يبصلي بقرف مش عارف ليه انا سافرت ايطاليا من شهرين ولغاية دلوقتي هناك بصراحة مش عايز اقولوكو الناس بتحترم بعض ازاي مع ان ايطاليا من اسوا دول اوروبا بس لو في حد جي ماشي 40 مثلا وانت بتعدي لازم يقفلك ولو شايل شنطة ولا حاجة ببقي مستني الشارع يفضي عشان اعدي بلاقي الناس وقفتلي من غير حتي ما ابصلهم ولا تسمع تلكس بقي ولا اي حاجة !!!!!!!!!!! نفسي نبقي كده

ياترى هنبقى كده امتى ؟؟؟؟
ولا انا بحلم ومش هنبقى كده خالص !!!
انا برده بحب اعدى الناس بس اما الطريق يكون زحمة يعني احنا ماشيين على 20 كيلو مثلا
هيحصل ايه لو هديت سنة صغيرة وعديته من قدامي وضغطة بينزين اكون ورا العربية اللى كانت قدامي...ولا لازم ازنق عليه ومخلهوش يعدي واروح اقف هناك!!!! في الزحمة
اما لو احنا ماشيين بسرعة طبعا متقفش مخصوص ولا حاجة ممكن تهدي بس واللى يعدي ينجز وخلاص

**Moe86** · 18-02-2010 03:12 AM

بس هو غلطان طبعا انه بيقف مرة واحدة و فى واحد وراه على طول
أنا لما بشوف واحد عايز يعدى ببص فى المراية الأول , لو مافيش حد ورايا أو المسافة بعيدة بينه و بينى بسيبه يعدى و غالبا بيشكرنى اللى بيعدى