عرض للطباعة
السلام عليكم
شفت مواضيع بتقول ان زجاج اللوجان بيجيله سرطان ويوقع كله
وانا ان شاء الله حجيب لوجان كمان كام يوم.
مش يمكن ياجماعة حد بيرش خل وا لمون عالزجاج عشان اول اما ت\يتعرض للشمس يوقع وبالتالي. مش بتهم حد ممكن تكون صدفة وممكن عن قصد
تروح تغيره عند التوكيل لانها عربية جديدة وطبعا اول حاجة حتجري عالتوكيل
عشان كده انا قررت اني قبل اما اطلع بالعربية في الشمس امسح الازاز كله بالمية كويس جدا
ولو حصل حاجة يبقي ده نصيب وربنا يعمل اللي فيه الخير
يا راجل دي حاله واحده
طالما حاله فرديه يبقي ماتقلقش
توكل علي الله انشاء الله خير
الواحد سمع عن اللوجان كلام كتير حلو
مش عشان حاجه زي دي اغير رايي
عموما اعمل استخاره وربنا هيكرمك
توكل علي الله و من توكل علي الله فهو حسبه . فية ناس كتير معاها لوجي و مبسوطة منها . و ان شاء الله تكون منهم .
ان شاء الله خير وعلي فكرة اعرف واحد اشتري بي الفئة الخامسة حصل كده برضه بس مش فاكر
الازاز اللي ورا ولا اللي عالجناب.
بصراحة اللوجان في رأيي كسحت اللانوس والفيرنا وطبعا الاسبيرانزا لانها صيني الواحد ميضمنهاش
عالية وكبيرة ده كفاية جدا انها تبقي عربية المستقبل:E_braces[1]:
ان شاء الله خير وتوكل علي الله
العربية معايا بفضل الله زي الفل الحمد لله و مركونة في الشمس و بتحرك بيها هنا و هناك و الحمد لله مفيش الهوا
يا جماعة استمتعوا بعربياتكم و كفاية وسوسة =)
لا دى حصلت معايا انا بس
عشان انا تقريبآ فقرى
وحصلت مع واحد قابلته فى مره بالشارع كان راكب لوجان
وقالى انا كمان غيرت الازاز اللى ورا
قولتلو بصره
وحصل معاه زي ما حصل معايا فى التوكيل
وكان فى النهايه مغيره عند واحد بتاع ازاز بره
وهو اللى دلنى عليه
ورحت انا كمان غيرت الازاز عنده
بس مش معنى كده ان كل اللى جابو العربيه دى ازازهم اتكسر
انت عارف انا وصحابى اما بنبقى راكبين العربيه
ونلاقى واحد بلوجان جمبنا
صحبى يفضل يقولى شكله لسه مغيرش الازاز هههههههه
ويقولى طب حذره وقوله يعمل حسابه ههههههههههههههههههههه
ايه يا جماعة احنا ليه بنبص في عشر الكباية الفاضي !!!!!!!
بصو على الباقي المليان ,,,,,, اللوجان كلها مليانة .
اقتباس:
المشاركة الأصلية كتبت بواسطة superiorboy
+1111
يا جماعة الزجاج المسطح عموما يتم عمل معالجة حرارية لازالة الأجهادات الداخلية و اذا لم تتم المعالجة بصورة صحيحة تشكل الاجهادات حملا شديدا على الزجاج مما يسبب تسرطنه مع أى تغير بسيط سواء فى الضغط أو الحرارة
قاعدة : زجاج مسرطن = عيب صناعة و شكرا