انا اشتريت كورولا 2008 وبعد 3000 كم حسيت انى راكب جمل مش عربية اخترتها لأنها اعلى مبيعات فى العالم كانت المشكلة تظهر فى رجة العربية مع نقلات mmt والله تحس انك راكب جمل بيتحرك وبعد صيانة 5000 كم تمت برمجة الجير ولقيت العربية وتكررت تانى
المهم بعد 12000 كم فصلت العربية فجأة وعرفت بمشكلة الجير ، رحت التوكيل خارج القاهرة ( مش هقول المكان ال رحته لأنه مكان محترم جدا جدا ) مهندس الصيانة والمدير قالوا لى دى مشكلة كل العربيات احنا مش بإيدنا حاجة نعملها روح بيها ابو رواش وزعق واعمل لهم دوشة فى المكان هيخافو ويغيرو لك الفتيس بواحد جديد
رحت ابو رواش قالو لى انت مش حاجز ميعاد تعالى بكرة زعقت انا مش ماشى الا بعد حل المشكلة انا جاى مشوار كبير عشان تقولوا تعالى بكرة ، اتكلم معايا مدير الصيانة م / احمد فراج هنحل لك المشكلة بس نشوفها الاول وطلع معايا فنى يجرها عشان تظهر مظهرتش المشكلة وقالى دى مش مشكلة فصل الجير عامل امان ومكتوب كدا فى الكتالوج مش عيب صناعة احنا برمجنا الجير مش هتتكرر معاك تانى عشا الكمبيوتر مش مسجل مشكلة وال قالك ان الفصل دا عيب مش فاهم
اخدت العربية ومشيت وفى نفس اليوم فصلت منى العربية على الطريق الدائرى بعد 20 كم من التوكيل والساعة 5 بعد انصراف الموظفين وروحت وانا حزين على 165 الف دفعتهم فى العربية وواسيت نفسى فى الطريق المشكلة دى مش بتحصل كل يومواعتبرها مستعملة ويعوض عليا ربنا وبلاش امشى بها اتوماتك كفاية منوال وكملت 6 شهور تانية خلالها شفت الأمرين وحست انى راكب عربية كارو سحبها جمل مش عربية كورلا ورحت تانى التوكيل وقررت انى مش هروح ال بعد حل المشكلة وقابلت م / احمد فراج تانى وقلت له مش ماشى الا بعد تغير الجير قالى الفصل مش عيب صناعة قلتلة ليه ظهر معايا كتير كدا بعد 12000كم ولم يظهر قبلها ولا مرة ودلوقتى بشكل شبه يومى لازم اغير الجير قالى خلاص سيبها نجربها ونحدد اى جزء فى الجير اسيبعا مدة لا تقل عن اسبوعين وقد تصل لشهر.
لقيت مفيش فايدة معاهم مسالة تضيع وقت لغاية انتهاء الضمان وضاعت فلوسك يا صابر قلت ابعت ايميل لشركة تويوتا باليابان ولا حياة لمن تنادى.
اى حد عنده حل او عنده اسلوب قانونى ياريت يبعتلى ودا ايميلى
ahmed261@yahoo.com