انا بكرة رايح التوكيل اعملهم شبورة
انا بكرة رايح التوكيل اعملهم شبورة
يا باشا انا جبتها سبورت وانا واقف تسليم فورى من السقا عند المريلاند
انا لفيت كل المعارض عشان اشوف الوانها المختلفه
الاحمر بتاعها كان فاقع اوى ميمشيش معايا
والنبيتى كان جايب على بنى محروق
اللى عجبنى لونين الفرانى والازرق
انا جبت الفرانى بس الفرانى بتاعها داخل على اسود يعنى اغمق من فرانى اللانسر
اما عن العربيه بسم الله ما شاء الله انا مرتاح فيها جدا
وسواقتها كويسه انا جايبها مانيوال
الفتيس سهل مش متعب
بس الاهم خلى بالك فى المطبات عشان السبورت واطية من قدام اوى ومن الجناب فى عتب
ملحوظة اتأكد من انك استلمت كل حاجه خاصه بالعربيه قبل ما تمشى يعنى مثلا انا نسيت وصلة ال usb بتاعت الكاسيت ورجعت تانى خدتها
ربنا يديك خيرها ويكفيك شرها والف مبروك مقدما يا مان:E_braces[1]:
هما هيسلمونا اخر شهر مارس ولا ايه
انا بجد زهقت................
ا/ عاصم
ايه الاخبار
يا رب تكون استلمت على خير
انا بصراحه مقدرتش اصمد اكتر من كده
خصوصا بعد ما غبور اكد لى ان هستلم على اخر مارس
شهرين من غير عربية مش كتيير شويه
وازاى احجز 11 فبراير علشان استلم 27 فبراير
بعد كده يتصلوا بى بعد اول اسبوع فى مارس يبلغونى معلهش لا اخر مارس
هو انا حاجزه فى سوبر ماركت ولا فى توكيل عارف عنده عربيات ولا لا
انا مش قادره افهم المشكله كانت فيين
يا فى عربيه او مفيش
فى ستوك عندهم او مفيش
دول غلبوا الموزعين فى ربط العملاء
و كمان بعد شهر يقولى بقى استنى اسبوع علشان اخد مقدم الحجز بتاعى
الحمد لله انى مكنتش دافعه كتيير والا مكنتش اعرف اشترى العربيه التانيه
عموما ربنا يوفقك و ابقى طمنا عملت ايه