بعد ما لقيت اندر سفيك 93 si فى مصر محتااااااار !!! ومحتاج مساعده
السلام عليكم ورحمه الله
الاخوه الاعزاء محبى هوندا
بعد رحله بحث مضنيه امتدت الى اكثر من شهرين وانا ابحث عن سياره هوندا سيفيك 93 وبعد معاينه فوق 10 سيارات لقيت واحده تعتبر حاله شااااااااذه جدا جدا وبعد ما لقيتها قيت نفسى محتار
الحكايه هحكيها لكم لانى محتار حيره رهيييييييبه جدا
هى عربيه سيفيك 93 si استعمال سيده ماشيه 69000 كلم ومتستغربوش من الرقم وتقولو العداد ملعوب فيه المهم العربيه واضح ان السيده صاحبتها مكنتشى بتمشى بيها خالص وجوزها ماشاء الله رجل مقتدر وعندهم حوالى 3 عربيات غيرها وهى اليد الاولى والعربيه على كلام صاحبها مرخصه سنه 1995
والبدايه رحت اشوف العربيه لقيتها بصراحه مبهدله من بره على الاخر اتخضيت لان صاحبها كان طالب 52000 بدايه كلام المهم من خبرتى البسيطه فى البحث قلت اهم حاجه حاله العربيه من حيث الاساسيات وقعدت اقلب فيها عامل نفسى فاهم قوى وقلت لصاحبها مبدئيا الرقم ده لازم ينزل لان العربيه محتاجه شغل من بره
وبعد معاينه مبدئيه قلتلو لازم اكشف على العربيه عند الميكانيكى الهونداوى الجبار فى الحرفين وانا كنت ودتلو كذا عربيه يقولى فاشله ورحت بيها وصاحبنا بدأ المعاينه التفصيليه وشغال لحد ما طلع يلف لفه ورجع قالى اول حاجه " انا هزعل منك قوى لو مختش العربيه دى " !!
قالى العربيه بسم الله ما شاء الله حاله نادره كل الاساسيات فوق التمام بعد مكنش بتعجبه عربيه العربيه كبس الموتور قرب على 90% كل حاجه بمعنى كل حاجه فبريكه وبحاله ممتازه
المهم من كلامه العربيه بحاله نادره وشاذه واستحاله هلاقى زيها لان الشباب هلكو العربيات دى ومش هلاقى حاجه كده استعمال حريمى بالحاله دى
رجعت لصاحبها واتفاوضت معاه وبالعافيه وصلت الى 48000 الف لكن بقه ضيفوا عليها انها محتاجه رفرفين وكبوت واكصدام خلفى وامامى عشان المدام صاحبتها شكلها كانت على قدها فى السواقه وطبعا بعد كده رشه دوكو عشان الشكل العام وحبه شغل خفيف قوى فى العربيه جلده مش عارف ايه وكلبس المهم شويه تفاهات على كلام الميكانيكى
المهم انا سألت على اسعار الحاجت دى لقيت ان الموضوع ممكن يدخل فى حوالى من 4000 الى 5000 جنيه يعنى الاجمالى هيوصل الى 53000 الف تقريبا
مش عارف بقه هل من الحكمه انى ادفع الرقم ده فى عربيه موديل 93 حتى ولو كانت هوندا سيفيك خصوصا ان الرقم ده ممكن يجيب حاجت كثير زى لانوس او ماتريكس 2005 او اوبل الخ ..
يا جماعه بجد محتار ايه رايكم وخصوصا بعد انى وصلت لعربيه حاله شاذه عاوزه بس شويع توضيب
ولو رايكم مع الهوندا منين اجيب قطع غيار رخصيه ومعقوله عشان الم الموضوع خصوصا ان الميزانيه كانت 45000 الف بالكثير بالنسبه ليا .
تعبتكم معايا بس لانى مش خبير فى الهوندا بس انا بعشق السرعات العاليه وبحب اندفاع وقوه الهوندا خصوصا ان عندنا ميتسوبيشى جالنت ودى الهورس باور بتاعها 185 حصان
ساعدونى باقتراحتكم وارائكم هل فعلا تصرف صحيح ادفع الرقم ده فى هوندا 93 ولا اجيب حاجه موديل اعلى اى نوع تانى
ياريت اصحاب الخبره الى ركبو الهوندا وعرفوها يردوا عليا
شكرا للجميع
