لو سمحت يا دكتور احمد اخويا كان بيسالني عن التراي بي برشام و انا معرفش الماده الفعاله الناس قالتله فالجيم انو كويس علشان ينمي العصب(مش فاهم قصدهم بالعصب)طبعا انا مش مقتنع فما تركيبته و هل له اضرار جانبيه ؟؟؟؟؟؟؟؟؟؟؟؟؟؟؟؟؟؟
عرض للطباعة
لو سمحت يا دكتور احمد اخويا كان بيسالني عن التراي بي برشام و انا معرفش الماده الفعاله الناس قالتله فالجيم انو كويس علشان ينمي العصب(مش فاهم قصدهم بالعصب)طبعا انا مش مقتنع فما تركيبته و هل له اضرار جانبيه ؟؟؟؟؟؟؟؟؟؟؟؟؟؟؟؟؟؟
ياااااااااااه يادكتور
هوا ليه فيه حد بيستخدم تعبير بُرشام
المهم ياجميل
بص ياسيدي
تراب بي .............
سواء حقن أو أقراص(بُرشام)
تحتوي على فيتامين ب المركب(vit.B complex)
إلي هوا فيتامين بـ1 و بـ6 و بــ12
بالإضافة لـ حمض الفوليك(folic acid)
ووظيفتهم كالتالي:
فيتامين بـ 1: انزيم مساعد لعملية هضم الكربوهيدرات
فيتامين بـ 6:له دور في عملية تمثيل الأحماض الأمينية
فيتامين بـ12: بيساعد على تجديد الدم وله أثر بنائي(anabolic)
حمض الفوليك:بيساعد على تكوين كرات الدم الحمراء..وبالتالي بيساعد على زيادة تشبع الدم بالأكسجين ..وبالتالي نقل كمية أكبر من الأكسجين للعضلات والأنسجة
يعني بشكل عام
مفيد جدا ...لكن مش بالشكل إلي لاعبي كمال الأجسام ممكن تتخيله
يعني ..لا يساعد في تضخيم العضلات أو زيادة قوتها
الموضوع ممكن يكون بتأثيره النفسي
يعني لاعب كمال الأجسام المبتدئ لما الكابتن يديله حقن أو حبوب ويقوله إنها هتفيده
ده ممكن يفيده فعلا ..بس بتأثير نفسي ..مش بتأثير فسيولوجي
والتراي بي ..زيها زي أنواع أدوية تانية كتير لها نفس التركيب
زي
نيوروفيت ..نيوروتون ..ديبوفيت بي12..بايوفيت بي12 .. نيوروبايون ..نيوروبين ..بيتولفكس .....إلخ
..والله أعلم..
نواقص السوق الأيام دي
سبازموتال نقط ناقصة جدا ..
أوميجا 3 بلس ..كبسول
أدينوبلكس ..أمبول
فلورست ناقص ..وبدأ يكون موجود
...
كنت عايز اعرف الأثار الجانبية للأدوية الى هيا بتعالج الشعر الخفيف ؟؟؟ وإيه احسنهم وإيه الأثار الجانبية بتاعتهم ؟؟؟؟
بص يامعلم
معظم روشتات أطباء الجلدية الخاصة بتساقط الشعر(الوراثي والغير وراثي)
لا تخرج عن فيتامينات مكملات غذائية ومضادات للأكسدة
وأدوية بتزود الدورة الدموية لفروة الشعر
زي مثلا
بيرفورما ..سبراي
هاير باك..سبراي
هاير جاين ..سبراي
.........6 بخات صباحا &وزيهم مساءا
والنتيجة المتوقعة تظهر من 3 -4 شهــــــــــور
وكبسولات زي
فيتازنك
ميجافيت زنك
ورويال 4
و...........
مع بعض الإفتكاسات بتاعت الشركات الجديدة
زي الشركات الي بتقدم منتجات (بتقول)إنها طبيعية ومن خلاصة زيت مش عارف إيه ..وخلاصة زهرة مش عارف ايه
لكن الاساسي في روشتات تساقط الشعر
1.نوع سبراي من السابق ذكرهم
2.زنك وفيتامينات
..........
ومن ناحية الاثار الجانبية
المفروض إنك هتفضل ماشي على نوع الاسبراي على طوووول
وده أخطر أثر جانبي ..علشان السبراي -غالبا- بيكون غااااالي
ده طبعا غير تأثير الحبوب بتاعت الفيتامينات على المعدة
ولو دكتور خبرة ..هيكتب معاهم حاجة للمعدة زي أنتودين أو أوميز
..والله أعلم..
انا عاوز دواء يخلينى فييييييييييييل
انا رفيع جدا و نفسى ازود وزنى مش عارف ازاى
1- انا 175 سم
2- وزنى 55 كجم
3- انا قليل الاكل تقريبا مره واحده بس فى اليوم و ساعات مرتين
فى فترات بتحصلى حاجه غلط و باكل كتييييير انا مش عارف السبب بيكون ايه بس ساعات بتحصل بس حتى لو حصل وزنى مش بيزيد
عاوز مكمل غذائى قوى بس مش عاوز يكون بودر و يضاف للبن لا نفسى يكون كبسول
بص يامعلم
عندك أكتر من طريقة
الأولى:::
إنك تاخد سعرات حرارية أكتر من إلي جسمك محتاجه
جسمك هيحتاج مش أقل من 2000 سعر حراري
لو إنت أكلت 5قطع هوهوز(الواحدة فيها 400 سعر حراري)=2000
لو أكلت أزيد ..هتزيد
التانية:::
إنك تااااااااكل أيس كريم ..علشان بيدي سعرات حرارية عالية جدااااااا
التالتة:::
إنك تمارس الرياضة
أنا وأنا في ثانوية عامة كنت عامل زي المصاصة(راس كبيرة ..وعود ممصوص)
ولما لعبت رياضة ..جسمي بدأ يحتاج أكل أكتر
وتلاقي نفسم تتفتح جداااااا بعد التمرين وعاوز تاكل
مع العلم إني مكنتش برفع أوزان كبيرة ولا كلام من ده
أنا بس كنت برفع أوزان معقولة
.....
إنما لو عاوز أدوية
ممكن تاخد مكملات غذائيى زي الــ bio-gainer
أو growth formula
وتاخد معاها فواتح للشهية قبل الأكل بـ نص ساعة زي الــ (موسيجور..أقراص)
الدكاترة المصريين بقا ..بيدوا الناس حاجات علشان تجيب نتيجة سريعة
لكن للأسف
easy come...easy goo
يعني
دكاترة كتير بيكتبوا للمصابين بالنحافة أقراص للحساسة زي
هيستازين ..اوربازون ..فروتي كورتين
الادوية دي مشتقات للكورتيزون..وبتسبب تراكم للميه تحت الجلد وبتعمل حاجة اسمها (السمنة الكاذبة)
ودي بتدي نتيجة سريعة..لكن النتيجة دي بتروووح في خلال أيام لو بطلت الاجوية دي
ده طبعا غير الاثر السلبي للكورتيزون على الجسم
..والله أعلم..
الف شكر بس انا مش قصدى تساقط الشعر يعنى مفيش تساقط ولا حاجة الفكرة انا مش عارف اوصلهالك قوى عارف لما تشيل شعرك على 1 مثلا تحس ان فروة الراس بتكون باينة فى حتت وحتت يعنى زى ميكون الشعر مش طالع فى كل فروة الراس بنسبة واحدة يعنى حتت فيها وحتت فاضية ده يبقى إيه ؟؟؟