حمد الله على سلامتك و الاسرة يا ا/احمد و فداك و ربنا يعوض عليك
عرض للطباعة
حمد الله على سلامتك و الاسرة يا ا/احمد و فداك و ربنا يعوض عليك
حمد الله على سلامتك يا أستاذ احمد.... و الحمد لله جت سليمه و الأولاد بخير (ربنا يباركلك فيهم)...
شارع الهرم للأسف بعد الساعه 1 كده بيبقى فيه من الشباب التيييييت دي كتييير... خاللي بالك منهم بعد كده
و المهم سلامتك انت و الأولاد....
تقبل تحياتي
يا جماعة انا مش عراف اقولكم جميعاً اية , والله انا من ردود حضراتكم بقيت مبسوط جداً ونسيت موضوع الحادثة , لان فعلاً حسيت اننا أكتر من الاهل والله العظيم.
جزاكم الله جميعا كل الخير لكل من افادنى بنصيحة أو قام بالرد على موضوعي.
يا جماعة انا زهقت منالبلد بنت ال000 دي انا قرفت والله العظيم من كل حاجة ونفسي اهج منها ومش عاوز ارجعها تاني انا بقالي شهرين بظبط العربية واشدها
اشتريت لها مساعدين مونرو وغيرت العفشة كلها وجددتها وسمكرتها ورشيتها وركبت جنوط 14 سبور وكاوتشات جديدة ولسا بجمع حاجة تعديل الفرامل وامبارح وانا في الشغل لقيت البواب بيكلمني بيقول لي تعالى العربية اتخبطت قولت له مش هقدر اسيب الشغل دلوقتي ( انا جه في بالي حكة بسيطة لاني راكن فوق الرصيف لجوة وراكن جنبي عربية ناحية الشارع من برة) لاقيته بيكلمني تاني وبيقول لي الخبطة جامدة روحت كلمت اخويا راح بص على العربية لاقا ميكروباص عشة(ترامكو) طاير من الشارع وطالع راكب على 3 عربيات داخل في عربيتي والعربية اللي جنبي وش في وش المهم اخويا مسك الواد اللي سايق عيل عنده 15 سنة وخد المفاتيح وحبسه جوة الميكروباص شوية وجه ابو الواد ومعاهم بلطجية وعاوزين يهربوا الواد لكن البواب والناس اللي في الشارع منعوهم ودايما البوليس بييجي في الاخر زي الافلام العربي .
المهم كلمت السمكري وجه بص على عربيتي قال لي هتغير كبوت واكصدامين و3فوانيس وستارة الريداتير سالتعليهم لاقيتهم في حدود2500 ده غير المصنعية يعني هتخشلها في 4000 كلها وربنا يستر ومايكنش في حاجة في الريداتير ده غير العربيتين التانيين عاوين لهم 5000 هما كمان المهم كلمت ضابط في القسم قال لي الواد هيحبس 4 ايام ويدفع غرامة تصادم 50 جنية عن كل عربية ويطلع بكفالة ابوه حاول تخلص الموضوع وخد اللي تقدر عليه بعد خناقات وحوارات في القسم بين الواد واهلة والبلطجية من ناحية واحنا (اصحاب العربيات من ناحية تانية) الراجل ابو الواد طلع 4000 جنيه لكل العربيات انا نصيبي000 2 وكل واحد من الناس التانية 1000
انهاردة روحت اتنازلت عن المحضر بعد الواد مادفع الفلوس وانا راجع راكب ميكروباص كان سايق بسرعة جداً . ولما جه يركن في الموقف كان هيخبط واحدة ست شايلة طفل صغير وطبعاً انا مشحون ومش ناقص قولت له فتح يا اسطى هتدوس الست قال لي مالكش دعوة وخاف على نفسك روحت قولت له وريني هتعمل ايه قال لي اللي بيعمل حاجة مابيقولش روحت نازل له وفاتح الباب بتاعة وشديته وقولت له انا مش عاوزك تقول انا عاوزك توريني هتعمل ايه ولولا الناس حاشوني مش عارف كان ايه اللي ممكن يحصل
ولما هديت شوية قولت لو اتهورت والموضوع اتطور كان ايه اللي ممكن يحصل ...وافتكرت سواق الميكروباص اللي داس وكيل وزارة الاعلام
هي دي مصر وهو ده القانون قانون المرور الجديد يا أخي 000
حسبي الله ونعم الوكيل
متزعلش نفسك خالص .. ولا ترفع ضغطك على ناس للأسف بقت هي الأكثرية في الشارع اللي افتقد احترام الناس لبعضيها .
واعتبر الخبطة يا سيدي حاجة فدت حاجة .. والحمد لله انها جت على كدة
بس انا نصيحة (من أخ أصغر وأرجو تقبلها) لو حصل معاك الموقف ده تاني متجريش وراة لأن العملية مش مستاهلة انك تدخل نفسك في مشاكل (خبطة للعربية .. خناقة مع واحد بلطجي ..إلخ)وعود نفسك دائماً على هدوء الأعصاب والبرود وأنت سايق لأنك لو دققت على كل حاجة بتحصل في السواقة والشارع مش حتخلص .. وانت الخسران في الأخر .
والحمد لله على سلامتك وسلامة اسرتك .. ودي أكيد بالنسبة ليك بالدنيا وأحسن من ميت واحد عمل معاك الموقف ده .
اللهم أجرك فى مصيبتك و أخلفك خيرا منها.
بسيطه الحمد لله المهم انت والاولاد حياتكم ماتساويش ظفر مسطول من مساطيل المحروسه
وربنا يعوض عليك خير ان شاء الله
السلام عليكم ورحمه الله وبركاته
فى البدايه حمدلله على سلامه سيادتك وسلامه الاولاد المشكله دى بتقابلنى كتير جدا جدا سواء معاى او بشوفها مع ناس تانيه
زى مره كنت ماشى عند شارع النادى الاهلى فؤجت بعربيه بيجو 504 بيجرى وخبط عربيه راكنه من الجنب و مشى ولا كانه عمل شى جريت وراه قولتله ليه مش وقفت وسبت رقم موبايل على المساحات تكتب فيها انك انت ال عملت كده وهو يسامحك اولا شى يرجع لصاحب السياره قالى هو ال غلطان مش انا قلت ليها ده واقف مش عمل شى قلت ليه شى واحد تاكد ان الموضوع ده هايحصل ليك ونفسى اعرف رده فعلك وقتها ايه؟ سكت وسبنى ومشى
المشكله فى المواضيع دى هو الاخلاق اتغيرت ويرجع سببها البعد عن الله لازم نفهم فى ان فى رب موجود بيحاسب وشايف وعالم بكل شى لا تخفى عليه الصغير والكبيره
فبرجاء نغير من انفسنا كلنا حتى انا اولكم نحافظ على بعض زى ماالدين الاسلامى والمسيحى علمنا نحافظ على بعض اكتر ما بنحافظ على نفسنا واهلنا وحاجتنا
ياريت نعمل حمله توعيه بين الناس وبعضها خافوا على بعض اكتر من خوفك على انفسكم
ارجعوا الى الله فى كل شى هذا هو خلاصه الموضوع
ربنا يخلف عليك بالخير وأهم حاجة سلامة أسرتك و والصح فعلا إن حضرتك متعرضش الأولاد لمواقف يكون فيها توتر وشد عصبي وتهديد ليك لأنهم بيعتبروك حصن الأمان بالنسبة لهم، وأي تهديد لسلامتك مع أشكال من النوعية دي ممكن يهز الأولاد جامد
ربنا يحفظك ويحفظهم بما يحفظ به عباده الصالحين