اقتباس:
المشاركة الأصلية كتبت بواسطة zkralla
مع احترامى لوجه نظرك أنا شايف طالما بتكلمه عن عربيه فى نفس القئه فده مش مشكله لانه ممكن يكون معندوش معلومات اصلا عن العربيه ديه فأنت مش بتحيره اكتر ولا حاجه بقدر ما أنك بتفتحته سككك جديده ممكن يمشى فيها
أنا واصلنى وجهه نظرك أن قرار المفاضله بيبقى صعب ومتعب بس صدقنى وكده كده قرار شراء عربيه قرار غالبا ما بيكونش سهل بالمره وبيأخذ تفكير كتير مرهق
أنا شايف أن المفروض المقارنه للى عاوز يشترى فعلا تبدأ بجميع العربيات الى فى الفئه ويبدأ الواحد يستبعد من القائمه ديه لغايه ما يوصل لافضل عربيه تناسب ظروفه
+1111
كلنا مرينا بالحيره دي:majd(4):
انا شخصيا كنت معجب جدا بالافيو واموت واركب اللون الاسود بتاعها
لكن ربنا كرمني في زميل ليا جابها قبل مني وقالي تعالي يا باشا سوق
وعينك متشوف الا النور
حسستني اني مبعرفش اسوق قعدت مع زميلي يوم بحاله احاول اتعود عليها مش قادر
بالاضافه ان الكابينه من جوه فقيره للغايه
وفول ابشن ومفهوش مرايات كهربا!!!!!
فول اوبشن وزجاج كهربا قدام بس!!!!!
فول اوبشن وكاست شرايط!!!!!!!!!!!!
ده غير الثبات اللي متحكيش لعدوك عليه عشان يمكن يدبس ويجيبها.
وبرضه مظلمتهاش وركبتها مره تاني وعملت الفصل الاخير وانا سايق علي 100 وبدئت تعوم يمين وشمال ..الحمد لله وقفتها واتأسفت لزميلي لاني حسيت اني كنت هضيعله العربيه ولقيت زميلي بيقولي معلش دي بتعمل معايا اكتر من كده بس كنت عايز اشوف حد احسن مني في السواقه هيعمل بيها ايه ...
وحمدت ربنا:ask: اني جربتها ومبقتش اطيقها...:B4_237:
وجمعت المبلغ ودخلت عشان احجز اللوجان بعد ما عملت عليها دراسه ودكتوراه بس دراسه نظري ولقيت واحد اخيرا معاه لوجان وركبتها وسقت !!!!
عربيه مظبوه ع الشعره جبت بيها 140 متهزتش بتعمل بيها ترنات مقلكش....
دفعت الفلوس وانا مغمض
والعربيه اصراحه تحفه في
الثبات....علي السرعات العاليه.
الامان.... عندك واحد اير باج للسواق وصلحه.
تفقيل..... احسن من الفيرنا والافيو وتعادل النيو اكسينت.
السحب....مرضي جدا بس الاكسينت تكسب.والافيو تخسر.
فول اوبشن....يعني مرايات كهربا..4 زجاج كهربا...سنترلوك..باور..ايربا ...cd..تكييف تلاجه.
المساحه الداخليه....تساع من الحبايب 1000.
الارتفاع....عاليه عن الارض ومتحكش في المطبات .اعلي من الاكسينت طبعا.
سعر....ارخص من النيو اكسينت ب 6000 جنية.
اخي الفاضل arakysolom
لما طرحنا اللوجان عشان يفكر فيها صاحب الموضوع ده عن درايه ان الفلوس اللي هيدفعها في الاكسينت او الافيو ممكن يدفع اقل منها وياخد مزايا اكتر وخاصا التوكيل
وكان ممكن كمان نقوله علي السيمبول واللي هيا لا تقارن لا باكسينت ولا افيو لا في قوه ولا تقفيل ولا حتي سعر....
كثره البدائل تتيح نتائج افضل.....هكذا تعلمنا.
واخيرا,,, لك تحياتي
ولاخي هاني ذكر الله,,,احترامي