if it automatic my be it is one hose is not fixed well
if it automatic my be it is one hose is not fixed well
قالك مواصفات قياسية!!
انا ال ادبست فيل عربيها دي.. انا مفيش حاجة في حياتي زعلتني قد ال عربية دي .. ويا جامعة عندكو ال صور وال فيديو عشان تشوفه بعنكم.اانا شغال " ... Developer" وعملت ال وب ست ده عشان ال ناس كلها تشوفى ال كلام ده بعنها مش يبقى كلام وخلاص.. لأ عشان ال ناس تعرف الحق .
ميسرة جد
www.lifanegypt.com
ولسة يا ما هنشوف كل واحد معاة قرشين زيادة ويروح الصين يعملولو عربيات بملاليم ويجى يبيعهلنا بالفات الغيب مش على المستورد العيب على اللجنة الى قبلت تدخل العربية مصر
ولو الواحد قال العربيات الصيني تعبانه الناس بتزعل
ليس من المنصف وضع الصينى كله فى سله واحده فمثلا السياره الأسبرانزا التيجو حاصله على المركز الأول فى مبيعات السيارات فى مصر 2009 و الأسبرانزا الـ 516 مكتسحه مشروع التاكسى الجديد عن اللانوس و الفيرنا وسيارات أخرى و ماركات أخرى صينى أثبتت نجاحها فى السوق المصرى وواضح من الصور إن هناك سوء إستعمال و سوء صيانه للسياره و ده ميخليش الجير بوكس يفرقع بس ده يعمل حاجات أكتر من كده بكتير و أنا لا أملك السياره بس قريت فى مواقع رأى الناس فيها و محدش قال عليها كلمه وحشه و من السهل لو السياره فى الضمان إنه يرجع على التوكيل (لو هوه عيب صناعه 100 %) ده أسهل من إنه يعمل سايت على النت و يشرد للعربيه بالشكل ده بس واضح إن الموضوع مقصود بيه أشياء أخرى علمها عند الله و صاحب العربيه .
اخى العزيز على ما اظن حضرتك شغال فى التوكيل لان الكلام اللى حضرتك بتقولة مش عارف مش مستريح لية و عامل موضوع تانى بتتكلم عن العربية الليفان على انها سابقة اوانها و انها افضل من انواع اخرى بص بقى للعلم انا هاقولك على كل حاجة بجد من غير ما تزعل عشان انا عارف انك معاك 620 على حد قولك و بتقول فيها شعر
انا مع بنت اخت مراتى ليفان 320 المينى مش عايز اقولك عربية اد اية معفنة بجد و اسف على اللفظ المهم العربية كالعاده فيما يخص ليفان فيها مشكلة فتيس بياخد الغيار بالعافية و فيه عضة و كمان دقرة فى الفتيس تخيل لما روحت التوكيل يقولوا اية عشان تعرف التوكيل اية
1- مهندس صيانة اللى استلم العربية المهندس كريم قال ان ده فى تصميمم العربية و لما اصريت على انه عيب نده مهندس تانى اسمة محمد اكد على ان هناك عضة فى الفتيس
2- لم يتم ترصيص العجل فى الزيارة الاولى نظرا لعدم وجود الفنى كاننا فى ورشة و الصنايعي مجاش النهاردة
3- بعد الاصرار على وجود العيب طيب سيب العربية و تعالا استلمها بعد بكرة و بالفعل تم
4- لما روحت استلم العربية لسة مخرجتش تقريبا كانت بتعمل ببي لمده 3 ساعات و خرجت مع مهندس طلع جربها و رجع دخل بيها تانى قعدت كمان ساعتين
5- قابلت مسئول من المبيعات اللى اشتريت منه العربية فرع التحرير و اسمة قدرى تخيل قمة الاستخفاف بعقول الناس كان الناس كانت راكبة عربية كارو ان العضة دى امان للفتيس و ان التصميم بتاعها كده و دى عبقرية التصميم و التصنيع تخيل انت
6 - لما فرجت عليهم الناس نزل مدير المبيعات و مدير الصيانة و ناس من الصين و قابلت واحد صينى اسمة اليكس كمان و هاحط رقم موبيلة و اكد على ان الموضوع كلة عيب فى التصميم ورقم موبيلة 0108863053 و انة هايبعت للمصنع يشوف الموضوع ده
7- العربية خرجت برة مركز الصيانة لمده ساعه و بعد كده لما بسال قال لازم تمضى على ورق فى الحسابات تخيل الورق عبارة عن اية بنفس العبارة ( استملت السيارة بعد اجراء كافة الاصلاحات و السيارة تعمل بحالة جيدة و لا يوجد بها اى عيوب ) منتهى السرقة و النصب كمان
8- كلمت جهاز حماية المستهلك و اول كلمة رد عليها بيها لما عرف ان الشكوى بخصوص السعودى جروب رد و قال تانى احنا مش هانخلص المهم طلب منى ابعت لة صورة الرخصة و صورة تقارير الصيانة و صور الفواتير الخاصة بالشراء وشرح للمشكلة و قراية العداد و صورة كتيب الضمان
9- طبعا انا بعمل صيانة الالف المفروض انى استلم الضمان خاصة و انهم اول امبارح كانوا مسلمين لاكتر من 4 عربيات الضمان المهم لاقيت المهندس كريم بيقولى الضمانمش موجود حاليا بعد اسبوعين او ثلاثة ابقى تعالى استلمة طلبت منه ورقة تفيد الكلام ده مش عايز اقولك كانى طلبت منه 3 مليون جنية المهم اخدت ورقة تفيد عدم استلامى الضمان من الشركة
10 - اقسم بالله العربية فيها مشاكل بالهبل اكتر من عشر حجاجت الوحيدة اللى اتحلت تخيل اية صوت تزييق فى الزجاج و هو طالع و الباقى و لا اتلمس
11- فى الموضوع بتاع حضرتك بتقول ان موضوع الفتيس حالة فردية اتمنى انك توصل الى التوكيل و تقعد ساعة و شوف اليفان جاية باى عيب
بص من الاخر مش كون حضتك شارى العربية او شغال فى التوكيل تمدح فى العربية عمال على بطال و خلاص يا راجل فى صيانة ال 10000 عارف بياخد مقابل غيار الزيت كام 70 جنية و عارف واحد تانى النهاردة فى عربية qq مغير شداد شكمان و قعدتين موتور واخدين منه كام 685 جنية منهم 200 مصنعية
تحذير و انا هاعمل بية موضوع العربية مش تستاهل انك تشتريها خالص بسبب التوكيل و العربية زبالة و بيتهيالى انت شوفت الراجل صاحب الموضوع و انت افتريت علية وبتقول انه من شركة منافسة شركة اية يا عم و هيا دى شركة تتنافس دى اصلا شركة عجل و موتسيكلات العيب مش علية العيب على اللى اشتروا الزبالة ب 55 الف جنية و جاى كمان تخلى الناس تشترى ام 70000 جنية يا راجل حرام عليك الناس مش لاقية فلوسها فى الارض