هل موضوع عازل الحراره موجود فى الدفعات الجديده من اللوجان ولا بيكون راكب و تم حل المشكله اصلى احنا المفروض نستلم الايام القادمه
هل موضوع عازل الحراره موجود فى الدفعات الجديده من اللوجان ولا بيكون راكب و تم حل المشكله اصلى احنا المفروض نستلم الايام القادمه
يارايت والله حد يجاوب بسرعه
حقولكوا على موقف حصل معايا فى التوكيل عشان تتأكدوا ان الموضوع بسيط اكتر مما انتم تتخيلوا
اثناء صيانة ال 1000 بتاعت عربيتى كان معايا فى التوكيل المهندس محمد عادل مدير فرع العامرية
وعرض عليا ان يركبولى العازل ... عارفين قولتلوا ايه ... قولتلوا لأ خليها فى صيانة ال 5000
عشان العربية كانت اتغسلت وقولت بلاش احسن تتوسخ تانى
والله العظيم الكلام دة حصل ... ودة تاكيد ان الموضوع اصلا مش محسوس بالذات فى فصل الشتاء
طيب لو قدر ربنا انك حسيت بالحرارة البسيطة دى حضرتك حتقولهم عليها فى صيانة ال 1000
وحيركبوا العازل فى 10 دقائق ... متشغلوش بالكوا بالموضوع دة
لانه مش بيأثر على حاجة ... والموضوع دة وصل خلاص للشركة الام
وغالبا العربيات اللى نازلة بعد كدة حتنزل متركبلها العازل من المصنع
روقوا وبلاش الهوس هوس .. انا عارف انكم فى ضغط عصبى بيكون
فيه الناس اللى حاجزة وخايفة العربية تطلع مقلب او يطلع فيها عيوب قاتلة
لكن الحقيقة غير كدة خالص .... انتم لما تستلموا العربية وتبدئوا تلاحظوا ارتفاع معدل الاداء للسيارة واحدة واحدة حتعرفوا انكم اختارتوا الاختيار الافضل
لما حتكون سايق وسامع فرح العمدة جايلك من الشباك ودماغك صدعت من دوشت الشارع
وتقوم قافل الازاز ويدوب تبقى سامع كلاكسات العربيات اللى جانبك بالعافية حتقول يا حبيبتى يا لوجى
لما مرايتك الجانبية تدخل فى مراية عربية تانية ومرايتك ما يحصلهاش حاجة حتحب العربية اكتر وحتعرف مدى قوى المراية لان فى ناس بتقول دى بتتكسر بسرعة الكلام دة غير صحيح
لما تكون مسافر وتبص على كمبيوتر الرحلات تلاقى استهلاك البنزين 6.5 لتر لكل 100 كيلو حتحبها اكتر وتحس ان العربية خايفة على فلوسك
لما تيجى تفرش شقتك او شقة اخوك وتتحول اللوجان الى عربية نص نقل
حتعرف مدى قوتها واستحمالها ووسع شنطتها (مش بتقول لأ)
لما يركب معاك 5 افراد كل واحد فيهم اد درفة الباب والعربية ماتحكش فى مطبات انا كنت شايف العربيات بتاخدها بالورب حتحبها اكتر واكتر
لما تلاقى الدنيا حر وتشغل التكييف تلاقى الحياة بقت حلوة وتكييف محترم بالاضافة مش بتحس بفرق فى سحب العربية حتحبها اكتر واكتر
لما تبص فى مراياتك وتلاقى اللى راكب فى الكنبة الخلفية فارد رجله وقاعد مجعوس ومستريح اخر راحة حتحبها والناس حتحب تركب معاك
اقولكوا ايه ولا ايه والله يا جماعة العربية جميلة جدا جدا جدا .. ماتخلوش حد يعمل عليكوا ضغط .. عشان دة غلط حتبقى متربص للعربية على اى غلطة
روقوا كدة ومتقلقوش خالص .. واى حد عايز يستفسر عن كفاءة اى حاجة يستفسر
وان شاء الله تستلموا على خير .. عشان نباركلكوا وتنضموا رسميا لوحوش اللوجان
يعني بعد الكلام الجميل ده فيه كلام يتقال . و عايز تسيب المنتدي طب حنسمع الكلام الحلو ده من مين غيرك . نورت المنتدي و ميحرمناش من كلامك العسل ده . :verygood::B4_388:اقتباس:
المشاركة الأصلية كتبت بواسطة ringoo
مين بس اللى يقدر يسيب المنتدى لا لا انا عمرى ما كان قصدى ان ابعد عن نايل موتورز او انى مادخلش تانىاقتباس:
المشاركة الأصلية كتبت بواسطة frhateg
انا فى ناس هنا فى المنتدى بحبهم جدا والله وحضرتك منهم ومقدرش ابعد عنهم
لكن انا لما بلاقى القسم فى حوارات غريبة .. ومواضيع مشكوك فى صحتها كتييييير ببعد شوية عن القسم
لكن الاقسام التانية ببقى متواجد عادى .. وشكرا يا حبيب قلبى على المجاملة الجميلة دى
وميحرمنيش ابدا من كلامك الحلو وكلامك اللى كله زوق :120105~352:
يا استاذ عمرو عاملوا الناس علي قدر عقولهم . الناس مش سواسية . اي نعم فيه ناس منفسنة بتدخل المنتدي للغلاسة فقط . يعني تلاقيه معندهوش عربية و يمكن كمان مبيعرفش يسوق عجلة :scooter:. ويدخل يرمي كلمتين ملهومشي لازمة .اللي زي ده لا مؤاخذة تكبه و لا تسألشي فية لأن كلامه مبيبقاش متركب علي بعضه و خساره الرد عليه و سيبه :banghead:.. و الا ايه .
هوه ده الكلاماقتباس:
المشاركة الأصلية كتبت بواسطة ringoo
شكرا على الردود الجميله بس احنا مش قلقانيين ولا حاجه ده سؤال عادى من باب العلم بالشئ يعنى !!!!!!!!
والله عندك حق يا أ/ فرحات .. وكل كلامك صح .. بس هو الواحد ساعات بيتخنق بالذات لما تحساقتباس:
المشاركة الأصلية كتبت بواسطة frhateg
ان الكلام اثر فيك وبدأت الشكوك تسلل ليك .. عموما ربنا يهدى الجميع
دة اللى انا اتمناه انك ماتكنش قلقان .. عشان اصلا مفيش حاجة تقلقاقتباس:
المشاركة الأصلية كتبت بواسطة ahmadalsattar
وربنا يوفقك وتستلم قريبا على خير ان شاء الله وتفرحنا كلنا بلوجى الجديدة
اقتباس:
المشاركة الأصلية كتبت بواسطة ringoo
إيه الكلام الجامد ده ده انته تعملوه موضوع ويتثبت كمان :S_thum1[1]:
اقتباس:
المشاركة الأصلية كتبت بواسطة ringoo
يا باشا بعد الكلام الجامد ده المفروض محدش يقول اي حاجة خصوصا انه صح. يعني ليه كل الناس بتسيب كمية الحاجات الحلوة اللي في العربية و تمسك في حاجات ضغيرة، طبعا مح احترامي لكاتب الموضوع انا معنديش لوجان بس و الله انا بحبها و مراتي كل شوية تقولي هاتها و انا للأسف مكملتش فلوسها، ولو معايا 100 الف مش هشتري غيرها لأنها فعلا عربية جامدة و تستاهل كتير اكتر من تمنها، و كمان عربية تتحب
اللوجان وحش و وحش كبير كمان
و اي حد معاه عربيه هيعرف انا اللي بيتقال ده كلام صحيح و واقعي جداااااااا
طيب النا س بتاعت اسكندريه ياريت تقولي اشترت العربيه منيناقتباس:
المشاركة الأصلية كتبت بواسطة ringoo
انا روحت امبارح الطارق قللي يارتك كنت جتلي يوم الخميس العربيه غليت ١٠٠٠ جنيه و بقت بي ٦٨ الف
انا اصلا اعرف ان ده سعرها بس هوا شكلوا بيحور عليه ياريت لو حد جيبها من اسكندريه قريب يقولي جابها بكام علشان هوا كده شككني و حثيت اني ممكن اجبها ارخص من مكان تاني
العربيه سعرها زاد فى التوكيل اعتبارا من اول يناير انا حاجز على السعر الجديد 68000اقتباس:
المشاركة الأصلية كتبت بواسطة hishammb
اشترتها من الطارق فول اوبشنس قبل العيد ( أول شهر ديسمبر ) ب 68000 وكنت دافع 1000 جنية زيادة و استلمتها بعد يومين . فلو قال لك 68000 فده سعرها دلوقتي بدون زيادة .توكل علي الله .
يعني امان مفيش بعد كده
طالما توكيل محترم
دى أول مشاركه لى فى المنتدى وأنا أستلمت اللوجان هاف فى نص شهر 5 اللى فات والعربيه دلوقت عامله 11000 وبمنتهى الصدق لم تحدث معى غير مشكله وحيده فى المرايه الشمال وتم تغييرها فى التوكيل مجانا
ودايما أقرأ فى المنتدى عن اهتزاز دواة البنزين والفتيس والحراره وسرطان الزجاج الخلفى والحاجه الوحيده اللى باحس بيها خفيف فى العربيه هو اهتزاز خفيف فى الفتيس لما أدوس وأخف بنزين فجأه