انا عايزة اروح من مدينة نصر لجراند كافيه المعادى ، علما بانى اول مرة اروح المعادى فمعرفش اصلا طريقها :E_braces[1]:
فياريت لو حد يعرف وصفة سهلة و بسيطة عشان متوهش كتير يقولى عليها :eee:
و شكرااااااا
عرض للطباعة
انا عايزة اروح من مدينة نصر لجراند كافيه المعادى ، علما بانى اول مرة اروح المعادى فمعرفش اصلا طريقها :E_braces[1]:
فياريت لو حد يعرف وصفة سهلة و بسيطة عشان متوهش كتير يقولى عليها :eee:
و شكرااااااا
طالما اول مرة تروحي المعادي فالاسهل بالنسبة لحضرتك انك تخدي كوبري6 اكتوبر و تنزلي من مخرج ميدان التحرير اللي عند رمسيس هيلتون و بعد ما تنزلي تخدي اليوترن اللي يخرجك علي الكورنيش بحيث النيل يكون علي ايدك اليمين و تنطلقي بقى هتعدي علي النيل هيلتون و الورسيزونز و بعدين كوبري الملك الصالح و تستمري لغاية ما هتلاقي علي شمالك بنوينة التعاون ده بداية كورنيش المعادي هيستمر الانطلاق لغاية متلاقي الفا ماركت علي ايدك الشمال بصي يمين هتلاقي جراند كافيه و حمد الله علي السلامة و نورتي المعادي.
طيب هى الوصفة مش صعبة ، بس مفيش طريقة اروح بيها من الدائرى ؟
هتطلعي علي الدائري و تنزلي نزلة المعادي بتاعة الكورنيش مش الأوتوستراد .. اللي هي بعد الأوتوستراد
النزلة دي هتنزلك عالكورنيش .. هتفضلي ماشية عليه شوية 5 دقايق 10 دقايق كدة حسب الزحمة هتلاقي جراند كافيه علي يمينك و فيه ركنة قدامه.
طيب تمام كده اوى ان شاء الله مفيش توهان :biggrin24:
شكرا بجد :D
لأ مفيش توهان خالص أصل مش هتخشي جوة المعادي ده برة عالكورنيش و واضح أوي
إنما لو هتخشي المعادي أضمنلك التوهان :d
تمام كده برده و جهة نظر سليمة حضرتك هتخدي الاتوستراد و تفضلي مشية فيه لا يمين و لا شمال هتعدي علي المنصة و نادي المقاولين و منشية ناصر و دخلة المقطم اللي علي الاتوستراد كله ده مكمله لاغية متلاقي بنزية توتال علي ايدك اليمن تدخلي من الشارع اللي جنبها يمين تمشي فيه علطول لغاية متلاقي كوبري طرة تطلعيه كده بقيتي علي الكورنيش 2 دقيقة بالظبط هتلاقي جراند كافيه علي ايدك الشمال.
الحمد لله رحت النهاردة و مشيت من الاوتوستراد و الطريق كان سهل جدا رايح جاى شكرا اوى يا جماعة :biggrin24: