عرض للطباعة
انا معروض عليا لانسر 1600 كلاسيك 2009 ضمان الوكيل عامله 22000 كيلو صاحبها عمل صيانة 20000 كيلو بس هو ثاني يد ومشتريها من صاحبها الاصلي بعقد مسجل بدون نقل ملكيه دلوقتي انا لو اشترتها هبقي ثالث يد اللي عاوز اعرفه هيبقي في ضمان علي ثالث يد ولا لا ولا موضوع الضمان ملهوش علاقه بعدد ملاك العربيه وياريت حضرتك تقولي تعمل في حدود كام ارجو من سيادتك سرعة الرد وللك جزيل الشكر د\محمد
يعنى مينفعش احنا نرد عليك
يا باشا الرد لي اي حد ويا ريت الي يعرف حاجه عن موضوع الضمان ده يرد علي:36_1_50[1]:
لا على حد علمى ملهمش دعوة فى الضمان اليد الكام وهو مانيوال ولا اوتوماتيك وحالتها ايه بالظبط رشه ولا لا
هقول اللى اعرفه على قد معلوماتى
لحد فتره قريبه جدا كانت شركه مصريه وكيل ميتسوبيشى فى مصر لا تمنح الضمان الا للمالك الاول فقط و بع الاعضاء طلبو من البشمهندس طارق انه يتكلم مع التوكيل فى الموضوع ده و بالفعل حصل و المهندس طارق عمل موضوع قال فيه ان الشركه هتدى ضمان مش للمالك الاول بس لا للمالك الاول و التانى فقط اعتقد كده
ارجو الا اكون قد اخطأت
هو فعلا كان الأول الضمان للمالك الأول فقط ومنذ عدة شهور كان مسئول صيانة من شركة ميتسوبيشي في زيارة لمصر ومدير الصيانة في التوكيل (مصرية) كلمه في الموضوع ووافق ان الضمان يصبح غير مرتبط بالمالك
وبالتالي مالك اول او تاني او اكتر مش مهم انما المهم المحافظة على الصيانات الدورية كل 10 آلاف كيلو متر في مركز خدمة معتمد