يوم الجمعة بالليل جالي تليفون من واحد بيتكلم لهجة فلاحي
قالي "يا باشا انت اتحولك رصيد غلط كنت محوله لاخويا بس كتبت النمرة غلط"
قلتله " انا ما جاليش اي رصيد زياده او حتى جالي رسالة بكدة"
قالي " ما هو هايوصلك دلوقتي رسالة ... هي بتتاخر شوية"
المهم قفلت معاه ان لو وصلني الرصيد هاحولهواه
ولما راجعت نمرته لقيتها جيالي على الخط الموبينيل وده خط بزنس ما بيتحولوش رصيد اصلاً
ولقيت رساله جيالي من نمرته هو بتقول " لقد تم تحويل مبلغ 20 جنية من رقم ××××××" نمرته
لقيته بيكلمني بعدها بدقيقة وبيقولي الرصيد والتحويل كلمته بذوق وقلتله ماينفعش يوصلي رصيد منك وفهمته قعد يقولي وانا اعمل ايه دلوقتي وزي الي هايعيط المهم قفلت معاه وخلص الموضوع
بعدها بيويمن لقيت تليفون جاي ولقيته نفس الصوت وبيقول نفس الكلام
ساعتها اديتهملوا وهددته وقفلت في وشه السكة وخلاص ... واضح انه نسي انه كلمني
الناس بقت بتفتكس اساليب للنصب بأي طريقة
ربنا يستر علينا