بنزينة وطنية شرم...للأسف حرامية
أنا عادة لما بمون بمون على تلت التانك أو ربعة...يعنى عارف أنى بدفع متوسط 40-42-43 جنية +ألأكرامية بتاعه العامل ...النهاردة دخلت بنزينة وطنية و كانت فاضية تماما...أول لما دخلت وقفت عادى قدام الطلمبة زى ما بقف فى أى بنزينة....لقيت العامل بيقولى لو سمحت الطلمبة اللى ورا,,,رحت رااااجع لورا لقيتة بيقولى لو سمحت... أطلع قدام,طلعت سنة,قالى أطلع قدام تانى,طلعت تانى و تالت.... لحد ما مدى الرؤية للعداد أنعدم!!!أستغربت جدا.....بس قلت لنفسى أكيد لازم هانزل أبص على العداد بعد ما يمون...لقيتة جايلى و بيقول 67جنية يا باشا.....نزلت ببص فى العداد لقيت فعلا 67 جنية !!!أتارى العامل لما بيجيله عربية صغيرة أو حد بيمون -8-10-12 لتر مابيصفرش العداد و يلبس بعد كدة أول عربية تجيلة....عملتلهم فضيحة و زى ما يكونوا معترفين بأنهم حرامية , قالولى أدفع اللى تدفعة و بلاش توصل الموضوع لمدير المحطة و أحنا أسفين..أصلة جديد و نسى يصفر العداد...لكن أنا كنت متأكد من سوء نية العامل دة و أنة كان قاصد سرقة . أنا كنت مستعجل و المدير ماكنش موجود بس أكيد هاروحلة فى أقرب فرصة علشان ميعملهاش مع حد تانى. علشان كدة أى حد لازم يبص أن العداد متصفر قبل ما يمون. و ربنا يكفينا شر ولاد الحرام