-
مطلوب استشارة فنية
معلش الموضوع مكرر بس قلت يمكن يكون حظه هنا افضل و اخوانى يردوا
----------------------------------------------
النهارده و انا جاى على الشغل حصل السيناريو الاتى:
دورت اول مانزلت العربية دارت على طول زى كل يوم
طلعت على البنزينة اللى فى سكتى ( و دى مش اول مرة اتعامل معاهم) فولت العربية و دورت و مشيت بدون اى مشاكل
روحت على حضانة بنتى الصغيرة (بوصلها كل يوم) و المدام نزلتها)
بطلت العربية عشان المدام عايزة تقول شوية حاجات للحضانة (4-5 دقايق)
جيت ادور العربية مش عايزة تدور
المارش بيلف تمام بس العربية كأن مفيش فيها بنزين
ادوس سنة بنزين مفيش فايدة و ادوس جامد برضه لأ و حتى الدوس للاخر مش عايز يجيب نتيجة
اكتر من عشر مرات اجرب و بين كل مرة و التانية طبعا استنى حوالى 30 ثانية
فى الاخر دارت بعد ما قلبى ووقع فى رجلى لأنى كنت فى حته مفيش فيها ركن و المدام كمان معايا و مش اقصه بهدله
طبعا مفيش ميكانيكى و لا حد ممكن يبتدى شغل بدرى كده
المهم وصلت المدام و لفيت لفتين و بعد كده ركنت عند الشغل و بطلت العربية
ادور تانى دارت تمام بطلت و سيبتها شويه برضه دارت كويس
العربية لانسر 99 اتوماتيك كربراتير الكترونى
ممكن تكون المشكلة منين ؟؟؟؟؟
-
معلومه يمكن تفيد التشخيص
العربية عملت صيانه دورية فى التوكيل من حوالى 2000 كم (شهر و نص) و من ضمن اللى اتعمل تنظيف الكربراتير
بعد الصيانة بايام لاحظت ان Rpm على السلانسيه بقى عالى حوالى 950-1000
و بدأت الاحظ رعشة مع تبطيل العربية احيانا تحصل و مره خفيفه و مرة جامده
بالاضافة لكده استهلاك البنزين على حوالى 10%
للاسف الوقت لم يسسمح انى اخد يوم اجازة و اروح التوكيل و حتى لما حجزت اضطريت الغى المعاد هناك بسبب المشاغل
ساعدوا اخوكوا لحسن خايف العربية تقف و توقف حالى ربنا يستر
-
لا ممكن يكون كان في البنزين حاجه او حضرتك تركت العربيه لحد ما التنك فضى ودخل وساخه في الكاربراتير من تنك العربيه لنها بتبقى مترسبه داخله
وعليك بمنظف كاربراتير نظيف تحطه مع التفويله وان شاء الله خير
-
دايما بمون من وطنية بنزين 92 أو ما عداد البنزين ينزل عن النص
الكربراتير تم تنظيفه فى التوكيل و كمان حطيت منظف دورة الوقود الأصلى ميتسوبيشى
فلتر البنزين بقاله 10000 بس و أصلى
Content Relevant URLs by
vBSEO 3.6.0 PL2