لينكولن الفرع الفخم من فورد

السلام على اعضاء المنتدى الكرام
هو انا سؤالى عن علامة لينكولن نفسها وانتو عارفين العلامة عبارة عن صليب وبعدين منتشر فالعربية كلها وبصراحة انا معجب بالتاون كار وكنت ناوي اشتريها وشوفت منها كام واحده فى مصر بس انا بسال على موضوع العلامة اصلها زى ماقولت منتشره فجسم العربية على الفوانيس اللى ورا والكبوت والدريكسيون جوا والطابلوه فلو العلامة هيبقى فيها مشكلة شرعية يبقى ايه البديل انا افضل العربية الواسعة المريحة الكلاسيكية (ليموزين ) وقوية فى نفس الوقت وده حال الامركانى وخصوصا اللى زى التاون كار فرايكم مهم
الفاهمين بيشجعوا وانا معاهم :E_braces[1]:

معنى كدة ان حضرتك لما بتيجي تعمل مسالة حسابية بتبعد عن علامة الجمع(+)؟؟

يا باشا اولا شكرا على الرد السريع ده
ثانيا انا مش قصدى اى حاجه غلط
مش عايز اسمع اى كلمة او تعليق او اكون فرصة لواحد يعمل منى ازمة انا اللى اقصدة لوانت شفت العلامة بتاعتها هيبقى عادى ولا ايه واى حد ماشى قدامك ولا وراك او معدى من قدام العربية او وهى مركونة تحت البيت هيبقى الموضوع عادى ولا ايه

لا طبعا مش بيباى عادي لان العربية روهة بصراحة
هههههههههههه
لكن غير كدة لا

وشوف راي باقي الاعضاء برضو

مخالفة لقواعد المنتدى
ممنوع كتابة اللغة العربية بحروف لاتينية
يرجى مراجعة قواعد المنتدى
_____________
مشرف الاميريكى العام 4أ

أنا عمرى ما أخدت بالى أنه "صليب" .. طول عمرى بشوفها علامة عادية زى مرسيدس مثلاً .. لا خالص .. لو عاجباك توكل على الله و دى كلها مجرد وساوس ومافيهاش أى مشكلة.

و لا تحط فى بالك العلامة العربية ممتازة بس السؤال هاتقدر تصرف على البنزين و تلاقى قطع غيار؟

حضرتك فيه بدائل تانية زى

ContactCars | Ford فورد - Flex فليكس - 3.5 F/O A/T - 650,000 - 2009

ContactCars | Jeep جيب - Grand Cherokee جراند شيروكى - 5.7 V8 - 650,000 - 2009

برده عربيات عائلية و واسعة من جوة

ماحدش هيربط بين علامة العربية والشخص الى راكب
وبعدين ماحدش اصلا كان واخد بالة انها صليب غير لما حضرتك قلتلنا لان زى ماقلت لحضرتك هى علامة لشركة وليس علامة لصاحب العربية

ارجع لشيخ انت واثق في علمه واخلاصه واللي يقولهولك اعمل بي
وما تعتمدش على عامة الناس في امور الحلال والحرام

انا اول مره اشوفها كده!!
دايما بشوفها زي علامة التويوتا بس مطاوله شويه

يا عم ريح بالك وهاتها وخلاص لو هتريحك ولو هتقدر على مصاريفها في السعودية 3 من اصحاب والدي معاهم لينكولين نافيجيتور و عييييييييييشة ماحدش بيبص للعلامة ولا بيفضل معلقها في دماغة انت بتتكلم في اييه بس :)

شكرا لكل الناس اللى ردت عالموضوع
طيب حد يعرف مكان توكيل فورد مبيعات وصيانه ولو مافيش يبقى مستورد سيارات محترم يجبهالى من قريبي بره على بطاقتة الاسترادية انا هتفاوض معاه وطلب كمان طريقة حساب الجمارك للفوق 2000 سي سي طولت عليكم