-
عمرة كامله
الاخوة المحترمين
العربية محتاجة عمرة للاسباب الاتية
1- يوجد خلوص (ضغط الموتور خفيف )
2-نقص خفيف للزيت.
3-عمود الكامة شكلة بالعين المجردة ما يسرش.
كنت عملت موضوع فى المنتدى اسمه حريقة اللانوس ولما فكيت وش السلندر شوفت الحاجات دى
محتاج مساعدتكم فى معرفه اية اللى محتاج اعمله فى العمرة واسعار الشغل المطلوب سواء مخارط او قطع غيار
-
غير طقم شنبر ( لو الغرف من الداخل ناعمه وسليمه )
غير عمود الكامه لو وحش فعلا
وأعمل روديه
وياريت لو تعرف تجيب نص علوى كامل
حيغنيك عن عمود الكامه ( والشغل اللى أتعمل فى الوش )
الخلاصه
1- طقم شنبر جديد ....بعد الأطمئنان على الغرف من الداخل
2- نص كامل علوى أستيراد ( علشان تبعد عن قصة قشط الوش وتلف عمود الكامه )
حيرجع المكنه تمام أوى
-
يا باشمهندس سمير ايه رأيك فى واحد استيراد بدل تدخل الايدى المصرية دة غير قطع الغيار المضروبة
-
لا
هو لو لقى وش سلندر كامل ( نص علوى ) كامل
كويس
وغير طقم شنبر ( طالما الغرف كويسه )
المكنه حترجع عشره على عشره
وحيبقى أرخص وأفضل من موتور أستيراد
-
وش السلندر بيتباع لوحده غالي جدااااااااااااا بس هو حل سليم تماما
-
أنا كنت شاريه من أربع سنين كامل متكامل
كاربوراتير + مانيفولد هواء وفرن عادم
بكل كستباناته وشواكيشه ( لعربيه أوبل )
ب 400 ج
نقول دلوقتى يخش فى 700 تقريبا ( مع التدوير الصح )
فى أماكن بيع العربيات المقطعه
-
الله ينور عليك ياهندسة
ديما بتجيب الخلاصة والمفيد
-
بس كان ليا سؤال صغنن جدا
هو اية الرودية دة عشان شايف فى كلامك من المواضيع السابقة ان اهم حاجة عمل روية.
هل هو تنظيف البساتم جيدا من فوق عند منطقة الشنابر وكدة ولا اية بالظبت
-
-
شكرا ياهندسة
تم قراية الموضوع بتمعن وفهمت هو اية الرودية كويس
ربنا يخليك للمنتدى
Content Relevant URLs by
vBSEO 3.6.0 PL2