بالأختصار انا اشتريت كيا سيراتو 2008 الشكل القديم من الوكيل فى أغسطس 2008 و دلوقت عاملة 17000 كم بس.
الحكاية بدأت من يوم ما أشتريت العربية و فيها صوت تخبيط من قدام يمين و الغريب ان الصوت دة بيبقى جامد جدا الصبح و يبتدى يقل شوية بشوية بعد ربع ساعة لكن ما بيروحش خالص. رحت التوكيل فى القطامية و طبعا الصوت بيبقى قليل جدا و كتبت لكيا فى كوريا و الغريب انهم حولوا الشكوى للوكيل فى مصر يعنى الخصم بقى حكم لكنهم كلمونى و رحت ابو رواش و طبعا الصوت قليل و ربطوا العفشة و قالوا كلة تمام و رجعت و الصبح تانى يوم رجعت ريما لعلدتها القديمة. و كتبت كمان لكوريا و بعت شكوى لجهاز حماية المستهلك و قبل البت فى الشكوى اتصل بى المندس خالد مدير الصيانة فى أبو رواش و اتفقنا ان يجى عند البيت الصبح و يسمع بنفسة. و فعلا جة و سمع و قال عندك حق و أخد العربية على مركز القطامية و قال انة غير المساعدين و ربط العفشة. المهم من القصة دى ان الصوت اللى كانوا بينكروا وجودة اعترفوا بية و بغرابة العطل من حيث توقيت حدوثة و أختفاءة بالتدريج.
المهم كام يوم بعد التغيير و بدء الصوت يرجع تانى و قررت انى أسكت و أشوف بيعة للعربية. و من تلات شهور بدأت اسمع صوت عالى من نفس المكان قدام يمين صوت خشونة و بدأت أحس بالخشونة فى الدريكسيون و كمان تحت رجلى و كمان بدأت العربية تسقف فى الطلعات مرة اة و عشرة لأ . رحت للتوكيل قالوا تربيط عفشة و زبط موتور, بعد أسبوع الصوت بدء يزيد اكتر و أكتر رحت تانى مركز روكسى بعد ساعتين قالوا تربيط علشان الخبط لكن حكاية صوت الخشونة دى مش موجودة أو هى لأن العربية دى سير الكاتينة بتاعتها حديد و دة صوت طبيعى و لما قلت للمهندس يعنى الكاتينة الحديد تعمل صوت خشونة بعد 15000 بس, قال لأ, هى كدة من الأول و ان الصوت دة انا اللى سامعة و بس انما هو مش موجود.
وعند هذا الحد قررت ان انسحب تجنبا لأهانات أخرى من السيد المهندس اللى أصغر من ولادى واتهامة لى بالجنون.
عموما أنا كتبت لكيا و حاكلم مدير الصيانة بكرة و إذا لم أصل لحل بنهاية الأسبوع فسوف أقدم شكوى لجهاز حماية المستهلك و كمان بافكر أرفع عليهم قضية نصب و تدليس.
اذا كان فى حد من الأعضاء عندة نفس المشاكل أرجة ان يتواصل معى حتى نأخذ حقوقنا
المفضلات