العربية نيو اكسنت 2010 وعايز أعرف مستوى زة الفيتس !
عرض للطباعة
العربية نيو اكسنت 2010 وعايز أعرف مستوى زة الفيتس !
دي العربيه زيرو
فعايز تتطمن علي زيت الفتيس ليه ؟
لو الفتيس تقيل شويه
ممكن عشان الدنيا برد اليومين دول
فالزيت بيقي تقيل و العربيه بارده
يا باشا فتيس النيو أكسنت هو بطبيعته تقيل محكوم بس تقيل يعني مش خفيف زي الاكسنت القديمة
علي حد علمي انا مشفتش اي عربية مانيوال ممكن تعرف فيها مستوي زيت الفتيس الا عن طريق ان الفتيس يتقل في ايدك او تروح للبنزينة تكشف عليه
والله اعلم
محدش جاوب على سؤال الراجل
هو بيسأل
إزاي أعرف مستوى زيت الفيتس المانيوال
وانا متابع علشان اعرف
اعتقد من خلال طبة التزود بالزيت بيفتحها ويبص عليها لو الزيت واصل للطبه يبقى تمام لو مستواه ااقل من الفتحة يبقى ناقص
أنا غيرت زيت الفتيس بعد ما عديت 100ألف كم, و كنت تحت العربية مع العامل لما كانت مرفوعة فى مركز الخدمة و شرحلى بالتفصيل أن فى طبة الزيت و دى اللى بنفكها لما بنغير الزيت و حاجة تانية أسمها "ساعة الزيت " و دى اللى عن طريقها بنكشف على مستوى الزيت و هل ناقص و لا لأ.
على فكرة بعد ال 100ألف الزيت ما كانش ناقص و حتى والله كان لونه نضيف لما نزل من العربية, بس الصح أنة يتغير على 50 ألف أو 60 ألف بس علشان دة زيت الفابريكة زى ما بيقولوا أنا سبتة لفوق ال 100ألف (أنا غيرتة بزيت توتال سعر الكيلو 12.50جنيه )
طبة الزيت في الفتيس نفسه اللي بنملأ منها الزيت ,, وللعلم زيت الفتيس في العربيات الحديثة نادراً ما بيحتاج تغيير
-----------
بعض العربيات مثل الفليشيا بيبقى من مدخل سلك السرعة