الموديل : 2003
اللون : أسود
الحاله العامه : فابريكه بره وجوه
الموتور : حالته متوسطه
الكيلو مترى 200000
تحتاج الى بعض الصيانات من كهربا وميكانيكا
ياريت حد من الخبرا يتمنلى العربيه ويقولى رأيه فيها ايه وهل فيها مشاكل ولا ابعد عنها ؟
عرض للطباعة
الموديل : 2003
اللون : أسود
الحاله العامه : فابريكه بره وجوه
الموتور : حالته متوسطه
الكيلو مترى 200000
تحتاج الى بعض الصيانات من كهربا وميكانيكا
ياريت حد من الخبرا يتمنلى العربيه ويقولى رأيه فيها ايه وهل فيها مشاكل ولا ابعد عنها ؟
والله أنا مش خبير ولا حاجة بس أنا هأحاول أساعدك...
بص.. أنا فتحت الموع ده :3arabiti
ودورت فيه على بيجو 406
لقيت عربية أوتو مو 2004 ماشية 140.000 فيها معظم الكماليات ب 85.000
ممكن حضرتك تبص عليها بردو...
شكرا ياجماعه بس ايه نظام الميكانيكيه فيها وهانزل بيها حرفيين ولا فى حد مشهور ممكن اعملها عنده لو هاخلصها ؟
انا سألت كم حد من اهل الخبره فقالى ان كتيرها 70 لحد 75 لو فله مافيهاش الهوا
حيران والعربيه عجبانى أوى
بص اليابانى ليه متعته و الكورى حتى ليه متعته و الفرنساوى برضه ليه متعته
ال 406 عربيه ممتازه جدا بس انا مثلا ممكن اكون عايز عربيه حنينه فى قطع غيارها و بنزينها و ميفرقش معايا الشكل ولا التميز ولا الكلام ده
و ممكن اجيب 406 و البنزين و قطع الغيار مش هايسببولى مشكله بس ده فى سبيل حاجات تانيه انا بحبها فى 406
و ده الفرق اللى بين واحد معاه 75000 و يروح يجيب لوجان زيرو2010 و غيره يجيب دبانه 96
اتمنى انى اكون قدرت اوصلك وجهة نظرى
انا شفت اسمى فى الموضوع :shine[1]:
متشكر يا استاذ احمد خليل على الثقة دى
هو حضرتك بتقول العربية فابريكة بره وجوه ودى اول خطوة كويسة نيجى للموتور هى عاملة 200000 طبعا ده مش حاجة خالص بالنسبة لموتور بيجو وخصوصا 406 لان البيجو ماشاء الله مواتيرها معمرة جدا ومش قبل مثلا 500000 عشان تفكر فى عمره مثلا ده لو انت بتهلك العربية كمان
نيجى للمشكلة بقى فى العربية دى وهى الفتيس على حسب ما بسمع ولو انه لغاية النهاردة 150000 ولسه ماعملش حاجة بس انا بسمع من كلام الناس انه عمره قصير عكس الموتور وده بقى لازم حد محترم متخصص فى البيجو يكشفلك عليه هى الفتيس ده مشكلته الاساسية الاهمال معظم الناس ال معاهم العربية مش بيحطوا الزيت فى معاده او ممكن ناس تحط نوع زيت مختلف ودى اكبر جريمة خلاص كده يبقى الفتيس انتهى لو صاحب العربية بيحافظ عليه من الزيرو وبيحط نوع الزيت السليم فى معاده كل 20 الف ان شاء الله تلاقيه تمام بس غالبا مش هتلاقيه بيعمل كده لان كمان الزيت غالى والناس طالما الفتيس شغال ومعملش مشكلة بتطنش
من الاخر بقى لو عايز الصح وتسمع كلمة حد ثقة روح للمهندس صلاح استاذ البيجو فى مصر وهو ال هيفيدك هياخد فى الكشف 150 جنيه بس هيقولك حالة العربية وتشتريها ولا لا ويتمنهالك كمان بس هتستريح وتشترى حاجة وانت مطمن
انا عن نفسى مقدرش اتمن العربية لان ده سعر السوق وانا مش متابع وانت لازم تشتريها بسعر السوق عشان لو حبيت تبيعها متخسرش كتير لكن انا عن نفسى شايف ان العربية بعيدا عن سعر السوق تستاهل اى سعر يدفع فيها عربية ماشاء الله عليها من اول 70الف مثلا لغاية 240 الف وده سعرها لما كانت زيرو هى تستاهله برضه
ده عنوان وتليفون المهندس صلاح
بيجو صلاح الدين
22827567 / 22827567
1 شارع اللواء حسن مرسي النجار ش المطرية