المنتدى بقى غريب شويه تتفقوا معايا ولا لأ؟
أنا سأقوم بعرض وجهة نظرى بعد متابعة المنتدى لمدة 6 شهور تقريبا
كنت من خلال المنتدى (كيا) اتابع أراء وتجارب الزملاء فى العربيه السيراتو لأنى كنت حأشتريها ومره واحده لقيت المنتدى كله بيتكلم عن عيوب السيراتو وحوادثها وكإنها عربيه كارو ولا مؤاخذه لدرجة إنى بنفسى حطيت موضوع إختبارى عنوانه إنى قابلت حادثه للسيراتو فى الطريق وصدق ظنى لقيت مشاركات متعدده وكإن الدفاع عن العربيه او الهجوم عليها مسأله شخصيه
لغاية مالقيت عرض التويوتا إللى لايمكن تفويته بدليل اللخبطه الشديده إللى سببها للأسف لملاك السياره إللى إشتروها بثمن عالى والمشكله إن الهجوم الشديد على العربيه سخن جدا بعد هذا الحدث وكإن الكورولا دى عربيه زيها زى العربيات النصر أو الرمسيس ولا مؤاخذه، طنابير بايظه ونازله من المصنع بايظه،دهان معيوب،العربيه بتحدف،الفتيس بيولع حتى الكاسيت صاحبه إكتشف إن صوته وحش !!!
كانت فين المشاكل دى من سنة 2008 وإحنا دلوقتى فى 2010
نفس السيناريو إللى حصل فى المنتدى مع العربيه السيراتو أراه يتكرر مع الكورولا
هو ماحدش شاف إختبارات الأمان بتاعة العربيه
ماحدش حاول يدرب نفسه على السواقه (سواقة عربيه مانيوال بس من غير دواسة دبرياج)
بصراحه أحترم جدا أراء الأستاذ/سبعاوى المنطقيه جدا وعموما ربنا يسهل للجميع
مع الشكر
