انا معايا سوزوكى ماروتى ولسه مغير طقم كهرباء وسير كاتينه وفلاتر والعربيه بتنتش بس فى حاجه ياريت اعرف سببها وانا بغير البوجيهات القدام كانو معرقين زيت ايه السبب والحل ايه وممكن يكون ده سبب النتشه
عرض للطباعة
انا معايا سوزوكى ماروتى ولسه مغير طقم كهرباء وسير كاتينه وفلاتر والعربيه بتنتش بس فى حاجه ياريت اعرف سببها وانا بغير البوجيهات القدام كانو معرقين زيت ايه السبب والحل ايه وممكن يكون ده سبب النتشه
النتشه بسبب حاجه من التلاته
يا اما البوجيهات مش راكبه كويس او نوعها وحش
او سلوك البوجيهات فيها قطع او حاجه زي كده
او الاسبراتير في مشكله و دي مع الكهربائي
البوجيهات عرقانه يعني حاجه من الاتنين
جوان غطا التاكيهات عايز يتغير
او المكنه خفت و محتاجه طقم شنبر ( لا قدر الله )
تأكد ان سير الكاتينه راكب بطريقه صحيحه
و اتأكد برضه ان الفلاتر راكبه صح
بس قولنا هي العربيه عامله كام كيلو كدا ؟
العربيه عامله 60000
وبالنسبه لجوان غطا التاكيهات انا غيرته فعلن عشان كانت بتجيب زيت بس لسه العربيه بتنتش ممكن يكون عشان البوجيهات عايزه تتنظف مكانها من تعريق الزيت القديم
معلش سؤال تانى الأسبراتير اللى هو ايه ووظيفته ايه
شكرا ياجماعه
ياريت مشاركات اكتر عشن نوصل لحل
الحقيقه كانت السياره بتنتش منى وبعد تغيير طقم الكهرباء وفلترى البنزين والهواء وخرطوم الرداخ بقت زى الفل.
لمن حسب معلوماتى ان التنتيش ممكن ان يكون من طرمبه البنزين ايضا او من اسلاك البوجيهات وربنا معاك
ايه خرطوم الرداخ ده ياباشا
الجلد الواصل بين الرداخ والكاربيتير
يعنى ياجماعه تنصحونى اعمل ايه او ابتدى بأيه