احذروا ضغط الهواء الزائد فى الاطارات
من 4 ايام زودت هواء فى بنزينه امارات مصر المكس ومن بعدها والعربيه ناشفة جداً فى المطبات وبتعوم وفى الملفات الجامدة على سرعة العربيه بتروح منى وبعد ما شكيت فى 100 حاجة اولها ان الزوايا حصل فيها حاجة ، كانت المفاجأه ان ضغط الهواء عندى 45 مع انى قلتلوا 30 والاستبن 40 لقيت الاستبن 55 . طبعاً واضح ان المقاس بتاعهم بايظ وهيودى الناس فى داهيه ولان الموضوع ده مش اول مره يحصل معايا وعشان كده من زمان عندى مقاس هواء براجع بيه بس المره دى كسلت اراجع على الضغط عشان كده كنت ممكن اتقلب فى اى ملف او كان ممكن اى عجلة تنفجر فى اى وقت . يا ترى كام عربيه بتزود فى البنزينه دى او عند بتوع الكاوتش اللى معندهمش ضمير ويا ترى كام حادثة ممكن تحصل ؟
اتمنى ان تكون هناك هيئة متخصصة تراجع على اجهزة قياس الهواء بالسيارات ويكون هناك عقاب رادع مثل ما يحدث فى الموازيين او عدادات طلمبات البنزين .
ولحين انشاء هذه الهيئة اناشد السادة الاعضاء بضرورة شراء جهاز قياس ضغط الهواء وتركة فى السيارة لمراجعة ضغط الهواء بعد كل تزويد للهواء لان الموضوع مش تهريج .
