عندى مشكلة هى رجرجة فى العربية على السلانسيه مع الاحمال الكهربية
فى كهربائى شافها قال البطرية ضعيفة بس انا رأي ال ايدل ارجو التأكيد و عايز اعرف ال ايدل اسعاره استيراد و جديد
عرض للطباعة
عندى مشكلة هى رجرجة فى العربية على السلانسيه مع الاحمال الكهربية
فى كهربائى شافها قال البطرية ضعيفة بس انا رأي ال ايدل ارجو التأكيد و عايز اعرف ال ايدل اسعاره استيراد و جديد
أكشف على شحن الدينامو أولااقتباس:
عندى مشكلة هى رجرجة فى العربية على السلانسيه مع الاحمال الكهربية
وشوف وضع البطاريه بالمره
البطارية بقالها قد ايه؟
شحن الدينامو اخبارة ايه؟
MMamdouh
البطارية بقالها 3 شهور بس طلع العيب منها فغيرتها
طب الحمد لله انك لاقيت العطل و حليته ....
عاوز الفت نظركم ان ممكن يكون الاعراض دى بسبب ضعف الارضى كمان ....
يعنى لو العربيه واقفه و رحت مولع النور العالى مثلا و العربيه برجلت شويه و حسيت ان نور التابلوه ضعف شويه ... دا غالبا ضعف فى الارضى ...
انا بقول كده لانى بحس بنفس الموضوع ده فى عربيتى بس انا عندى بتبرجل ثانيه واحده و تظبط علطول بس برده الحركه مضايقانى ... ونفسى اجيبلها كابلات كويسه و قواطيش ... بس مفيش حاجه جت قدامى تستاهل .... لو حد فيكم يعرف مكان اجيب منه حاجات نضيفه يقول يمكن ربنا يكرم و الموضوع ده يتحل ...
كونت قولتلى يا راجل ايام ما كان عندى كيت تقوية الاراضى... بس هى للاسف خلصت
لو عايز ممكن اكلم صاحبى يجيب شوية تانى معاه و هو نازل
MMamdouh
العيب مازال مستمر و المرة دي البطارية سليمة
سرعة الآربي إم على السلانسيه كام؟
مفيش عداد rpm بس كل الاعراض رجرجة مع الاحمال الكهربية على السلانسيه و ضعف عام فى العربية (حاسس انها مش فايقة)
اخبار البوجيهات ايه ...؟؟؟؟؟؟؟ اكشف عليها او غيرها و شوف لو فى اثار زيت عليها احتمال كبير تكون منها
متابع
عندي نفس المشكلة على خفيف
ايه يا رجاله القصة؟؟؟؟
اخي الفاضل
انا عندي نفس المشكلة وغيرت كل حاجة في العربية وطلع العيب في المبينة وبدور علي مبينة كويسة مش لاقي كل ما اركب مبينة تقطع تاني
ويرجع العيب ياريت لو حد يفدنا عن مكان مبينة كويسة ويعطينا فكرة عن ثمنة
فعلا قد تكون البوبينا أحد الأسباب لحدوث مثل هذه الحالهاقتباس:
انا عندي نفس المشكلة وغيرت كل حاجة في العربية وطلع العيب في المبينة
أو كفاءة كابلات البوجيهات أو البوجيهات نفسها
طيب لو موبينا كويسة يا أبو أحمد .. نعتر فيها منين ؟
(على فكرة حسام مش عارف يكلمنا خالص وعضوياته تتعرض للإيقاف بشكل مستمر)
الأصلى ياحمو .....مفيش زيهاقتباس:
طيب لو موبينا كويسة يا أبو أحمد .. نعتر فيها منين ؟
وأستيراد أصلى ...........أحسن من صينى جديد
بعد تجربة الأستيراد والتأكد من صلاحيته
ولكن ................لا ننسى
تجربة بوبينا فى البدايه ( على سبيل التحقق أولا من أن العيب منها )
بدل ما أشترى ............ولسه الظاهره موجوده
لأن زى ما قولنا ..................
أن البوبينا ...........قد تكون أحد الأسباب ( وخللى بالك من كلمة قد )
وعلشان نحكم على قد دى ...........يبقى بتجربة بوبينا الأول ( قبل ما أشترى )
وأذا عرف السبب ..................بطل العجب
أسأل الله العلى العظيماقتباس:
(على فكرة حسام مش عارف يكلمنا خالص وعضوياته تتعرض للإيقاف بشكل مستمر)
أن يهيىء له من أمره رشدا
لأن حسام راجل طيب زيك ياحمو ومش ملاوع
وكفايه كدليل على صدق كلامى
أنه قالى فى أول مشكلته على موضوع زكى لانوس وحسام دايو
وحقيقى أنا زعلان جدا علشانه ( ونفسى مسدوده شويه ومش سعيد حاليا )
لأننى حاسس أنى كنت سببا فيما حدث له ....وبألوم نفسى فعلا
وكمان دليل على أن ده راجل طيب
ماسك فى دايو فى أختيار عضوياته المتكرره .......وعمال يعدد أرقام وراها
لحد ماوصل لرقم 35
بذمتك لو ده أنسان ملاوع
مش كان كل يوم والتانى يكتب عضويه قد تكون مبهمه
زى حرنكش ....وفلوكس وكده
بدل ماهو ماسك فى دايو دى
وناوى يصل لرقم المليون
بيفكرنى برحلة المليون بتاعة سنبل أياها
يعنى الراجل طيب فعلا ....ومش ملاوع بدون أدنى شك
وربنا يحنن قلب الأداره عليه
لأنه راجل طيب فعلا ومش ملاوع
يا باش مهندس أنا مصر أوصل معاه لحل .. مش معقول واحد صاحبنا وعضو عزيز معانا يوصل لدايو 90 ..
يعني المفروض يكون في جو من التسامح .. وإقالة العثرات .
وبعدين ما دخل اللين في شيئ إلا زانه ..
رجاء من السيد المشرف إجارة أخونا حسام وتركنا نتمتع بصحبته لكي تكتمل سعادتنا معا .. الصراحة أنا بدخل المنتدى وأنا حاسس بغصة شديدة من اللي بيحصل .
وياريت السيد المشرف يراعي خاطرنا ؛ رجاء حار .
الادارة و فريق الاشراف يراعون الاخطاء التى تحدث نتيجة للسهو او اذا اعتذر المخطىء عن الخطاء (مع مراعاه طبيعة الخطاء) الا ان هذا لا ينطبق على حالات اللاصرار على مخالفة قوانين المنتدى و الدخول الى المنتدى لنشر العبث و الاستخفاف بالاعضاء و محاولة التوقيع بينهم
مشرف عام الكورى و الماليزى
لقد ذكرتنى حاليا يافتى
بعادل أمام وهو يقول
فى فيلم ( خللى بالك من جيرانك )
وهو يترافع فى أحد جلسات المحاكمه ( حيث كان يعمل محاميا بالفيلم )
ماذا أقول ....وأى شىء يقال بعد كل ماقيل
وهل هناك أفضل مما قيل
فنسأل الله العظيم أن يلاقى رجائنا أستساغه من الأداره الموقره
فى العفو عن زميلنا
وإعطائه فرصه واحده فقط
لمعرفة نواياه الحقيقيه
نوايا العضو الموقوف واضحة ولا تحتاج الى فرص اخرى, المنتدى لم و لن يكون ساحة للعابثين ليرتعوا فيه و سيتم تطبيق قواعد المنتدى للحفاظ على كيانة الاخوى و ابعاد كل من يحاول اشعال الفتن و المشاكل بين الزملاء
مشرف عام الكورى و الماليزى
ازيك يا باشمهندس سمير ؟
:)
الحمد لله على سلامتك
انا عندي نفس المشكلة , و العربية بتبطل كمان ( او الكنترول يعلي ال rpm فما تبطلش و تروح منورة لمبة التشيك - و لما ابطل و ادور تاني تطفي )
بس انا كنت عملت حاجة غبية فيما اظن
:(
مؤخرا كنت غيرت طرمبة البنزين و غيرت معاها فلتر الزيت
احد معارفي , مهندس سيارات , نصحني اني احط لتر زيت موتور على التانك , و عملت كده فعلا في نفس يوم المطرة بالليل , اللي انا مشيت فيه بالعربية برده في العومان و الغرق ده
النتيجة ان العربية ابتداء من يوم السبت بقت و انا باسخنها ( او و انا باركن او ماشي هادي اوي ) بيحصل لها الأعراض اللي شرحتها دي
(العربية بتبطل ( او الكنترول يعلي ال rpm فما تبطلش و تروح منورة لمبة التشيك - و لما ابطل و ادور تاني تطفي ))
يا نهار إسود ؟!
زيت في التانك .. ليه هو معرفتك ده فاكرها موتوسيكل توين ؟
ومستغرب إنها بترجرج ؟
كتر خيرها إنها شغالة أساسا .!
ياباشا موضوع الزيت ده بيهدي الحريق بتاع المكنة جدا وطبعا بيخليها تطلع دخنة زرقاء (راقب أي موتوسيكل) والعربيات مش متصممة لكده أصلا !
طيب والرشاشات عاملة معاك إيه دلوقت ؟
معلش في ده السؤال .. هو حضرتك متأكد إنه مهندس سيارات ؟
اه و الله و شغال في وكيل شركة اوربي
المهم دلوقت , هي بتدور و بتمشي و بتجري , بس فعلا بمستوى اقل شوية و بتعوز دوسة بنزين اعلى سنة من العادي , ده غير الأعراض اللي قلت عليها دي
يا سيدي الفاضل .. خدني على قد عقلي ..
الدراجات النارية تبريد هوا ولذلك يضاف الزيت لتخفيف درجة حرارة الإحتراق للمساهمة في تبريد الموتور .
طيب .. مال عربياتنا إحنا ومال القصة دي ؟
الموضوع ده ممكن يبقى مبلوع لو عربيتك فولكس قديمة وللا بيتلز (تبريد هوا) إنما عربية حديثة ويتعمل فيها كده ؟
بص .. من الآخر .. فضي البنزين المخلوط بزيت ده وماتمشيش عليه تاني وإلا يعوض ربنا في الفلتر والبخاخات وموتور الطلمبة كمان لأن كده إنت بتجهده بدفع سائل كثافته أعلى من كثافة البنزين .
عشان تفضيه فك الخرطوم اللي داخل على الفلتر في صدر العربية وافضل دور مارش لحد ما يطلع كل البنزين اللي فيه .
وبعد كده هات جركن بنزين 80 (4 ليتر كفاية ) وفضيه في التانك وفضيه بنفس الطريقة تاني .. لحد ما تتأكد من نضافة التانك من آثار البنزين المخلوط بزيت ده .
وبعد كده فول تانكك وعليه منظف دورة بنزين stp الأسود .. وماتعملش كده تاني .
(ونصيحة..خللي المهندس المعرفة يذاكر ثانوية عامة من تاني)
الموضوع ابسط من كدة انت بقدر الامكان كل لما البنزين ينقص تروح تزود بنزين على طول وتقعد تدعى ان ميحصلش حاجة وان شاء الله ميحصلش حاجة
وعلى فكرة انا قبل كدة حطيت جاز جيت بس حوالى ربع لتر على ملو الخزان بنزين لتنظيف الرشاشات لاكن زيت محركات دى جديدة .
انا فعلا ضرب في دماغي الموضوع ده و رحت مونت فوق البنزين اللي كنت حاططه ( التانك حاليا فيه حوالي 40 لتر بنزين بالتقريب كده بالاضافة للتر واحد زيت ) ما اظنش انهم هايختلطوا ببعض , لكن مش عارف لتر الزيت ده ممكن يخلص ولا هايبوظ الدنيا ولا هايعمل ايه
ربنا يستر
:(
خلاص , انا مبدئيا هاحطها على السكانر كمان قبل ما اعمل اي حاجة ان شاء الله
دعواتكم
:(
الله يخليك ويقويك ياهندسهاقتباس:
ازيك يا باشمهندس سمير ؟
:)
الحمد لله على سلامتك
وشكرا على السؤال
ربنا يكرمك يا باشمهندس
:)
ماعندكش اضافة في الموضوع اللي حطيت نفسي فيه ده ؟
:(
نعم صدقتاقتباس:
وبعدين ما دخل اللين في شيئ إلا زانه ..
للأسف ياهندسهاقتباس:
ماعندكش اضافة في الموضوع اللي حطيت نفسي فيه ده ؟
المتسبب فيما حدث لك
هو صديقك أو قريبك ( مهندس السيارات )
ومفيش قدامك غير زى ماقيل من قبل
التفويل والحرق المتكرر والمستمر للبنزين
على أمل تطهير تنك البنزين مما لحق به من أذى ورفع كفاءة عملية الحريق والتحكم بوجه عام
وياريت تبلغ المهندس هذا
أن الزيت ( وسيلة تزييت وتزليق لمنع أحتكاك الأجزاء الميكانيكيه وكذلك يفيد الزيت فى عملية تبريد الأجزاء المحتكه ببعضها )
أما البنزين فهو وقود
ولا توجد معلومات هندسيه تطرقت الى خلط وسائط عامله
فى مجالات مختلفه وبعيده كل البعد عن بعضها فى الآداء مثلما أشار عليك
فلا يصح أن يتم خلط الخل على اللبن ( كمثال )
سلام عليكم يا باشمهندس سمير
انا رحت لمحمد السيد النهارده
هو حط العربية على السكانر و ما لقاش عليها اي حاجة
لكن قال لي انه لقى قياس حساس الشكمان ضعيف ( بين 450 و 500 مش فاكر كام بالظبط ) , و ثابت على كده , و قال لي انه مفروض يبقى قياسه بيتغير و يوصل لحد 800 تقريبا
هو توقع ان الحساس يكون باظ بسبب رشاشات مسيلة ( انا فعلا مغير الرشاشات برشاشات استيراد قريب عشان كانت بتتأخر في الدوارة )
هو قال لي مفروض تشتري حساس شكمان جديد ( بيقول لي بيعمل حوالي 300 جنيه , او استيراد بيعمل حوالي 150 جنيه )
انا ان شاء الله هاروح له بعد بكرة عشان زي ما قال ننشف حوض العربية كويس من جوة لأن باين عليها اثار ابخرة من يوم المطرة , و هايجرب بالمرة ان شاء الله بحساس شكمان من عنده عشان نتأكد
لكنه لسه ما اتأكدش عيب تبطيل العربية ده من ايه
بخصوص موضوع الزيت هو قال لي حاول تخليها متفولة على طول و بلاش تفضي الخزان
كنت عايز اعرف احسن ساعتها ان شاء الله اجيب حساس جديد ولا استيراد ؟
و يا ترى يا باشمهندس قصدك بالتفويل المستمر اني احافظ على التانك دايما فيه اكتر من التلات أرباع مثلا ؟
و الحرق ؟
هل تقصد اني احرق على الغيارات شوية و انا ماشي ( علما بأن العربية ماشية كويس لحد دلوقت , تقريبا 120 - 150 كيلو من ساعة ما عملت موضوع الزيت ده ) ولا تقصد بالحرق ايه ؟
هو ده مقصودى فعلااقتباس:
ولا تقصد بالحرق ايه ؟
ليه ............اقتباس:
بخصوص موضوع الزيت هو قال لي حاول تخليها متفولة على طول و بلاش تفضي الخزان
علشان كل ماحتحط بنزين وتحرقلك شويه بالمكنه
يبقى كده أنت بتخفف تركيز وأثر الزيت اللى أتحط
لو عاوز رأيى الشخصىاقتباس:
كنت عايز اعرف احسن ساعتها ان شاء الله اجيب حساس جديد ولا استيراد ؟
هات الجديد فى الحساسات بالذات ( لو كان الفرق فى الثمن بسيط بين الجديد والأستيراد )
خليه ينظفلك فيشة حساس الكرنك ويركبها تانى كويساقتباس:
لكنه لسه ما اتأكدش عيب تبطيل العربية ده من ايه
وبرضه فيشة البوبينا وفيش الرشاشات
وكده مش حيحصل موضوع التبطيل تانى أن شاء الله
اعتقد تنضيف الرشاشات هيفيدك بعد اما تخلص الزيت
هات حساس شكمان جديد
MMamdouh
انا كنت كلمتك فى المنتدى عشان اخد كيت من الى عندك ... ووعدتنى بواحده لما نتقابل فى مقابلة المنتدى ... بس بعديها اما كلمتك فى التليفون قبل المقابله علطول قولتلى انهم خلصوا ... معلش بقى خيرها فى غيرها ان شاء الله ... لو جت قدامك حاجه كويسه ابقى قولى و جزاك الله خيرا يا كبير ...
معلش ياباشا... مكنش ليك نصيب المرة دى
انا بعت لصاحبى ايميل عشان اقولة يجيب تانى لو ممكن... و لو فيه نصيح ححجزلك واحدة ان شاء الله
MMamdouh
مفيش تعب ولا حاجة يا باشا
MMamdouh
@ باشمهندس سمير و حمو
النهارده انا كنت عند محمد السيد , و العربية اتظبطت بعد ما ركب لها موبينة تانية من عنده
و طبعا غيرت موبينة و سلوك بوجيهات و بوجيهات
و بكده على الأغلب ان بخار المياه بتاعة يوم المطرة هو السبب
:(
الحمد لله و قدر الله ما شاء فعل
و اديني ان شاء الله هاراقب العربية الكام يوم اللي جايين
اما بالنسبة لموضوع حساس الشكمان
ففجأة لوحده بقى يقرا صح
الله اعلم ازاي ولا كان فيه ايه مهنج
@ ممدوح باشا
انا شاكر لمساعدتك يا ممدوح باشا جدا