كرم ايه بس يا باشا، مايجيش جنب كرم الاسكندرانية الجدعان.
عرض للطباعة
العربية طبعا مميزاتها كتير وكلنا عارفينها .. فاضل بعض العيوب اللى لاحظتها وملقيتش حد اتكلم عنها مثلا زى الصاج ضعيف جدا زيادة عن اللزوم .. وحتى الاكصطدامات معمولة من بلاستيك/فبر ضعيف ... محدش يعرف سمكرى فى اسكندرية من اللى بيستعدلوا الانبعاجات الصغيرة بجهاز شفط الهواء ؟؟
ثانيا .. العربية مفيهاش انذار ومينفعش يتركبلها انذار على الريموت بتاعها
ثالثا .. برضه مينفعش يتركبلها وحدات رفع حسب كلام التوكيل
رابعا ودى مش متأكد منها .. انا مش حاسس بأى توفير فى البنزين الصراحة .. انا باعمل تقريبا 300 كيلو فى الفولتانك (مش فى الصفيحة) ، هل ده يعتبر طبيعى على جوه البلد ؟؟
انا شايف ان الصاج احسن من الكورى بكتير واليابانى ايضا اما عن الانذار ووحدات الرفع انا لسه مرحتش التوكيل والبنزين انا كان معايا نيواكسنت ال1400 موديل 2007 والموديل ده نزل من 1400 و1600 سى سى المهم ان الجراند اوفر بكتير من النيواكسنت اظن طبعا ان العربيه فيها بعض العيوب البسيطه ايوه ممكن تنرفز بس المجمل احسن من عربيات كتير فى نفس الفئه السعريه
كان فيه حاجة اخيرة كتبتها بس طارت مش لاقيها !!!
كنت باقول على الفتيس .. لما تحاول تجيب الخامس .. بيبقى مقرف شوية .. لانه مش فى نفس مسار المارشدير وانما يميل قليلا لليسار ناحية الثالث .. انا سقت عربيات كتير قبل كده ومشفتش الحركة دى !!
وبالنسبة لشكواك بأن الزجاج الشمال مش بيطلع مرة واحدة زى نزوله .. فدى معمولة للامان علشان لو حد راكن ايده على الزجاج ..
الزجاج اللي على الشمال بيطلع بتكه واحدة زي ما بينزل بس اللي على اليمين بيطلع و انت معلق ايدك على الذرار مش زي ما بينزل
بالنسبة للصاج هو ضعيف بصفة عامة بس اقوى من الكوري بالاخص هيونداي و الاوبترا بس الكيا ماقارنتش
الاكصدام هي بلاستيك فبر زي اي عربية جديدة مش حيحطوها حديد يعني بس جامده الصراحة
انا اخدت كام خبطه في الاكصدام اللي ورا و ماحصلهوش حاجة خالص منهم خبطة في عمود حديد قصير ماكنتش شايفة وانا بعمل مارشدير بسرعة بس سمعت صوت خبطه جامده و نزلت جري و متوقع انه حيكون اتلوح ولا اتكسر لقيته اتخربش بس و شويه معجون ضيعت معظم علامة الخربشة
بالنسبة للخامس لازم تودي ايدك يمين على الاخر زي الاول مالازم تودي ايدك شمال للاخر
وبالنسبة للانذار العربية دي مش فيها كود اليكتروني بين المفتاح والموتور بيتغير كل مرة العربية بتدور فيها ، يعني من الاخر مستحيل تتتسرق الا في حالة وجود مفتاحها فقط ، لان ببساطة مش حتدور من غير المفتاح بتاعها.
بس في بلدنا ممكن يقلبو الكاسيت والحاجات الصغيرة اللي جوة العربية ، عادي انت في مصر
بالنسبة للكاسيت ممكن اللي حيسرقه يعرف يفكه بس انه يشغله دي اختراع لأن العربية لما بتفصل الكونتاكت بتاعها بتكتب شفرة عشوائيه بين الموتور و الكونترول يونيت و الكاسيت و لما تفك الكاسيت من العربية و تيجي تشغله بره حيقولك دخل كلمة السر و هنا المشكله
مش في صعوبة كلمة السر اللي من 8 ارقام على ما اتذكر بتدخلهم بالذراير من 1 الى 6 اللي في الكاسيت انما المشكلة في ان اول كلمة لو غلط بيستنى 30 ثانية و يقولك دخل كلمة السر تاني و لو غلط يستنى دقيقه و يقولك دخلها تاني و بعدين دقيقتين و بعدين ثمانية دقائق و هكذا متسلسله هندسية ان بعد خمس او ست محاولات حتبقى 12 ساعة وبعد كده حتبقى 24 ساعة وده الmaximum بتاع الكمبيوتر يعني حيبقى مسموحلك بس تدخل كلمة السر مرة كل 24 ساعة ولو غلط تستنى ال24 ساعة اللي وراهم عشان تدخل كلمة السر تاني لأن الفترة اللي مابينهم الكاسيت مش شغال
و يبقى الحرامي عنده صبر خمس ست سنين عبال ما تيجي معاه صدفة و يدخل الكلمة اللي صح
الكلام ده في الكاتالوج بتاع العربية للي اشتراها بس مش فاكر كاتالوج الكاسيت بس ولا العربية ككل