السلام عليكم,
النهارده كان يوم حافل , و الحمد لله ,
كنت رايح المقابر في 6 أكتوبر لحضور حالة دفنة بعد صلاة الجمعة ,
المهم بعد ما وصلت و لما جيت أمشي العربية لقيتها لما تتدور تترجرج و تبطل ,
فتحت الكبوت و ابص يمين شمال مش عارف ايه المشكلة ,
فكيت فلتر البنزين و لقيته نضيف , دورت العربية علشان أشوف ضغط طرمبة البنزين فملقيتش بنزين جاي من الطرمبة فعرفت إنها كده باظت ,
كلمت ميكانيكي أعرفه في أكتوبر و على ما دور على طرمبة و جالي الساعة بقت 5 ,
المهم ركبها و الحمد لله العربية دارت و رحت معاه الورشة و خليته يشيك على العفشة و يعمل شوية تنضيف للبوابة و الحوض ,
و على ما رجعت فيصل الساعة بقت 9 ,
بس اللي مضايقني إنه جاب طرمبة صيني و كانت عاملة 175 ج , و قاللي إن الأصلي كانت عاملة 450 ج.
فيا ترى إيه اخبار الطرمبة دي و ممكن تشتغل قد إيه.........