ياريت حد يا جماعه يعملنا مقارنة بين الرينو فلوانس والكيا سيراتو
انا محتار جدا بينهم
موش عارف اقرر انهى واحده
عرض للطباعة
ياريت حد يا جماعه يعملنا مقارنة بين الرينو فلوانس والكيا سيراتو
انا محتار جدا بينهم
موش عارف اقرر انهى واحده
ياريت حد يا جماعه يعملنا مقارنة بين الرينو فلوانس والكيا سيراتو
انا محتار جدا بينهم
موش عارف اقرر انهى واحده
يا باشا مع احترامى مينعشى تقارن اكيد الفلونس
تقفيل متميز وخامات رائعه غير التكنولوجيا الرائعه
ده غير ان فى عيب خطير فى السيراتو بقت منتشرة بطريقة مستفزة
بس ده ميمنعشى انها عربيه كويسة و شكلها كويس بس لا تقارن بالفلونس
الفلوانس يا باشا لسه متجربتش استنى عليها شوية
او اتفرج انت على العربيتين و اعرف مميزات كل واحدة فيهم و شوف انت مقتنع بأنهى و مستريح فى مين فيهم لكن متخدش بكلام مينفعش يتقرنوا و الحوارت دى كلهم عربيات فيهم عيوب و مميزات
احنا نصبر شهر بس الاول .. السيراتو ممتازة .. بس برده في فرق دي رينو .. والفلوانس انا فصحتها فحص كامل في فورميولا الاهرام .. العربية خيالية استنى شوية اتأكده منها وطبعا فلوانس بلا مقارنة
انت محتار بين عربيه كورى وعربيه اوروبى ودول ليهم خصائص مختلفه عن بعض
يعنى مثلا الفلونس
موتورها أضعف - اسعار قطع غيارها وصيانتها معرفهاش بالظبط بس اكيد مش هاتكون اقل من الميجان اللى قبلها وهاتكون غاليه زى اغلب الاوروبى - اعادة بيع مش عاليه زى اغلب الاوروبى - سعرها اصلا اغلى
السيراتو
موتور اقوى - انتشرت يعنى قطع غيارها بقت موجوده بره التوكيل وموجوده فى التوكيل بسعر اقل من الاوروبى واعادة بيعها كويسه - سعرها أرخص باوبشنز اكتر
يعنى العربيتين مختلفتين حسب انت عايز ايه وايه اكتر حاجه تهمك
غير ان الفلوونس لسه متجربتش لكن كفائتها متوقعه ( اكيد ممتازه )
فئة الكوري وفئة الاوروبي ,,, المقارنة في صالح الأوروبي في الغالب
شوف معتقدش حد حيقدر يفيدك لان الفلونس لسه محدش جربها بس هي عربيه رينو ... واوروبي .....دي ميزه اما السيراتو كوري
-السعر ...حسب الفئه وان كانت الكفه مرجحه للرينو لانها اوروبي وبسعر جيد طبعا اعتمادا علي الاوبشن والمبلغ اللي انت حاطه في اعتبارك
-محدش برضه حيعرف يفيدك من ناحيه عيوب الفلوانس برضه لانها متجربتش ....اما السيراتو اهو مشيت شويه
-الوكيل للعربيتين واحد ......وكيل جيد ومحترم ......الاتنين متساويين في النقطه دي
بصراحه الحل في ايدك انت لوحدك.............:majd(4):
الحل انك تروح تركب العربيتين واللي تحس فيها براحه نفسيه ليك ...........تصلي استخاره عليها وتتوكل علي الله ....لا خاب من استشار وانت استشرت ربنا
وانا لو منك اجيب الفلوانس .........كفايه السيراتو بقت ماليه الشوارع ( ده بقا عيب في نظري.....وبرضه اخف عددها شويه:ma:)
الرينو تكسب
ده بفرض انها زي الميجان 2
السيراتو كويسة طبعا بس انا كا اقدرش أفضلها على عربية أوروبي
خصوصا انها عربية كويسة و سعرها مش مبالغ فيه و من توكيل محترم وشكلها كويس و امكانياتها كويسة ...
اقتباس:
الرينو تكسب
ده بفرض انها زي الميجان 2
السيراتو كويسة طبعا بس انا كا اقدرش أفضلها على عربية أوروبي
خصوصا انها عربية كويسة و سعرها مش مبالغ فيه و من توكيل محترم وشكلها كويس و امكانياتها كويسة ...
اقتباس:
شوف معتقدش حد حيقدر يفيدك لان الفلونس لسه محدش جربها بس هي عربيه رينو ... واوروبي .....دي ميزه اما السيراتو كوري
-السعر ...حسب الفئه وان كانت الكفه مرجحه للرينو لانها اوروبي وبسعر جيد طبعا اعتمادا علي الاوبشن والمبلغ اللي انت حاطه في اعتبارك
-محدش برضه حيعرف يفيدك من ناحيه عيوب الفلوانس برضه لانها متجربتش ....اما السيراتو اهو مشيت شويه
-الوكيل للعربيتين واحد ......وكيل جيد ومحترم ......الاتنين متساويين في النقطه دي
بصراحه الحل في ايدك انت لوحدك.............
الحل انك تروح تركب العربيتين واللي تحس فيها براحه نفسيه ليك ...........تصلي استخاره عليها وتتوكل علي الله ....لا خاب من استشار وانت استشرت ربنا
وانا لو منك اجيب الفلوانس .........كفايه السيراتو بقت ماليه الشوارع ( ده بقا عيب في نظري.....وبرضه اخف عددها شويه)
بصراحة عندكم حق صعب ان تتفوق سيارة كورى على سيارة اوربى خصوصا اذا كانت من مصنع له اسمه وتاريخه زى رينواقتباس:
فئة الكوري وفئة الاوروبي ,,, المقارنة في صالح الأوروبي في الغالب
وطبعا لا خاب من استشار من بعد ربنا سبحانه وتعالى بس انا بسال اصحاب الخبرة فى رايهم خصوصا ان السيراتو فعلا انتشرت وتحت التجربة من فترة اما الفوانس لسه بس هى تعتبر خليفة الميجان 2 مع اختلافات فايه رايى مالكى الميجان 2 فى مقارنتها مع السيراتو
اسف على الاطاله واشكر كل من يساعدنى على اختيار هذا القرار
مش عايزين نظلم السيراتو .. لما نيجي نقارن نقول سيراتو وكروز والانترا .. لكن ندخل الفلوانس في المقارنة يبقى تتفوق .. قطع غيارها غاليه شوية بس هي دي ضريبة انك راكب عربية اوربي .. بس بصراحة انا لما ركبتها عجبتني جدا .. وتقفيلها ممتاز .. واول فئة منها فيها كروز كونترول و اي بي اس واير باجز .. العربية حلوة بجد .. وعملت حجوزات كويسه اوي .. وتحياتي لصديقي احمد بيك سامي
أنا أفضل الالفلوانس
يمكن فعلا قطع غيار أغلى حبتين لكن دا طبيعى علشان أوروبى والتوكيل بردو محترم عن تجربيه
توكل على الله وهات الفلوانس
بلاش نمشي ورا تيار العربيات المتجربة انا و الحمد لله كنت من ضمن الناس اللي اشتروا اللوجان في بدايتها (المغربي) و كنت مقلق زي حضرتك كدة و كل شوية اسمع كلام يسيب مفاصلي و اقول خليني في اللانوس و سبحان الله كل ماجي نازل احجز اللانوس في منصور 5 مرات كل مانزل يحصل حاجة و محجزش و اللوجان في 30 دقيقة اشتريتها كل ده طبعا بسبب الاستخارة و الحمد لله انا مبسوط منها جدا جدا و لو هشتري عربية تانية ان شاء الله تكون اكبر في الفلوس هتبقى الفلوانس بدون كلام مع اعتراضي على حاجة واحدة بس في الفلونس لما رحت شفتها هي انها 2 ايرباج بس و اللي ب 6 ايرباج مش موجودة غير في الاهاي لاين اللي ب158 الف انا حلوة اوي عليا كماليات الفئة اللي ب125 الف و زوده شوية و حطلي ال 6 ايرباج و انا ابقى مبسوط 24 قيراط و فيه حاجة تانية مقارنة بالميجان مش عاجباني فيها و هي ان رفارفها صاج مش فيبر و كل الاعتراضات دي حاجات بسيطة متأثرش في العربية لكن انا واحد مهوس بامان العربية لأن حياتي فيها هية في الاخر علبة صفيح هتترمي و نشتري غيرها لكن لو جرالي او جرى لأي حد في عيلتي حاجة مش هتتعوض
و فيه تصحيح بسيط بس بالنسبة للفلوانس ان الناس فكراها موديل جديد من الميجان السيدان و انهم منزلنها باسم تاني و دي معلومة غلط هي فئة تانية خاااااااااالص غير الميجان و الميجان بقت بتنزل هاتش باك بس
و امبارح راجع على الدائري كان ما شاء الله لا قوة الا بالله واحد مستلم عربيتو الجديدة الفلوانس و مش معلقة نمر من بعيد وهمية و تابلوها لمحتو كدة و انا ماشي تحفة ما شاء الله
انا رغيت كثير متأسف بس مقدرش ماتكلمش على زوجة قصدي عربية المستقبل =)
شيفروليه كروز ؟
لا يوجد وجة للمقارنة من الاساس
يمكن رخص تمن الفلوينس هو اللى مخلى الناس تعتقد انة يمكن مقارنتها بالكورى
مقارنة الفلوينس يجب ان تكون بسيارة من فئتها زى الكورولا او الهوندا او الاوكتافيا
هي دي غلطة توكيل رينو نزل الفلوانس رخيصة وده الي خلى الناس تقارنها بالسيراتو
من غير تجربة الفلوانس شكل وتابلوه اشيك
اوروبي مش كوري
رينو مش كيا
بس اكيد قطع الغيار اغلى بس في الاول
وبعد كده هتكون بره التوكيل زي الكليو والميجان
أوروبى فرنساوى طبعا
الاوروبي تقفيل كويس لكن قطع غيار واعادة بيع بيكون فيهم خسارة
الكوري ممكن تقفيله اقل شوية في الجودة بس قطع الغيار واعادة بيعه مفيهمش خسارة
فلو حضرتك مش هتبيع بعد فترة قليلة يبقى اوروبي وبعدين بالنسبة للفلوناس اصبر لغاية ما تتجرب