عرض للطباعة
السلام عليكم. مياة القربه بتنقص جامد من فتره و انا مش عارف بتنقص منين . لحد النهارده و جدت بقعه مياه كبيره تحت الردياتير من ناحيه السواق . اعتقدت انها فبره الردياتير . ايه رأى الخبراء و لو هى الفبره بتتباع فين و بكم و هل فى اى ملاحظات فى التركيب
مستنى الردوود بسرعه
و شكرا
لازم تروح للميكانيكي عشان تحدد مكان التسريب بدقه
و بعدين تبدأ تتصرف علي هذا الاساس
سخن العربية وبص على الردياتير كويس اتأكد التسريب من الغطاء ولا من العلبة الفيبر و لا من الخراطيم. فى حالة تغيير العلبة الفيبر لا قدر الله يجب التأكيد على استخدام مكونات اصلية ولا تسنجيب لصنايعى عايز يلفقلك اى حاجة علشان يظطبك فى 150 جنيه. حتى لو اضطررت الى تغيير الردياتير كاملا.
+1 كانت عندي من فترة الفبرة البلاستيك دي باظت و لقيت الصيني ب 80 تقريبا و الكوري ب 100 الارقام مش متاكد منها جبت ريدياتير بالكامل استيراد ب 220 قلت اشتري دماغياقتباس:
المشاركة الأصلية كتبت بواسطة amirelgohary
الحوار دة لسة حاصل معايا قريب
روحت التوكيل عشان كان فى شرخ فى الفيبرة
قالى غير الردياتير كلو ب650
بس طبعا اخونا هنا ساعدونى
المهم ياجميل قبل ما اقولك الحل الى عملتو
الحوار دة كلو فى الدايو ونا بغير الفبيرة بتاعتى جت حاولى خمس عربيات لانوس ونبيرا عملو الحوار دة
يعنى حتى لو جبت ردياتير جديد فى احتمال تئاكل الفبيرة بتاعتو بردة
المهم فى نوعين من الفبيرة مصرى وصينى
بس الافضل الصينى
بص قول للراجل انا عايز المستوردة
الحوار كلو معا الفك والتركيب والنتظيف قول
120
واعمل حسابك فى جركن مياة خضرا
بس قولو فى الاول يعمل اختبار دورة التبريد بمياة عادية عشان لو فى تسريب متخسرش جركن المياة
لو تمام
تانى يوم ترحلو يغير المياة ويحط المياة الخضرا
يا شباب . هو تغيير فبرة الردياتير ده عادى يعنى و مبيعملش تسريب للمياه و سخونيه و لا اجيب ردياتير جديد اضمن لانى فى عربيتى السابقه كان تصليح الردياتير فكرة فاشله جدا و اتبهدلت و فى الاخر غيرته برده
شكرا للرد
لا تصليح الردياتير حاجة وتغير الفبيرة حاجة
فعلا لحم الردياتير فاكرة فاشلة تمام
لكن تغير الفبيرة مالوش علاقة بارديتير
يعنى مضمون يا حسين باشا ؟
بص ياجميل انا عامل الحوار دة من حاولى اسبوع ونص
حتى كان بعديها بيومين لقيت تسريب مكان العلبة روحت للراجل دة وقرط عليها
لكن المجمل عن التجربة
كلو تمام التمام
وتجربة ناجحة
وكمان انا نسيت كمان اقولك انا كونت كمان غيرت القربة
عشان كان عندى القربة فيها شرخ
انا دوخت شوية لغاية ما لقيت الاصلى كانت بحاولى 65 جينة
شكرا يا باشا و ربنا يباركلك فيها
فعلاً الريداتير نفسه مش بيتلحم و لو قاللك نجيب أنبوبتين أو أي نوع لحام يبقى عايز يعمل شغل ,
بس الأول لازم تتأكد قبل ما تفك الريداتير هل المشكلة من مكان تاني و لا لأ ,
يعني فيه فبره ورا الإنجكشن ممكن تسرب لو تآكلت ,
راجع الخراطيم لو فيه أي تسريب سواء من جسم الخرطوم أو من الوصلات ,
راجع الكوعة اللي خارجة من الموتور للريداتير لو حواليها تسريب ,
لو مفيش يبقى فك الريداتير و إتأكد من وجود تسريب به ,
و كمان فك القربة لأن ممكن يكون فيه تسريب من تحتها و مش باين و لو محتاجة تتغير جيب الأصلي مش أي نوع,
لو الموضوع في الآخر تسريب في فبرة الريداتير ,
ممكن نتقابل و تآخد الريداتير بتاعي القديم انا غيرته علشان فيه تسريب في جسم الريداتير و لكن الفبرة سليمة ,
شوفها لو تناسبك و طبعاً بدون مقابل احنا كلنا اخوة ..........
ربنا يكرمكاقتباس:
المشاركة الأصلية كتبت بواسطة Akram
التسريب من الحتة دى اما الفبرة مشروخة او الجزرة وحشة و عايزة تتعير (او الجوان بتاعها) او فيه تاكل فى مكان تركيب الفبرة على الرادياتير نفسة
لازم كشف كويس على الرادياتير و تحديد مكان التسرب بدقة قبل ما تدفع فلوس فى حاجة ممكن متكونش هى المشكلة
MMamdouh
شكرا للردوود و خاصا الاخ الكريم اللى عايز يدينى الردياتير بتاعه. بصراحه انا رحت للراجل بتاعه الردياتير و قاعد يسخن فى العربيه و مفيش نقطه مياه نزلت . و اخيرا قالى الجوان بيفتح و بيقفل و فى الحقيقه انا مش مقتنع .
ايه رايكم
اكبس الدورة... المكبس حيوضح تماما اذا كان فيه تسريب ولا لا... لو المكبس مبينش اى تسريب يبقى الاحتمال الاقرب ان العربية فيها جوان
MMamdouh
هوة ايه الفيبرة دي يا أخوانا
أستاذ ممدوح. يعنى أيه اكبس العربيه ؟ و يعنى ايه المكبس ؟ ممكن توضيح
هو جوان وش السلندر بيتغير عند كم . انا العربيه ماشيه 110 الف كم
ياريت الرد بسرعه . انا قلقت من موضوع الجوان دى ؟
يعنى بيكبسها بالهواء
علشان لو فى اى تسريب هلاتلاقى كبس الهوا مخرج المياة من الحتة اللى بتسرب
زى كدة مابيكبسو التكييف لما يكون فى خرم ولا حاجة
اختبار الكبس سهل.... المكبس بتاع دورة التبريد عبارة عن منفاخ هوا طالع منة خرطوم و بيركب طرف الخرطوم فى غطا مخصوص للقربة... الفنى بينفخ بالمنفاخ و يزود الضغط جوة الدايرة بتاعت التبريد عشان اى تسريب مهما كان صغير يبان قدام عنيك لان الضغط فى الحالة دى بيبقى اعلى بكتير من الضغط الطبيعى داخل دورة التبريد فى ظروف التشغيل الطبيعيةاقتباس:
المشاركة الأصلية كتبت بواسطة Egy_fan
جوان وش السلندر مبيتغيرش عند كيلومترات معينة... هو بيتغير لما يتلف فقط
MMamdouh
تمام . مين يعمل الاختبار ده . فنى ردياتير نظيف ام محطه بنزين نظيفه. بصراحه انا معرفش مكان اعمل فيه موضوع الكبس ده. ممكن حد يقلى فين؟
شكرااا
انت عايز حد عندة مكبس... انت ساكن فين؟؟
MMamdouh
ايوه حد عنده مكبس. انا ساكن فى الهرم
روح لمحمد عبدة فى العشرينى
MMamdouh
شكرا يا ريس. ان شاء الله هروح له فى اقرب فرصه
الحل كان فى الرداياتير
السلام عليكم. انا رحت و كبست العربيه و الحمد لله مافيش حاجه بتسرب خالص و الميكانيكى قال (ده بخر طبيعى علشان الجو حر جدا و كمان كشف على البوجيهات و طمنى على جوان وش السلندر)
انا مش مقتنع. العربيه بتحتاج حوالى 0.25 لتر مياه كل 500 كم يعنى كل اسبوع على حسب استهلاكى
ممكن رأى الخبراء . كده العربيه مظبوطه و لا لأ ؟
شكرااااااااا
100% غطاء القربة
بس انا غيرته مره و الميكانيكى فحص الغطا الحالى و قال سليم. اجازف و اغيره تانى؟؟؟
بص يا سيدى
انا حصل معايا نفس اللى انت بتقول عليه ده و كان عندى مشكلة فى كذا جزء
اولا ان طلمبة المية كان فيها جزء مصدى و كانت بتسرب على خفيف و لكن مرة واحدة الجزء ده اتفتح و كنت هقع فى مشكلة بس بنا ستر و ان على اول الطريق فالدنيا اتلمت و لما روحت غيرتها لقيت المية لسه بتنقص
روحت لبتاع الريدياتيرات المهم قالى فى الاخر اغير الطبب بتاعه المتور اللى فى البلوك و دى اللى بيغيرها الميكانيكى
وكمان كنت بلاقى نقطة مية او حاجة بسيطة اوى كده طالعة من عند الجزء اللى بيركب عليه جوان وش السلندر فغير جوان وش السلندر لان كان فعلا فيه مشكلة و كان متحمص و كان بطلع منه ميه بس بسيطة اوى
المهم فعلا بعد ما غيرت
طلمبة المية و الطبب بتاعة الموتور و جوان وش السلندر الدنيا بقت تمام
و على فكرة كان تقريبا برضو كل اسبوع بحط حوالى 0.25 لتر
تمام يا باشا بس الحاجات دى كتير اوى . انا ممكن اغير الطرمبه بس لأن الوكيل قال انه بيغيرها عند 100 الف و انا عربيتى عامله 118 الف لكن الجوان الميكانيكى بس على البوجيهات و المياه و الزيت و كانوا كويسين . بالنسبه للطبب دى انا لسه هكشف عليها
شكرا و فى انتظار المزيد
يا ريت تقولنا على النتيجة و ان شاء الله بسيطة
لقد استفدت بشدة من مناقشات الاعضاء في هذا الموضوع فقد فتح المجال لدراسة دورة التبريد بجميع اجزائها واعطالها دون ان نشعر