السلام عليكم ورحمه الله وبركاته
بالامس عملت تشيك على سيارتى الريجاتا نوفا لانى منذ ماشتريتها مغيرتش حاجه وهى والحمد لله ماشية معايا كويس جدا
حبيت انقل لكم كل شىء ليستفاد الاعضاء مالكى الريجاتا سواء كانت سعر قطع الغيار الحالية او معرفه قيمه المصنعية
اولا انا كنت بشكو من الحكة التى ابلغت حضراتكم عليها ولكنها راحت حتى عندما مشيت بيها انا وصاحب الورشة مسمعتهاش وبعد المعاينه اخبرت الميكانيكى ان بتاخذ بنزين اكثر بتعمل 180 كيلو فى الصفيحه اخبرنى ان ده نتيجه ان تحولى من بنزين 90 الى 80 ويجب ضبط الكهرباء على البزين الجديد مش عارف المقوله ده صح ولا غلط
المهم بعد ماكشف على السيارة طلب منى تغير سير الكاتينه الخاص بالماتور وان فيه جلبه مطلوب تغيرها لان الزيت بيسرب منها وطقم بوجيهات وابلاتين وكوندنسر والفبرة اللى بتحمى سير الكاتينه لانها كانت مشروخه احضرت له قطع الغيار وركبهم ونظم لى علبه مش عارف بتاعت ايه فيها زيت وسخ طلب من الصنايعى ينظفها ويضيف لها زيت جديد اظن انها خاصه بالهواؤ لان الخرطوم اللى خارج منها موصل للموتور ونزل تحت يشوف اثر الحكة التى اخبرته عليها قال مفيش حاجه غير ان المصفحه كانت مساميرها مهوية فربطها بعد ماالصنيعية اللى عنده اتمو عملهم اخذ السيارة وشيك عليها وتمام
الاسعار كالاتى
سير كاتينه 40
جلبه 5
ابلاتين وكوندنسر 18
فبره 33
طقم بوجيهات 27
المصنعيه 50
اكراميه 10
بعد ماخذت السيارة من عنده مشيت بيها تمام بحس ان السيارة عايزة طريق واسع وعايزة تجرى
لكن للاسف منطقتنا عمرك باى حال من الاحوال تجيب فيها الستين كيلو لانها امبابه تمشى فى شارع تاخذه مش فى دقيقتين تاخذه بالسيارة فى خمسه دقائق نظرا لللا نظام عندما زى مانا فى ذلك الوقت كنت مخنوق السيارة برضه كانها مثلى مضايقه نظرا لانى داس دبرياش باستمرار نظرا للبطى الشديد فى الشارع
هذا كل ماحصل منتظر تعليقاتكم على المشوار ده كويس ولا الاسعار غالية مع العلم انى شايف انها كويسه كتير جدا الا اذا كانت امصنعيه هى اللى غالية شوية
بالرغم ان الميكانيكى ده سمعته نظيفه جدا وتروحله تجد اكثر من 8 سيارات رجالته شغالين فيها هو عاليه يعاين السيارة ويستلمها ويكشف عليها ويسلمها لولاده وبعدها يستلمها منهم ويسلمه للزبون
شكرا للساده الاعضاء