عايز اشترى فلوينس بس خايف من اسعار قطع الغيار واعادة البيع
عايز اشترى فلوينس بس خايف من اسعار قطع الغيار واعادة البيع
متابع باهتمام
اعتقد ان الدنيا مش هتبقى واضحة دلوقتي بالنسبة لقطع الغيار و ممكن حضرتك تتصل بالتوكيل من الصبح لحد الساعة 4 و تسأل على اسعار قطع الغيار اللي عاوزها زي مانا عملت مع اللوجان
اما بالنسبة لاعادة البيع فحضرتك لسة مركبتهاش علشان تبيعها =) و هدي لحضرتك مثال بسيط الميجان قطع غيار غالية بس معمرة و اداء ممكتاز و سعر اعادة بيع مش قد كدة بس هل هية فارقة مع صاحبها؟ لأ لسبب بسيط و هو انو مش هيبيع الا لو الظروف اضطرته لكدة لكن مش هيبيع علشان يغير
و عن تجربة مع الفورد اللي اعادة بيعها مش قد كدة بردو كان اللي بيجو علشان يشترو و يبقوا بيبصوا بجد كانو بيبقوا راكبين فورد و عارفين حلاوتها
مجرد اختيار حضرتك لرينو نفسها معناه انك اسقطت موضوع اعادة البيع من حساباتك وعمر ماحد هيقدر يفيدك حاليا فالنقطه دى
انت دلوئت كأنك بتغامر بالظبط زى الرواد فى شرا العربيه - زيى بالظبط لما اشتريت اللوجان اول مانزلت مصر - وان شاء الله تطلع من المغامره دى كسبان
هتكون حضرتك من أول المجربين !!
والله يعنى علشان من ملاك الرينو هنصحك بالفلوانس هى طبعا عربيه ممتازه بس لازم تقارنها بالعربيات نفس الفئه السعريه وتشوف اكتر حاجه مناسبه من جميع النواحى اداء وقطع غيار واعاده بيع اما لو مساله حب للرينو ده حاجه تانيه وبالتوفيق ان شاء الله
كل قطع الغيار غاليه حتي في العربيات الصيني
بالنسبة لسعر إعادة البيع فمن المؤكد أنه يقل كل سنة عن التى قبلها و هذا ليس فقط بسبب أن السيارة سوف تصبح موديل سنة أو سنتين أو ... أقدم و ليس بسبب الإأستخدام و تراجع العمر الإفتراضى للسيارة مع الزمن، وليس بسبب أنه رينو أو أوبل أو مرسيدس أو أودى أو ... ، و لكن بسبب إنخفاض الجمارك على الأوروبى سنويا حتى 2019.
نصيحة استمتع بما تختار و انس سعر إعادة البيع لأى ماركة سيارة.
ان شاء الله العربيه ممتازه
و سيبك من موضوع اسعار قطع الغيار
كله غالي حتي الصيني غالي
و طالما انت مع توكيل كويس
يبق خير ان شاء الله
+1111111111111111
بص يا باشا خد اللينكات دي فيها اسعار قطع الغيار و الصيانة
http://www.nilemotors.net/Nile/128650-a.html
http://www.nilemotors.net/Nile/132624-a.html
اما اعادة البيع فالله اعلم انا برده قلقان زيك من الموضوع دا بس ربنا يستر بقي
شراء عربية و على الاخص لو معدية 100,000 قرار مش سهل لازم تدرس الموضوع كويس من جميع الاتجاهات يعنى يحط متطلباتة او ظروفة الاسرية قدام امكانياتة المادية ويبتدى يحط بدائل يختار ما بينهم و الحمد لله المنتدى هنا بيديلك صورة كاملة عن جميع العربيات الموجودة فى السوق المصرى سواء من ناحية المواصفات او التجارب العملية لاستعمالات العربية اليومية
يعنى على سبيل المثال لو انت من النوع اللى بيغير العربيات باستمرار يبقى لازم تركز على العربيات ذات سعر اعادة بيع مميز
بس فى النهاية لازم تحط فى اعتبارك ان الكمال لله وحده يعنى لازم تتنازل عن حاجة علشان حاجة تانية و كلة مرتبط زى ما قولتلك فى الاول متطلباتك قدام امكانياتك
skoda fantasia ولا Renault Fluence 135LE ياشباب انا بجد محتار ممكن حد يساعد بمقارنة بينهم