الموضوع: الى ملاك السيراتو المرضى بالتهيؤات

لاحظت فى بعض الموضوعات ان بعض الأخوة الأعضاء واجهوا مشاكل مع افرع الصيانة التايعة للوكيل لما فشل السادة مهندسى التوكيل فى تحديد سبب العطل و اطلقوا التشخيص الشهير " العربية سليمة... وانت اللى بيتهألك" أو بمعنى تانى رح يامجنون من هنا و ياريت مانشوفش وشك تانى لأننا مش حا نعمل لك حاجة.
الموضوع دة بيفكرنى لما واحد يروح للدكتور و يشتكى من صداع جامد منغص علية حياتة..و بعدين الدكتور لأنة لسة مبتدئ والمستشفى ما فيهاش امكانيات و أجهزة اشعة و رسم قلب و خلافة, يقوم يكشف بالسماعة يس و يقول للمريض لأ انت معندكش حاجة و مفيش صداع دة بس بيتهألك و انت أصلا مش عارف يعنى أية صداع و لو المريض أعترض يكون الرد الأعراض اللى بتقولها دى ووجع الأس اللى بتوصفة مش هو الصداع روح نام و بلاش أوهام.
تخيلوا السيناريو دة حصل مع أى حد حيكون رد فعلة أية مع الدكتور يشتمه و لا يسيبه و يمشى, نفس المشكلة اللى علشانها فتحت الموضوع دة, فإذا كان حد من اعضاء عندة مشكلة مع التوكيل من هذا القبيل, يعنى ان التوكيل فشل فى تحديد العيب و بدل ما يعترف بالقصور قال المهندس ان مفيش مشكلة أصلا و انت بيتهيألك.
لو حد عندة نفس المشكلة يكتب علشان نقدر نواجه التوكيل جماعة و إذا كانت مشكلة متكررة نعرف ناخد حقوقنا. وعلى العموم انا سوف أبدء بنفسى و أكتب

المشاركة الأصلية كتبت بواسطة abouwesam

انا أشتريت عربية سيراتو 2008 اتوماتيك الشكل القديم من التوكيل فى أغسطس 2008. و بعد لما رخصت العربية حست بصوت دبدبة و تخبيط فى الجزء الأمامى الأيمن فقلت يمكن الهواء مش مضوط عديت على محطة ينزين و زبطت الهواء 100% و لكن الصوت لسة موجود. كلمت التوكيل و سألت أحد المهندسين اللى قال دة طبيعى فى الأول وبعد 1000 كم كل شئ يبقى تمام و العربية عربيتنا فى اى وقت ياباشا. حاجة جميلة و معاملة رائعة و تبشر بخير, كملت ال 1000 كم و و الصوت لسة زي ماهو بيبقى التخبيط جامد الصبح أول لما أمشى و يبتدى يخف شوية بشوية لكن مابيروحش خالص. ورحت مركز القطامية و قابلت المهندس و قال " العربية سليم 100% و ما فيهاش أى حاجة و هو دة صوت عفشة الكيا و لازم تعرف انك شارى عربية كورى مش يابانى". ودى كانت أول صدمة و قلبت الدنيا و بعت لكوريا و كلمت الصيانة و قالوا تعالى عندنا فى أبو رواش و أحنا نشوف و رحت و قعدت مستنى ساعتين و طلع لى واحد و قال نفس الكلام و حاولت أشرح لة ان الصوت بيبان أوضح مع الحركة الأولى ومش يعد ساعة سواقة من التجمع الخامس لأبو رواش. فكان ردة سيب العربية و احنا نجربها الصبح. و فعلا سبت العربية و بعد يومين كلمنونى و قالوا الخبير الكورى جربها و قال كلة تمام كانت محتاجة تربيط عفشة و كلة تمام دلوقت. و رحت المشوار تانى و خدت العربية و روحت, وبعد يومين رجع الصوت زى ما كان. كلمتهم تانى و هنا بدأ الرد الشهير العربية تمام و انت اللى بيتهيألك. ساعتها قررت ان اشتكى لجهاز حماية المستهلك و بعت لكوريا و فاكر كمان انى كتبت عن الموضوع دة فى المنتدى هنا, و هنا كلمنى المهندس خالد فاروق و بعد عدة محاولات الراجل وافق مشكورا انة يعدى على بيتى الصبح فى التجمع و يركب العربية معايا و يشوف, و فعلا بعد اقل من خمسين متر سمع الصوت و قرر انة ياخد العربية على مركز القطامية و يغير المساعدين و الشدادت و الصوت قل جدا و ان كان لسة موجود. مجهود يشكر علية و يحسب لة, لكن انا لى هنا وقفة, الأول قالوا مفيش حاجة دة صوت الكيا و بيتهيألك و بعدين طلع الكلام حقيقى و غيروا المساعدين و خلافة يعنى كان انكار لمجرد الأنكار لتغطية الفشل فى التعرف على المشكلة, و اسهل الطرق اهانة العميل و اتهامة بأنة بيتهيأله و انة بيحاول ان يسئ لسمعة العربية الغلبانة و انة خيالة مريض.
لكن المشكلة انة بعد أسبوع بدء الصوت يرجع زى الأول و حاولت معاهم و فشلت و قررت ساعتها ان أتعايش مع المشكلة و أغير العربية فى أول فرصة.
المهم فى صيانة 15000 قلت لمهندس ورشة روكسى و قال كلة تمام تبيط عفشة. بعد كام يوم بدأت العربية تسقف على المطالع و مش عيب بنزين و كمان بدء صوت يروح و يجى مع اعوجاجات الطريق العادية و بدأت احسن بخشون بتسمع فى الدريكسيون و تحت رجلى مع دواسة الفرامل و كمان العربية بدأت تحدف شمال و يمين مع الفرامل مع الطرق اللى مش ناعمة قوى. ورحت للصيانة فى روكسى تانى و الرد المعتاد تربيط عفشة و كلة تمام, و سألت المهندس انت لسة مربط العفشة من أسبوعين فرد يمكن انت بتمشى فى اماكن وحشة و الطرق فى مصر مليان مطبات. خدت العربية ومشيت يومين و الصوت رجع تانى الدبدبة الأولانية و كمان صوت الخشونة بدء يزيد و بقى عامل زى صوت لرولمان بللى خشن و قرب يفرط و رحت تانى لروكسى و كان رد المهندس محمد مفيش حاجة و بيتهيألك و سألتة يعنى أية بيتهيألى فقال يعنى الصوت دة فى راس حضرتك بس و مالهوش وجود غير عندك لوحدك.
هنا بقى انا قررت انى اشارك الجميع فى هذا الموضوع و معفة أعراض مرض التهيؤات اللى انتشر فى ملاك السيراتو يمكن لما نتكلم مع بعض نلاقى علاج لحالتنا و لا نصعب على دكتور نفسانى يعالجنا من اللى احنا فية.

بص يا باشا روح فرع ابو رواش وفيه هناك خبير كوري اسمه مستر تشاه الراجل ده زي الفل وكويس جدا وانت معاه لو مفيش حل في ايديه بيكونيكت اون لاين مع كوريا وبيدرسوا ويحلوا مشكلتك انا جربتهم في البيكانتو :b4_388: