عرض للطباعة
دلوقتى زيت الفتيس عندى بينقط من فوق من الدراع اللى بيطلع ويدخل مع الغيارات ومكتوب عليه من
1 الى 5 .وده بيحصل وهى ماشيه بس والميكانيكى قالى ان الوش ده لازم يتغير كله .وتمنه استيراد
فى حدود 100 او 120 فايه رايك حضراتكم .فهل ينفع يتصلح وللا لازم التغيير وبكام وشكرا؟؟؟؟
ده اويل سيل عقربة الفتيس ....
و ده تمنه 10 او 15 جنيه بالكتير و تروح تغييره عند اى ميكانيكى و لو تعرف برده تشترى جوان غطا الفتيس معاك (جوان الى بيركب تحت العقربه) غيره معاك بالمره ....
و الوش ده تمنه جديد 250 جنيه عند ابو الحسن ... بس اكيد مش هتغيره عشان خاطر اويل سيل يعنى ... روح لميكانيكى تانى و خليه يغيرلك الاويل سيل و ان شاء الله التسريب هيقف ... و انا كنت مغيره فى عربيتى بنفسى و عامل موضوع عن الطريقه لو حابب تعرف ... ادى اللينك ...
http://www.nilemotors.net/Nile/109656-a.html
اتمنى انى اكون افدتك ....
+1اقتباس:
المشاركة الأصلية كتبت بواسطة batviser
MMamdouh
الف الف شكر على مجهودك.انت بجد فنان.عارف .الميكانيكى ساعتها قالى ده لازم يتغير قولتله طب مالهوش تصليح قالى لا.وبعد ماقريت موضوعك كلمته على الموبايل وقولتله فى واحد صحبي بيقول انه غير الاويل سيل ومغيرش الوش ولا حاجه.فلاقيته اتلجلج فى الكلام لما لقانى فاهم ورد عليا رد غبي وقالى اصلك مش هاتلاقى اويل سيل اصلى:star1: طب انت الصبح قولتلى لااااااااااااازم يتغير.اعوذ بالله من دى ناااااااااس. وده كله عشان قالى انا هاجيبلك وش استيراد.وده طبعا عشان يدبس الزبون اللى هو انا وبدل ماياخد مصنعيه تركيب بس ياخد كمان تمن حاجه مالهاش اي لازمه اصلااقتباس:
المشاركة الأصلية كتبت بواسطة batviser
هو فعلا تمنه 15 جنيه انا لسه مغيره الاسبوع اللي فات و بياخد تقريبا نص ساعة في تغييره
شكرا جزيلااقتباس:
المشاركة الأصلية كتبت بواسطة ahmedhilmy