ساوند سيستم بدون جي ام او صب
انا عملت الموضوع ده لأني احتارت بجد من موضوع الساوند سيستم ده .
انا السوند سيستم اللي عندي مكون من كاسيت سي دي بيونير وارد امريكا ومركب عليه سماعتين سوني اكسبلود 400 وات .
الصوت عندي والله اللي بيقعد ورا مش بيستحمل البيز و يقولي اطفي الكاسيت عشان البيز بيرج الكنبة اللي ورا دا غير ان اعلى درجة صوت وصلتلها كانت 35 من 50 درجة لان عند ال 35 بلاقي الازاز ورا بحس انه حيفرقع وبلاقي في زنة في باب الشنطة وما اقدرش اعلى عن كدة .
الغريب في الموضوع ان ليا واحد صاحبي عامل ساوند سيستم كاسيت كلاريون مع 8 سماعات ( 4 في الابواب و 2 في التابلوه و 2 بيونير 400 وات ورا عند الشنطة ) ومركب جي ام معاهم وبرضه اللي بيركب معايا بيحس ان الصوت عندي احسن .
الخلاصة في الموضوع اني توصلت ان الساوند سيستم عبارة كاسيت بنسبة 70 % يعني لو السي دي بلاير عندك نضيف حيبقى عندك ساوند سيستم جامد مع اقل امكانيات ولو عندك السي دي بلاير مش قد كدة يبقى حتحتاج انك تصرف كتير جدا عشان توصل للصوت اللي عاوزه حتشتري صاب وجي ام والكلام ده .
على فكرة انا عندي كمان في الكاسيت وصلة مخصصة للصاب بس ماجربتهاش ودي اعتقد بتطلع باور اكبر عشان لو وصلت صاب ابقى مش محتاج جي ام يقوم الصاب وبيتهيألي لو وصلت سماعة في الوصلة دي ممكن تتحرق .
ودي نصيحتي للي عاوز ساوند سيستم جامد اهتمامك الاول يكون بالسي دي بلاير .
ولو اعتقادي ده غلط ولا حاجة يبقى اكيد في عفريت عندي في العربية ولا ايه .
وبالنسبة للسماعات احسن حاجة شوفتها في السوق هيا السوني اكسبلود من حيث الامكانيات وقوة الترددات وكدة وسعرها كويس جدا .