الموضوع: حقا انها عائله محترمه

عزيزي
اهنيك على اختيارك للعنوان
و قد شرفت بنسب هذه العائلة في ارتباطي ببنتهم
ُِE21 Alpina 323i - 1981
و صدقني صدقت الأغنية
ولو انتي مطلعا عيني ....بحبك مووووت
يااا سلاااام كانت عربية ولا كل العربيات يا سيدي , كانت كوبيه و جنوط 15 *195 / 60
و كنت مسقطلها المكنة ال M Power بعفشتها بكوللو
و كنت مركبلها تابلوه E30 و اشتريتلها فتحة سقف كهربا و باظت و غيرتها عادة
كانت تدخل الزفة من دول و للا ليلة العيد ... و ماحدش يدخل بعدها
و تسابق العيون (و الله) على الطريق لحد قرب ال 210 يمكن بالخمس دقايق لحد ما يجيلو اكتئاب
و ياعيني لما كنت أغسلها يوم الجمعة و اطلعها من الجراج بالليل و الفوجات بس منورين
اوببباااااااااااااا الفك المفترس و عيون الأسد الجعان

بس اتخبطت في حادثة ...أول و آخر حادثة عملتها
فديتنى بروحها
عديت بيها الناحية التانية على ميه حاجة و ستين و خبطت بوشها في الأرض و اتقلبت على جنبها , و خرجت منها سليم من غير ولا جرح
الا جرحي لما نزلت جري ابص على و شها و شفت عينيها مكسورين و ميتها و زيتها عل الطريق و حشرجه قلبها و ونة عجلها ...ياااااااااه
لعنت نفسي الف مرة من سكات و نزلت على ركبى و الناس فاكرنني دايخ و للا فيا اصابات
كان باين اللي عليها ان العز خلاص فات
و رجعت البيت الفجر على عربية نص نقل
و دخلت الجراج و فضلت فيه 8 شهور
و كل يوم انزل أشوفها و أقعد في حضنها و الاقي عدادها مكسور على اخر سرعة وصلتلها
شاهد على الغباء و الغرور و الهبل
و جم ناس شافوها .. و 8000 قيموها
و الحاج قاللوهم خدوها
و بكيت في يوم الفراق كما الحبيب على حبيبته
و لحد النهاردة نفسي ألاقيها أو أشوفها في شارع .. بس فين ؟؟ دا ياما شوارع !!!
و نفسي و لازم أناسب عيلتها .. تاني و تالت
و اديني هاحوش واركب ياباني لحد ماركب
ال BM تاني

ليك حق طبعا يا استاذ احمد......
البي ام يعني بي ام......و اكيد اللي ركبها هو اللي يقدر يقيمها اكثر منا
و انا من عشاق البي ام.......بعشق الفئه الثالثه ......عربيه بجد حكايه بكل موديلاتها
و شكرا علي الموضوعين :)