شكرا ليك ياباشا على الصورة المهمة دى..
بس انا عندى استفسار بسيط...فى جزء مكتوب عنده 82-97.....دى انهى ترموستات بالظبط؟؟؟وفى اى موتور؟؟
وشكرا ليك مرة تانى على الكلام السليم والصورة النادرة دى
عرض للطباعة
فية تلات حاجات
الحاجة الاولى
فعلا الرد دة مقنع جدا اتنى كنت بسال هى بتفتح لما العربية بتكون سخنة و بكدة هتبرد العربية طب لو شلناها العربية هتبقى باردة اكتر
لكن اللى فادنى تفسير ان المية القفول عليها و تكون بردت و موجودة فى الرياتير هتحل محل مية الموتور و بكدة هتبرد الموتور فعلا عقلانية و مستساغة للفهم جدا
الحاجة التانية
ان فى الصورة اللى انا رفعتها فعلا البداية مختلفة فى بداية فتح الترموستات لكن الاهم و دة اللى يهمنا كلنا
ان كامل الفتح عند درجة حرارة عالية و هى ( 107 & 97 ) و اعتقد اننا كلنا موصلناش للدرجة دى اللى هى 97 اصلا و بكدة نقدر نطمن على اوبلاتنا
الحاجة التالتة
كنت لسة بشترى سير كتية كونتننتال ب 70 جنية & فلتر زيت جى ام ب 25 جنية من عندنا اسيوط و بعدين سالت الراجل بتاع الاكسسوار على الكوعة و الترموستات بتاعتها و فعلا قاللى 95 جنية و دة رقم تليفونة ممكن تتاكدوا منة على سعرها او معرفة نوعها
الاسم : شريف عبد الخالق : الموبيل 0106370533 و قولة انك من طرف دكتور هلالى و هو هيقوم بالواجب و زيادة
انت زعلتنى يا دكتور محمد
غيرت سير الكاتينه لو مغيرتوش رجعوا لأنه صينى مضروب
خش على موقع الشركه هتلاقى c-608 او الرقم بتاعه مش موجود
ده بيتقطع و الله العظيم
يا رب اكون لحقتك
يا هلا يا طنانى باشا
اخبارك اية وحشنى جدا
و الله العظيم انا فاكر حكاية الخراطيم اللى عايزانى اصورهالك بس المشكلة انا اصلا نسيت شكلهم فين
و النهاردة كنت فاكك الفرن بتاع الشكمان علشان بالحم حتة خرم كانت من ناحية الموتور و الكبود كان مفتوح لكن حاولت افتكر الخرطومين اللى ابتدلوا فين بصراحة و لا اللهوا لان الكلام دة من سنتين او سنة و نص بالظبط
بالنسبة لسير الكتينة انا فعلا لسة مركبتوش و حاضر هغيرة و هجيب جيس او لمفورد زى ما قلت قبل كدة
و ابدل سير الكتينة بترموستات الكوعة و هدفع فرق 25 بس لان زى ما انا قلت الكوعة بالترموستات ب 95 جنية
هقولك على خبر ختضحك موت
النهاردة قولت ابقى مفتكس كبير و قلت انضف حساس الماف باسبراى اكاى لانة العربية على السلانسية بتكون 500 او 550 و بتفضل تتمرجح ما بين 500 و 550 المهم بعد ما دعكت الماف بالاسبراى لقيت العربية اتلخبطت اكتر بس انا مش مهتم لان اكيد الاسبراى هينشف و ترجع زى الاول على الاقل
و كمان كنت بفتح المانيوال بتاع الفكترا ........... فعلا عندنا الميكانيكية فلاحين جدا و كلة بيهنجم
ربنا يسترها
لو ينفح اودى العربية بتاعتى المانيا تتروق و ترجع تانى بس المشكلة انى هصرف اكتر من تمن عربيتين زى عربيتى
و سلامى للجميع
هات جيتس او ليمفورد
و الحمد لله لحقتك
الأكاى بيعمل بودرة عزل للأسف
هات فيديو 90
النهاردة على الريق قلت اروح اشوف السرعة الرابعة بتاعة بكرة التكييف مش شغالة لية و كمان كنت حاسس ان التكييف الله يخرب بيته و بيت اللى اخترعه تصقيعة بقى مش اوى
المهم اول ما دورت العربية لقيت ظبط التكيف على الاتجاه السفلى يعنى ناحية الرجلين روحت ظبطته على اتجاة الراس و على شوية و بقى تدفق الهوا معقول . حبيت بقه اروح احل المشكلة بتاعه السرعة الرابعة . طبعا رحت للاستاذ الدكتور الكهربائى على الساعة 11.30 الصبح طبعا الباشا مكنش جة الورشة . بعد ما انتظرت تلات اربع شويات كدة لقيت اسطى عنده قالى المشكلة فى اية ؟
ردت السرعة الرابعة اللى فى البكرة بتاعة تشغيل مروحة التكييف مش شغالة
راح فاتح الكبود و رفع الجلد اللى تحت دراع المساحات و ضغط على الفيشة كويس و الحمد لله اشتغل
رحت طبعا اتكسفت و اديتة 5 جند علشان هو وش خير
بعد كدة رجعت سير الكتية الكونتننتال علشان اونكل طنانى ميزعلش منى
و كملت ( 70 جنية تمن السير + الفرق اللى هو 25 جنية ) و جبت الكوعه بالترموستات
و رحت للميكانيكى و ركبناها و بعد كدة حسيت العربية هى هى الحرارة من 90 الى 95 من غير التكييف
بصراحة حاسس انها زى الاول بس بقول لنفسى يا واد يمكن على الطريق السريع هتفرق
بس ده موال الكلبة النهاردة
بصراحة التكييف حاسة مش زى الاول بس النهاردة فعلا الحرارة كانت فى اسيوط 40 درجة
يمكن علشان الجو مولع
الله اعلم
و مش عايز اروح اشحنة لانى طبعا لسة جايب العربية من حوالى 3 اسابيع من عند عبد الله اوبل و لو التكييف بيسرب هتبقى مشكلة لانى معنديش استعداد ادفع تعريفة تانية على العربية
دعواتكم لينا يا رجالة بهدوان سر فكترتى العزيزة اللى سايقة الدلال
اصبر علية شوية و ارجع لعبدالله لو فيه حاجة
اولا الحمدلله انك رجعت السير ...ثانيا الحمدلله ان السرعة الرابعة عندك اشتغلت من غير مشاكل
ثالثا والله انا مستغرب جدا من موضوع سعر ترموستات الكوعة ده...بس ياريت توضحلنا ان كانت جى ام اصلى ولا جى ام مصرى ولا ايه الظروف وكان مكتوب عليها درجة حرارة ايه ولون العلبة بتاعتها ايه......بس المهم انها شغالة معاك وربنا يباركلك فيها...وبالنسبة لفايدتها فهى انها هتحافظلك على المراوح بتاعتك وتحافظ برده على حرارة العربية انها تسخن فى الصيف او تبرد فى الشتاء زيادة عن اللزوم وتساعدك على تسخين العربية فى وقت اقل طبعا....
رابعا:بالنسبة لموضوع التكييف فانا قولت لحضرتك قبل كدة ومحدش صدقنى ان التكييف بالتحديد حاجاته غير قابلة للأصلاح يعنى الحاجة اللى تبوظ تشترى مكانها على طول سواء جديد او استيراد المهم انها لازم تتغير...وخصوصا الكومبريسور والشجرة بتاعت التكييف لأنهم عليهم ضغط عالى جدا...والاهم من كل ده انك تكون غيرت فلتر تكييف ....عموما ربنا يستر وميكونش كلامى صح والدايرة عندك بتهرب شحن ....
شوف بس الدنيا فيها ايه وقولنا وعلى قد مانفهم كلنا معاك ان شاء الله
السلام عليكم و رحمه الله و بركاته يا سرور باشا
انا لما روحت عملت التكييف معملتش حاجة فى الكمبرويور لانة لقية زى الفل كل اللى ركبة 2 اويل سيل مش اكتر و كمان غيرت الدراير ( الفلتر ) و الاكسبانشن
فربنا يستر
لان لو كدة هيبقى السربنتينة و خرطوم الضغط
و انا سمعت ان الخرطوم اللى بيطلع من الكمبروسور ( اسمة خرطوم الضغط العالى ) سعره 400 جنية استيراد . و بصراحة مش عارف صح و لا غلط
عليكم السلام ياباشا...
انا هقول لحضرتك ليه انا قولتلك ان التصليح مبينفعش رغم انى عارف ان حضرتك غيرت 2 اويل سيل بس...
الكومبريسور ياباشا هو المكان اللى بيضغط الفريون وبالتالى لازم كل تقفيلته تكون ممتازة لأنها عليها ضغط كبير جدا.....وتغير الاويل سيل مش عملية سهلة زى ماقالوا لحضرتك وفى الغالب الكومبريسور بعدها مش بيقعد اكتر من شهر سليم وبيسرب او يضرب تانى ويحتاج يتغير بقى...والسبب اننا معندناش اويل سيل اصلى زى اللى بينزل فيها عشان يستحمل الضغط ده وانما كله مضروب ومفيش اصلى بينزل اساسا...بالنسبة لسعر الاويل سيل للعلم فقط هو الطقم كله 2 اويل سيل سعرهما 40 جنيه ودى انضف حاجة موجودة فى مصر كلها انما الصنايعية زى مانت عارف كله بيسرق واستحالة هتلاقى واحد منهم يقولك روح انت اشتريلى الاويل سيل عشان الحكاية مش تتكشف هتلاقيه موجود عندهم....دى حاجة تانى حاجة بقى التقفيل نفسه بيكون مش مظبوط لأن اى مللى غلط فى تقفيل الكومبريسور تقلل اكتر من عمره وتساعد على انه يطير بدرى بدرى او يسرب تانى ....
من الاخر فتح الكومبريسور عموما حل غير مجدى بتاتاااااااااااا ومكلف على الفاضى....
بالنسبة للفلتر فكويس ان حضرتك غيرته ودى حاجة كويسة لأنه مهم جدا انه يتغير كل فترة
بالنسبة لخرطوم الضغط اللى طالع من الكومبريسور(شجرة التكييف) اللى هى مشكلة الاوبل الاولى فى مصر فى التكييف فدى فعلا سعرها استيراد مابين 300 جنيه وا400 جنيه حسب المحل والحالة بتاعتها والعزل الحرارى بتاعها سليم ولا لأ وكدة....
بالنسبة للسربنتينه فدى المكان الوحيد اللى اقدر اقولك انه ممكن يقبل اللحام فيها وتتصلح غير كدة التكييف كله فى الاوبل بالذات لازم يتغير حاجاته لو باظت