الموضوع: ترموستات كوعة الماء ...

المشاركة الأصلية كتبت بواسطة srorr4ever

انا عارف ان حضرتك قولتلى انها ب95 جنيه...بس السعر ده انا ملقتوش فى القاهرة كلها....يعنى مثلا عند الشيماء اوبل كانت عاملة 200 جنيه برده وعند امريكان ستار كانت عاملة 210 جنيه زى ماسألت....وبينى وبينك انا خفت اجيبها استيراد لأنها بتبوظ لو طلعت من الماء...فضلت اجيبها جديدة احسن....وللعلم هى مكتوب عليها انها بتفتح عند 92 درجة....طبعا ممكن البعض يقول كدة عالى...بس هى الفكرة طلعت سهلة جدا جدا وال92 دى تعتبر عادية جدا...والفكرة ببساطة انها بتفضل حاجزة الماء لحد مايوصل لدرجة 92 دى وبعدها تفتح وتاخد الماء البارد الموجود فى الراداتير وتقفل تانى وطبعا الماء البارد ده بيهدى جدااا من حرارة الموتور للدرجة الطبيعية...فى نفس الاثناء دى بيكون الماء الساخن الخارج من الموتور استقر فى الراداتير بتاع العربية والمروحة تكون اشتغلت تبرد الماء ده تبريد كافى لحد ماحرارته تنزل ولحد ماده يحصل بيكون الماء اللى داخل الموتور سخن مع حرارة الموتور وتتم عملية الفتح من اول وجديد وهكذا....وبكده حرارة الموتور بتستقر ديما مابين 88-92 وده الطبيعى بتاع الاوبل....طبعا الفكرة مفيدة جدا صيفا وشتاء لأنها بتدى الفرصة للماء انه يتبرد كفاية قبل مايرجع الموتور فى الصيف وفى الشتاء بتحافظ على درجة حرارة العربية انها تبرد زيادة عن اللزوم وبالتالى تستهلك بنزين اكتر وبتساعد على سرعة تسخين العربية صباحا....

فية تلات حاجات

الحاجة الاولى
فعلا الرد دة مقنع جدا اتنى كنت بسال هى بتفتح لما العربية بتكون سخنة و بكدة هتبرد العربية طب لو شلناها العربية هتبقى باردة اكتر
لكن اللى فادنى تفسير ان المية القفول عليها و تكون بردت و موجودة فى الرياتير هتحل محل مية الموتور و بكدة هتبرد الموتور فعلا عقلانية و مستساغة للفهم جدا

الحاجة التانية
ان فى الصورة اللى انا رفعتها فعلا البداية مختلفة فى بداية فتح الترموستات لكن الاهم و دة اللى يهمنا كلنا
ان كامل الفتح عند درجة حرارة عالية و هى ( 107 & 97 ) و اعتقد اننا كلنا موصلناش للدرجة دى اللى هى 97 اصلا و بكدة نقدر نطمن على اوبلاتنا

الحاجة التالتة
كنت لسة بشترى سير كتية كونتننتال ب 70 جنية & فلتر زيت جى ام ب 25 جنية من عندنا اسيوط و بعدين سالت الراجل بتاع الاكسسوار على الكوعة و الترموستات بتاعتها و فعلا قاللى 95 جنية و دة رقم تليفونة ممكن تتاكدوا منة على سعرها او معرفة نوعها
الاسم : شريف عبد الخالق : الموبيل 0106370533 و قولة انك من طرف دكتور هلالى و هو هيقوم بالواجب و زيادة

يا هلا يا طنانى باشا
اخبارك اية وحشنى جدا
و الله العظيم انا فاكر حكاية الخراطيم اللى عايزانى اصورهالك بس المشكلة انا اصلا نسيت شكلهم فين
و النهاردة كنت فاكك الفرن بتاع الشكمان علشان بالحم حتة خرم كانت من ناحية الموتور و الكبود كان مفتوح لكن حاولت افتكر الخرطومين اللى ابتدلوا فين بصراحة و لا اللهوا لان الكلام دة من سنتين او سنة و نص بالظبط
بالنسبة لسير الكتينة انا فعلا لسة مركبتوش و حاضر هغيرة و هجيب جيس او لمفورد زى ما قلت قبل كدة
و ابدل سير الكتينة بترموستات الكوعة و هدفع فرق 25 بس لان زى ما انا قلت الكوعة بالترموستات ب 95 جنية
هقولك على خبر ختضحك موت
النهاردة قولت ابقى مفتكس كبير و قلت انضف حساس الماف باسبراى اكاى لانة العربية على السلانسية بتكون 500 او 550 و بتفضل تتمرجح ما بين 500 و 550 المهم بعد ما دعكت الماف بالاسبراى لقيت العربية اتلخبطت اكتر بس انا مش مهتم لان اكيد الاسبراى هينشف و ترجع زى الاول على الاقل
و كمان كنت بفتح المانيوال بتاع الفكترا ........... فعلا عندنا الميكانيكية فلاحين جدا و كلة بيهنجم
ربنا يسترها
لو ينفح اودى العربية بتاعتى المانيا تتروق و ترجع تانى بس المشكلة انى هصرف اكتر من تمن عربيتين زى عربيتى
و سلامى للجميع

المشاركة الأصلية كتبت بواسطة cayman69300

يا هلا يا طنانى باشا
اخبارك اية وحشنى جدا
و الله العظيم انا فاكر حكاية الخراطيم اللى عايزانى اصورهالك بس المشكلة انا اصلا نسيت شكلهم فين
و النهاردة كنت فاكك الفرن بتاع الشكمان علشان بالحم حتة خرم كانت من ناحية الموتور و الكبود كان مفتوح لكن حاولت افتكر الخرطومين اللى ابتدلوا فين بصراحة و لا اللهوا لان الكلام دة من سنتين او سنة و نص بالظبط
بالنسبة لسير الكتينة انا فعلا لسة مركبتوش و حاضر هغيرة و هجيب جيس او لمفورد زى ما قلت قبل كدة
و ابدل سير الكتينة بترموستات الكوعة و هدفع فرق 25 بس لان زى ما انا قلت الكوعة بالترموستات ب 95 جنية
هقولك على خبر ختضحك موت
النهاردة قولت ابقى مفتكس كبير و قلت انضف حساس الماف باسبراى اكاى لانة العربية على السلانسية بتكون 500 او 550 و بتفضل تتمرجح ما بين 500 و 550 المهم بعد ما دعكت الماف بالاسبراى لقيت العربية اتلخبطت اكتر بس انا مش مهتم لان اكيد الاسبراى هينشف و ترجع زى الاول على الاقل
و كمان كنت بفتح المانيوال بتاع الفكترا ........... فعلا عندنا الميكانيكية فلاحين جدا و كلة بيهنجم
ربنا يسترها
لو ينفح اودى العربية بتاعتى المانيا تتروق و ترجع تانى بس المشكلة انى هصرف اكتر من تمن عربيتين زى عربيتى
و سلامى للجميع

النهاردة على الريق قلت اروح اشوف السرعة الرابعة بتاعة بكرة التكييف مش شغالة لية و كمان كنت حاسس ان التكييف الله يخرب بيته و بيت اللى اخترعه تصقيعة بقى مش اوى
المهم اول ما دورت العربية لقيت ظبط التكيف على الاتجاه السفلى يعنى ناحية الرجلين روحت ظبطته على اتجاة الراس و على شوية و بقى تدفق الهوا معقول . حبيت بقه اروح احل المشكلة بتاعه السرعة الرابعة . طبعا رحت للاستاذ الدكتور الكهربائى على الساعة 11.30 الصبح طبعا الباشا مكنش جة الورشة . بعد ما انتظرت تلات اربع شويات كدة لقيت اسطى عنده قالى المشكلة فى اية ؟
ردت السرعة الرابعة اللى فى البكرة بتاعة تشغيل مروحة التكييف مش شغالة
راح فاتح الكبود و رفع الجلد اللى تحت دراع المساحات و ضغط على الفيشة كويس و الحمد لله اشتغل
رحت طبعا اتكسفت و اديتة 5 جند علشان هو وش خير
بعد كدة رجعت سير الكتية الكونتننتال علشان اونكل طنانى ميزعلش منى
و كملت ( 70 جنية تمن السير + الفرق اللى هو 25 جنية ) و جبت الكوعه بالترموستات
و رحت للميكانيكى و ركبناها و بعد كدة حسيت العربية هى هى الحرارة من 90 الى 95 من غير التكييف
بصراحة حاسس انها زى الاول بس بقول لنفسى يا واد يمكن على الطريق السريع هتفرق
بس ده موال الكلبة النهاردة
بصراحة التكييف حاسة مش زى الاول بس النهاردة فعلا الحرارة كانت فى اسيوط 40 درجة
يمكن علشان الجو مولع
الله اعلم
و مش عايز اروح اشحنة لانى طبعا لسة جايب العربية من حوالى 3 اسابيع من عند عبد الله اوبل و لو التكييف بيسرب هتبقى مشكلة لانى معنديش استعداد ادفع تعريفة تانية على العربية
دعواتكم لينا يا رجالة بهدوان سر فكترتى العزيزة اللى سايقة الدلال

المشاركة الأصلية كتبت بواسطة cayman69300

النهاردة على الريق قلت اروح اشوف السرعة الرابعة بتاعة بكرة التكييف مش شغالة لية و كمان كنت حاسس ان التكييف الله يخرب بيته و بيت اللى اخترعه تصقيعة بقى مش اوى
المهم اول ما دورت العربية لقيت ظبط التكيف على الاتجاه السفلى يعنى ناحية الرجلين روحت ظبطته على اتجاة الراس و على شوية و بقى تدفق الهوا معقول . حبيت بقه اروح احل المشكلة بتاعه السرعة الرابعة . طبعا رحت للاستاذ الدكتور الكهربائى على الساعة 11.30 الصبح طبعا الباشا مكنش جة الورشة . بعد ما انتظرت تلات اربع شويات كدة لقيت اسطى عنده قالى المشكلة فى اية ؟
ردت السرعة الرابعة اللى فى البكرة بتاعة تشغيل مروحة التكييف مش شغالة
راح فاتح الكبود و رفع الجلد اللى تحت دراع المساحات و ضغط على الفيشة كويس و الحمد لله اشتغل
رحت طبعا اتكسفت و اديتة 5 جند علشان هو وش خير
بعد كدة رجعت سير الكتية الكونتننتال علشان اونكل طنانى ميزعلش منى
و كملت ( 70 جنية تمن السير + الفرق اللى هو 25 جنية ) و جبت الكوعه بالترموستات
و رحت للميكانيكى و ركبناها و بعد كدة حسيت العربية هى هى الحرارة من 90 الى 95 من غير التكييف
بصراحة حاسس انها زى الاول بس بقول لنفسى يا واد يمكن على الطريق السريع هتفرق
بس ده موال الكلبة النهاردة
بصراحة التكييف حاسة مش زى الاول بس النهاردة فعلا الحرارة كانت فى اسيوط 40 درجة
يمكن علشان الجو مولع
الله اعلم
و مش عايز اروح اشحنة لانى طبعا لسة جايب العربية من حوالى 3 اسابيع من عند عبد الله اوبل و لو التكييف بيسرب هتبقى مشكلة لانى معنديش استعداد ادفع تعريفة تانية على العربية
دعواتكم لينا يا رجالة بهدوان سر فكترتى العزيزة اللى سايقة الدلال

اولا الحمدلله انك رجعت السير ...ثانيا الحمدلله ان السرعة الرابعة عندك اشتغلت من غير مشاكل
ثالثا والله انا مستغرب جدا من موضوع سعر ترموستات الكوعة ده...بس ياريت توضحلنا ان كانت جى ام اصلى ولا جى ام مصرى ولا ايه الظروف وكان مكتوب عليها درجة حرارة ايه ولون العلبة بتاعتها ايه......بس المهم انها شغالة معاك وربنا يباركلك فيها...وبالنسبة لفايدتها فهى انها هتحافظلك على المراوح بتاعتك وتحافظ برده على حرارة العربية انها تسخن فى الصيف او تبرد فى الشتاء زيادة عن اللزوم وتساعدك على تسخين العربية فى وقت اقل طبعا....
رابعا:بالنسبة لموضوع التكييف فانا قولت لحضرتك قبل كدة ومحدش صدقنى ان التكييف بالتحديد حاجاته غير قابلة للأصلاح يعنى الحاجة اللى تبوظ تشترى مكانها على طول سواء جديد او استيراد المهم انها لازم تتغير...وخصوصا الكومبريسور والشجرة بتاعت التكييف لأنهم عليهم ضغط عالى جدا...والاهم من كل ده انك تكون غيرت فلتر تكييف ....عموما ربنا يستر وميكونش كلامى صح والدايرة عندك بتهرب شحن ....
شوف بس الدنيا فيها ايه وقولنا وعلى قد مانفهم كلنا معاك ان شاء الله

السلام عليكم و رحمه الله و بركاته يا سرور باشا
انا لما روحت عملت التكييف معملتش حاجة فى الكمبرويور لانة لقية زى الفل كل اللى ركبة 2 اويل سيل مش اكتر و كمان غيرت الدراير ( الفلتر ) و الاكسبانشن
فربنا يستر
لان لو كدة هيبقى السربنتينة و خرطوم الضغط
و انا سمعت ان الخرطوم اللى بيطلع من الكمبروسور ( اسمة خرطوم الضغط العالى ) سعره 400 جنية استيراد . و بصراحة مش عارف صح و لا غلط