ترموستات كوعة الماء ...

**SrOrR4EvER** · 23-02-2010 10:17 PM

المشاركة الأصلية كتبت بواسطة danash

يا جماعة انا جايبها امبارح من واحد عندنا فى اسكندرية الكوعة كاملة بالترموستات و محفور عليها المانى ب 95 جنيه بس

السعر ده ليها جديدة ولا استيراد؟؟؟؟ياريت تحددلنا ياباشا ونوعها ايه

**SrOrR4EvER** · 23-02-2010 10:19 PM

المشاركة الأصلية كتبت بواسطة hostook

يعني يا جماعه بالنسبة اننا في مصر والجو مختلف عن اوربا طبعا كتير نشيل الترموستات ده احسن ولا اه

بص ياباشا عن تجربة بين الاتنين الاحسن انها تكون راكبة...اما حجة ان الجو مختلف برة عن مصر فدى حجة ناس كتير مش عارفة بيقولوها وخلاص لأن ببساطة الموتور ده نزل منه مخصص لمصر وفيه نفس الترموستات وشغالة عادى.....لو العربية مع حضرتك مظبوطة هتكون الحرارة مظبوطة انما لو مش مظبوطة حتى لو عملت ايه برده هتلاقى العربية بتسخن

**SrOrR4EvER** · 23-02-2010 10:21 PM

المشاركة الأصلية كتبت بواسطة hellboy

سعر الترموستات الداخليه 90ج - الكوعه الانتيمون 25ج

السعر ده جديد ولا استيراد وفين فى القاهرة؟؟؟

**SrOrR4EvER** · 23-02-2010 10:26 PM

المشاركة الأصلية كتبت بواسطة theghoast

عبد الله الفقير هو اللي هيفيدك في الموضوع دة لاني عندي نفس الشيء
شوف يا سيدي الكوعة دة بتفيد في فتح المية علي حسب درجة الحرارة
وبتخلي العربية تسخن بسرعة الصبح لان بيكون المية مقفولة عن الموتور
بس مشاكلها ان العربية بتسخن معاها شوية لانها علي تروموستات
وعلي فكرة انا معايا نفس الموتور وعندي نفس المشكلة بس حليتها والحمد للة
تمنها جديد 175 جنية ومش هتعيش 3 شهور
عايزها استيراد نضيفة جدا ب 400 جنية
بس الحل ان الترموستات تتشال وهتظبط معاك العربية ودرجة الحرارة كمان
كل المتعب ليك انها هتغيب معاك في السخونية 3 دقائق زيادة

بص ياباشا موضوع ان الترموستات تتشال ده حوار ظاهريا ناجح انما فعليا فاشل جدااا...لأن العربية فى الصيف بتكون سخنة زيادة عن اللزوم نتيجة سخونة الماء وعدم كفاية التبريد نتيجة عدم ارتكاز الماء فى الرااداتير مدة كافية ولسخونة الهوا اللى داخل الموتورو....وفى الشتا العربية تكون تلاجة زيادة عن اللزوم وتقرفك فى تسخينها الصبح وفى كلا الحالتين اداء الموتور مش بيكون ثابت.....الصح ان لو العربية مظبوطة الترموستات دى هتخلى درجة الحرارة ثابتةعند مدى معين....والله اول مانزلت الموتور فى عربيتى كنت ماشى بيها 220 ومشغل التكييف وجاى فى عز الحر والحرارة كانت 91 بالظبط مزادتش درجة واحدة....انما الله يسامحه الميكانيكى الغبى هنا راح شايلها قالى هتظبط حرارة العربية ومن يومها الحرارة مجاتش خطوة للأمام شوية تبقى تلاجة وشوية تبقى سخنة وخصوصا على المشاوير الطويلة العربية هتلاقيها بتسخن معاك....بالنسبة للسعر بتاع حضرتك 175 فده فعلا السعر اللى انا سمعته ليها بس انا شايفه غالى جدا ومش عارف ليه يعنى....وبالنسبة للسعر الاستيراد ماظنش انه بالمنظر ده اعتقد مش هيزيد عن 50 جنيه بالكتير ....بس ياريت حضرتك تقولى ليه الجديدة مش هتعيش وقت طويل؟؟

**danash** · 23-02-2010 10:41 PM

مش فاكر طبعا اسمه اية بس هى عبارة عن الترموستات ومثبت داخل الكوع والراجل ورانى made in germany محفور عليها جديدة علبة لونها ازرق قلت له عايز تزموستات الكوع ساعتها

**SrOrR4EvER** · 23-02-2010 10:44 PM

طيب حضرتك متأكد انها بتاعت الموتور الايكوتيك ال2000 سى سى الفضى؟؟؟؟

**danash** · 23-02-2010 10:59 PM

الموتور عندى 1600 الأسود بس اتا فهمت من صاحب المحل انها بتركب فى كل الموديلات وعلى فكرة تركيبها فى منتهى السهولة لما تشوفها حتعرف وممكن تبص عليها كل فترة تتطمن عليها شغالة بحيث ان لو اتغيرت كل سنا أو اتنين مش مشكلة

**danash** · 23-02-2010 11:10 PM

طبعا اسكندرية تعتبر عزبة بالنسبة للقاهرة بالنسبة لقطع الغيار وانا وجهة نظرى اننا ناخد السعر من بعض وننزل نسأل ممكن يكون أقل مش اكتر

**SrOrR4EvER** · 23-02-2010 11:16 PM

والله ياباشا موضوع انها بتركب لكل الموديلات ده انا مش متاكد منه...بس عموما انا السعر اللى سمعته كان 190 جنيه عند الشيماء اوبل فى التوفيفية وفيصل والله اعلم