اه شفت بعد الاكل كان عامل ازاى
ينهاااااااار ابيض
عرض للطباعة
الصور جميلة جدا جدا
والتعليقات بتاعت شنورى اجمد
ايه الحلاوة دى يا رجالة
مايكل الصور مش باينه
هى الصور دى فيها 128 حمراء ولالا
الحمد لله إن الناس اتبسطت في اليوم الجميل ده وإن الأكل عجبهم وإن شاء الله المرة الجاية نخطفكم في رحلة بحرية لجزيرة نيلسون (٣٠ دقيقة بالمركب لغاية الجزيرة) يعني مغامرة ملهاش حل..إيه رأيك يا شنوري باشا يا زعيم الثغر
من أكثر الناس اللي كنت مستني المقابلة عشان أشوفهم الأستاذ محمد الطويل والأستاذ إسلام جلال لكن قدر الله وما شاء فعل حصلتلهم ظروف،وياريت نتقابل في أقرب فرصة
لفتة جميلة جدا من أحمد ياقوت(نابستر) إنه كان حريص يكلم الناس كلها بالتليفون ويسلم عليهم..بجد كان الغائب الحاضر،،ربنا يكرمك يا بوحميد وتحية للصعايدة الجدعان
تلغرافات
١- العميد جمال: شرفت بمقابلة حضرتك وروحك الطيبة وسط أبناءك، ربنا يديك الصحة ويطيل عمرك في الخير
٢- كريم منير: متتخيلش فرحت قد إيه لما عرفت إنك جاي، ربنا يبارك فيك ياصديقي ولعل هذه المقابلات في ميزان حسناتك إنت والناس اللي تعبانين معانا في المنتدى (إيه أخبار الطحينة معاك؟ قلقتني على إسماعيل بك على فكرة)
٣- أبورقية: الدماغ الكبيرة والناس الوطنية بجد..بفرح جدا لما أقابل الشباب اللي شايل الهم وبيفكر للبلد بعقل وموضوعية..صديق جديد أعتز به
٤- شنوري: زعيم العصابة...زعيم عصابة من الطراز الأول
٥- أشرف فتحي: حبيبي..أول مرة اتقابلنا في القاهرة دخل قلبي على طول وأكثر حد فرحت بصحبته اليوم ده
٦- خالد طلعت: الناس الرايقة اللي لما تضحك تحس إن الدنيا حلوة..سعيد جدا بمقابلتك يا باشا ويارب دايما نتقابل في الخير
٧- محمد سمير: الناس الهادية الراسية حمدا لله على سلامتك عشان أنا كنت قلقان عليك من السفر وإنت مطبق يومين..سلام خاص لأخوك اللي نورنا في المقابلة وياريت تخليه يعمل عضوية عشان نتشرف بيه
٨- محمد غازي: ألف سلامة عليك يا صديقي، سعدت جدا بحديثك الشيق والموضوعي والمرح في نفس الوقت، إن شاء الله المقابلة الجاية تكون رجلك بأحسن حال ولو إن العكاز كان عامل شغل جامد
٩- أبو صلاح: المعلم الكبير..والله أنا كنت متشوق أشوفك في المقابلة بس مكنتش متخيل إنك معلم قوي كده..كنت خايف نتصور أنا وإنت وأشرف ساعة الملحمة بس ربنا ستر وعدت (بيني وبينك كان منظر مرعب)...ربنا يكرمك ونشوفك دايما على خير
١٠- مايكل ساهر: سعدت بمقابلتك وذوقك وسعدت إنك خضت تجربة السمك ولقيتها سهلة (كان بيقولي أنا شرحت ٣ سمكات وحسسني إنه كان في معركة مع أسد) إن شاء الله نشوفك على خير
١١- أحمد فارما: سعدت بحضورك يا دكتور وكنت أتمنى يكون في وقت نقدر نتكلم فيه بس قدر الله وما شاء فعل وحمدا لله على سلامتك عشان أنا برضه كنت قلقان عليك من الطريق
١٢- محمد خميس (ميسو أليكس): إزاي إنت مكانك في الساعة وكل ده ومتقابلناش..إن شاء الله حتلاقني عندك كل يوم عشان أنا ملحقتش أشبع من القعدة معاك
١٤- مصطفى مهران: وحش المنتدى ومالك وحش الصحراء اتشرفت بمقابلتك يا زعيم وياريت نرتب ونتقابل تاني في أقرب فرصة
١٥- إبراهيم المنشاوي: سعدت بمقابلتك وسعدت أكتر إننا اتجمعنا في الصلاة ويارب دائما
١٦- أحمد عبد العزيز: حقيقي كنت مشتاق أقابلك وربنا يكرمك على تعبك معانا في إحضار الأكل وياريت نتقابل قريب مع شباب إسكندرية حتى لو مفيش مقابلة كبيرة
١٧- أحمد النقراشي: اتكلمنا تليفونيا من زمان ومن ساعتها وأنا مشتاق أشوفك والحمد لله قد كان ..ربنا يبارك في ويحفظك ومتنساش اللي اتفقنا عليه يا صديقي
١٨- أوكتو، خالد عادل، عمرو عباس، محمد عزت، أحمد بي إم، محمد صلاح، محسن هاشم، مجدي ماجو....ربنا يكرمك إنكم تعبتم نفسك وسافرتم عشان المقابلة وحقيقي آسف إني ملحقتش أتكلم معاكم وأتعرف عليكم أكتر وإن شاء الله تتعوض المرة الجاية
حقيقي سعيد جدا وأشوفكم على خير
مش عارف الصور مالها، شكل الموقع مخرف
هما عموما كانو تيتدا بتاعت ابو راقيه، وسيراتو بتاعت نقراشي ولانوس بتاعت مايكل بك ساهر :ma:
http://www14.0zz0.com/2010/02/20/20/950933570.jpg
ماهو لو كنت اعرف يا شنوري انك حتقفش كده كنت استنيت على البيعه شويه :)
بجد كان يوم تحفه وبالذات انه جه في وقته اليومين دول (انا لسه في الشغل لحد دلوقتي)
والتعليقات جامده اوي يا ودييييييييييع :) ايوه كده بس محدش ليه قعد على البحر زي انا واحمد مجدي ده حتى كان فيه كام بلطيه بتلعب :):):)