عاوزة افهم يعني ايه سعر اعادة البيع في اللانسر اعلى من الهوندا سيتي
يعني النهارده هوندا سيتي مانيوال 85 الف طيب هيكون سعرها كام بعد اد ايه لو قارنتها باللانسر ؟؟؟
ياريت حد يفهمني الموضوع ده قبل الشراء لاني محتارة بينهم الاتنين
ألف شكر
عرض للطباعة
عاوزة افهم يعني ايه سعر اعادة البيع في اللانسر اعلى من الهوندا سيتي
يعني النهارده هوندا سيتي مانيوال 85 الف طيب هيكون سعرها كام بعد اد ايه لو قارنتها باللانسر ؟؟؟
ياريت حد يفهمني الموضوع ده قبل الشراء لاني محتارة بينهم الاتنين
ألف شكر
سعر اعادة بيع اللانسر أعلى من غيرها معناه ان الشعب المصري بيحب العربية اللانسر لأسباب كتير منها كفاءتها وتوافر قطع غيارها وامكانية اصلاحها في اي مكان
وبالتالي فالطلب عليها عالي (زيرو ومستعمل) وبالتالي حضرتك يوم ما تشتري عربية لانسر زيرو او مستعمل وتحبي تبيعيها في أي وقت هتلاقي كتير عايزينها وبالتالي تباع بسعر عالي
انما سعر العربية هيكون كام في المستقبل فده في علم الغيب احنا السوق عندنا في مصر ملوش قواعد نهائي
كلام الأستاذ طارق مظبوط 100 %
بس كل اللي هايمشي ورا الكلام ده ....... مش هايركب العربية اللي بيحبها
طيب أنا أشتريت الجين 2 و عارف أنها تقيلة في البيع و لكني عشقت السيارة جدا و بعدين الواحد لما بييجي يبيع مش هايبيع بعد سنة و لا أثنين
يعني الواحد يركب العربية مش أقل من 4 أو 5 سنين و بعدين يفكر في البيع و ساعتها يبقى ربنا يحلها
و على الهوندا سيتي ممتازة و لو عاجباكي أكتر من اللانسر أتكلي على الله و متفكريش في الكلام ده كتير علشان لو كل واحد عمل كدا هاتلاقي الشعب المصري كله راكب لانسر أو شاهين أو تويوتا
شكرا يا جماعة على النصيحة ربنا يبارك فيكم