ما هي وظيفة كتاوت الدينامو

**ali1spc** · 18-01-2008 04:27 PM

من كلام حضرتك ان الكتاوت خاصة بالبطارية فقط ولا ممكن يكون فى كتاوت لكل جزء فى الدائرة الكهرابية لانى سئلت على الفوجات وقالى ممكن يجبهملى وكمان بالكتاوت بتاعتهم ولو ليهم كتاوت وظيفتهم اة

**ahmedezzat78** · 18-01-2008 04:44 PM

المشاركة الأصلية كتبت بواسطة ali1spc

من كلام حضرتك ان الكتاوت خاصة بالبطارية فقط ولا ممكن يكون فى كتاوت لكل جزء فى الدائرة الكهرابية لانى سئلت على الفوجات وقالى ممكن يجبهملى وكمان بالكتاوت بتاعتهم ولو ليهم كتاوت وظيفتهم اة

هنا بقى كلمه كتاوت دى لغة السوق لكن هوه عباره عن Relay و الناس بتركبو للانوار الامامية عشان نقاط تلامس ذراع النور ما تتحرقش و خاصة لو مركب لمبات بقدرة اكبر
وكمان بيركب لنور الشبوره
و فيه ناس بتركب كتاوت تقويه للمارش

فى جميع الامثله اللى فاتت بيكون ذراع النور او زرار نور الشبوره او الكونتاكت مجرد دائرة تحكم تخللى الريلاى المختص يوصل كهرباء للحمل المطلوب (النور الامامى او الشبوره او المارش) و بكده تكون نقط التلامس اللى بتتحمل التيار العالى هيه نقط تلامس الريلاى و بالتالى تحافظ على مفاتيح التشغيل و تطول عمرهم وفى نفس الوقت تضمن وصول تيار كافى للحمل المطلوب

ارجو ان اكون قدرت اوضح

**tmz9111** · 20-01-2008 02:17 AM

المشاركة الأصلية كتبت بواسطة ahmedezzat78

معلش عندى تعديل:

الدينامو بيولد كهرباء عن طريق مصدر الحركة وهو الموتور
كل ما عدد لفات الموتور زاد كل ما زاد فرث الجهد (الفولت) المتولد من الدينامو
بما ان البطاريه 12 فولت
يبقى عشان نشحنها نحتاج 13 او 13.5 فولت تقريبا
غند السلانسيه (عدد لفات الموتور قليله) يكون الجهد المتولد حوالى 12.5 حسب نوع السياره
عند عدد اللفات الكبيره يكون فرق الجهد المتولد اكبر من الحد الاقصى (13.5) مما يؤدى الى تلف البطاريه و كل الاجهزه الكهربائيه للسيارة
هنا يقوم الكتاوت بتخفيض الجهد من 16 مثلا الى 13.5 اى انه يقوم بدور منظم (voltage regulator)

نسيت اقول كمان ان الدينامو بيولد تيار متردد و التردد بيكون متغير حسب سرعة دوران المحرك
عشان كده عملو دائرة توحيد لتحويل التيار المتردد (ac) الى تيار مستمر (dc) لان كل اجهزة السيارة تعمل بالتيار المستمر

فى السيارات القديمه كانت دائرة التوحيد تثبت بالدينامو و المنظم (الكتاوت) يثبت باى مكان فى حوض المتور
الكتاوت الميكانيكى (relay) الموجود بلينك الصورة كثيل المشاكل الميكنيكيه و يحتاج ضبط من وقت للاخر
تطور الموضوع شويه و عملو كتاوت الكترونى لا يحتاج لضبط و برضو يتم تثبيته فى الحوض
و بعدين تطور اكثر فى سيارات الثمانينات و تم دمج دائرة التوحيد و الكتاوت الالكترونى فى جزء واحد مثبت بالدينامو

لو الكتاوت مش مضبوط و بيخرج فولت اعلى من 13.5 ده هيقصر عمر البطاريه و يخلى الميا بتاعته تنقص ده غير ان ممكن يتحرق احد الاجهزة الكهربائيه بالسيارة
لو العكس (جهد واطى) البطاريه هتخلص لان الجهد غير كافى لشحنها
عشان كده لو الدينامو و الكتاوت تمام المفروض ام مياه البطارية لا تحتاج تزويد الا يمكن مره فى السنه

اجو ان الكلام يكون بسيط

ألف شكررررررر

**عزوز** · 22-01-2008 04:59 PM

شكرااااااااااااااا

**wael6** · 06-09-2011 10:11 PM

السلام عليكم

العربيه اكسيل 1500 مانيوال مو 95
كنت اعانى من رعشه فى النور وخفتان للنور رغم تقويته وعمل كتاوت للمبات الفوانيس وتغييرها الى 260/200 وات
البطارية ضربت ربع وكانت سائلة
الدينامو عندى معرفش قوته كام امبير لكن متركبله كتاوت خارجي والكهربائي لما لغى الكتاوت الخراجي دى النور اتظبط
فقالى انه عيب كتاوت لكن اللى فى السوق مضروب
تم بحمد الله تعالى تركيب بطارية جديده اى سي ديلكو جافه 70 امبير ب 470 ج وبيع القديمه ب 50 ج
النور زاد ووضح وفرق كبير طبعا الحمد لله
لكن مازالت رعشة النور قائمة
وبتاع البطاريات قالى بكره تعالى اقيسلك الدينامو
وقالى من الافضل تغيير الدينامو بكتاوت داخلى وتشيل الكتاوت الخرجي عشان تحافظ على عمر البطارية
ما رايكم ؟
وبالنسبة للنور الواطى طلع العيب من كتاوت النور وظبطها الحمد لله
وشكرا جزيلا

**wael6** · 11-09-2011 10:08 PM

طيب انا كده ركبت 4 دينامو 75 امبير بتاع الاكسنت عندى ع الاكسيل
وبرده شحنهم زايد من 14.5 الى 14.9 مع التزويد والسلانسية 14
وباقي مشكله عندى النور ضعيف ولما بزود النور بيزيد
كده احاول ادور على الدينامو ال 65 امبير بتاع الاكسيل الاصلى عشان الشحن يتظبط ولا ايه ؟؟
علما بان البطارية 70 امبير
هل ال الدينامو ال 65 هيظبط مع بطارية 70 ولا لازم يكون قوته اكبر من قوة البطارية ؟
نرجو الافاده العاجله جدا اليوم لانى هرجع الدنامو اللى راكب دلوقتى ومش عارف اعمل ايه
وشكر جزيلا