حد يعرف ما هي وظيفة كتاوت الدينامو
عرض للطباعة
حد يعرف ما هي وظيفة كتاوت الدينامو
بصفة عامة الكتاوت دي ملفات كهربائية الهدف منها إخراج قدرة كهربيه أكبر من القدره الداخلة إليها..يعني بتخرج كهربا أكتر من إللي داخلة لها. وأصل الكلمة cut-out. ده باختصار شديد جدا جدا جدا... ولو عايز تفاصيل اكتر أنا تحت أمرك...
وعموما بص على اللينك ده
http://en.wikipedia.org/wiki/Relays
انا كنت فاكر ان الكتاوت ده وظيفتة فصل شحن الدينامو عن البطارية
وهل ده معناة ان طول مالعربية دايرة الدينامو بيشحن حتى لو مش منور أي نور أو كاسيت
كتاوت الدينامو مخصصة لضبط شحن الدينامو اى انها تقوم بتخفيض الشحن الصادر من الدينامو الى 12.5 اثناء السير و 12 اثناء وقوف السيارة فى السلانسيه للبطارية وفى حالة عدم وجود الكتاوت فان الدينامو يعطى للبطارية 16 وفى جهد عالى لا تتحمله البطارية .
معلش عندى تعديل:
- الدينامو بيولد كهرباء عن طريق مصدر الحركة وهو الموتور
- كل ما عدد لفات الموتور زاد كل ما زاد فرث الجهد (الفولت) المتولد من الدينامو
- بما ان البطاريه 12 فولت
- يبقى عشان نشحنها نحتاج 13 او 13.5 فولت تقريبا
- غند السلانسيه (عدد لفات الموتور قليله) يكون الجهد المتولد حوالى 12.5 حسب نوع السياره
- عند عدد اللفات الكبيره يكون فرق الجهد المتولد اكبر من الحد الاقصى (13.5) مما يؤدى الى تلف البطاريه و كل الاجهزه الكهربائيه للسيارة
- هنا يقوم الكتاوت بتخفيض الجهد من 16 مثلا الى 13.5 اى انه يقوم بدور منظم (voltage regulator)
نسيت اقول كمان ان الدينامو بيولد تيار متردد و التردد بيكون متغير حسب سرعة دوران المحرك
عشان كده عملو دائرة توحيد لتحويل التيار المتردد (ac) الى تيار مستمر (dc) لان كل اجهزة السيارة تعمل بالتيار المستمر
- فى السيارات القديمه كانت دائرة التوحيد تثبت بالدينامو و المنظم (الكتاوت) يثبت باى مكان فى حوض المتور
- الكتاوت الميكانيكى (relay) الموجود بلينك الصورة كثيل المشاكل الميكنيكيه و يحتاج ضبط من وقت للاخر
- تطور الموضوع شويه و عملو كتاوت الكترونى لا يحتاج لضبط و برضو يتم تثبيته فى الحوض
- و بعدين تطور اكثر فى سيارات الثمانينات و تم دمج دائرة التوحيد و الكتاوت الالكترونى فى جزء واحد مثبت بالدينامو
اجو ان الكلام يكون بسيط
- لو الكتاوت مش مضبوط و بيخرج فولت اعلى من 13.5 ده هيقصر عمر البطاريه و يخلى الميا بتاعته تنقص ده غير ان ممكن يتحرق احد الاجهزة الكهربائيه بالسيارة
- لو العكس (جهد واطى) البطاريه هتخلص لان الجهد غير كافى لشحنها
- عشان كده لو الدينامو و الكتاوت تمام المفروض ام مياه البطارية لا تحتاج تزويد الا يمكن مره فى السنه
أحمد باشا عزت كفيت ووفيت
تحت امر الجميع
السلاموا عليكم ممكن اسئلك عن السياره رينو 5 موديل 80 انا ناوى اشتريها وعايز رايك لوسمحت شكرا