الموضوع: لازم تقول رأيك في الاستطلاع ده " موضوع مهم جدا "

الماني او حتي ياباني استعمال
علشان العربيات الالمانى و اليابانى هستريح لها اكتر(من الناحية النفسية)
والعربيات دى ليها اسمها فى السوق و مش من فراغ(من ناحية الاعتمادية)
والعربيات دى هتكون احسن(من الناحية الميكانيكية)

باذن الله الكوري جميل جدن وبيحاول يوصل للكفاءات الموجودة على الساحة العالمية ومثال كويس ومش بعيد الدايو لفت كل شوارع مصر طبعا كل عربية ليها عيوبها بس ده مثال بسيط لكن صيني لا لا لا في الوقت الحالي لغاية لما يوقف على رجليه زي ما عملنا مع الكوري اول ما نزل مصر كانت الناس مش طيقاه بس بعد كده بقى رقم اتنين او تلاتة في السوق

صعب جدن اعتمد على الصيني في الوقت الحالي

المشاركة الأصلية كتبت بواسطة romeo_6887

بس برضه الزيرو زيرو يا هندسه
و ده لا يمنع اني اقول ان اعتمديه الياباني و الالماني
افضل 1000000 مره من الكوري و الصيني

انا معاك ان شعور العربية الزيرو جميل جدا
بس انا ركبت bmw 320 موديل 97و ركبت السيراتو الجديدة بصراحة استريحت للbmw و حسيت ان العربية تقيلة و قوية وانا مستريح فيها و لو قدامى الاتنين هجيب الbmw

لو خيروني ما بين تويوتا كورولا 2006 و سبيرنزا 2010 طبعا حختار الكورولا
كمان لو خيروني بين لانسر 2007 و سبيرنزا 2010 اكيد حختار اللانسر و ذلك اعتمادا علي التاريخ و السمعة الطيبة فالصيني ليس له تاريخ بالرغم من ان الاسبيرنزا 516 بقالها 4 سنين انما في اعتقادي انها لم تحدث طفرة في عالم السيارات كما كان متوقع
و لا داعي للتحدث عن جودة الخامات المستخدمة في الصيني حتي لا يغضب الصينيون و لكن يكفي مقولة الياباني ياباني و الياباني موتوره دهب و كمان سعر اعادة بيعه فوق الممتاز و عربية مطلوبة في السوق و ليها احترامها مثلها مثل الاوربي بالظبط
بالطبع توجد ماركات كوري محترمة مثل الكيا و الشيفروليه الكروز و ايضا ماليزية مثل البروتون


محمد فهمي