الموضوع: يا للروعة اول مرة اعرف ان فيه Buddha Bar فى مصر

المشاركة الأصلية كتبت بواسطة karaktar

انا مش عارف اقول ايه يجماعه مع احترامى ليكو هل يصح اننا نروح مكان فى صنم من الاصنام وبالذات تمثال بوزا اتقو الله يجماعه ده بدل مانروح مكان نجتمع فيه على خير وحاجه تقربنا من ربنا

المشاركة الأصلية كتبت بواسطة eng.sameh

تمثال بوذا !!!!!!!!!!!!!!!! وانا ايه اللي يوديني مكان شعاره تمثال بوذا ... يا جماعة هي بقت مش فارقة معاكم كده ليه .. انتم مش واخدين بالكم ان ربنا مطلع علينا في كل وقت وفي كل مكان وان الموت يأتي بغتة وأن من مات على شيء يبعث عليه ...

اجروا بسرعة استخبوا قبل ما الناس بتوع (هو الدين داخل في كل حاجة و لا ايه؟) ييجوا يتخانقوا معاكوا !!!!!

المشاركة الأصلية كتبت بواسطة mohamed_momi88

ربنا يستر

واضح ان لموضوع دة هيقلب بخناقه كالعادة

بص هو للاسف المنتدى بقى فيه الاتي

1- ناس بتحاول تلفت انظار الغير لاحكام الشريعة و علاقتها بحياتنا اليومية

2- ناس زهقانة و قرفانة من النوع #1 و بتقول خلاص بقى مش كل حاجة دين دين دين العالم اتقدم و احنا بنتاخر عشان بنتناقش في "هيافات" او "سطحيات"

3- ناس عالحياد مشترية دماغها ......


المشكلة بتحصل لما موضوع يبدأه واحد من النوع التالت ..... يقوم واحد من النوع الأول يخش ..... يقوم ييجي واحد من النوع التاني يشوط في الاول و دي تبقى بداية الشرر اللي بيولع حريقة

او لو واحد بدأ موضوع من النوع التاني و واحد من النوع الأول استفز (بضم التاء و كسر الفاء) و اخدته الغيرة على دينه و دخل يرد ...... و هنا برضه بيحصل الشرر

او لو واحد دخل من النوع الأول يكتب موضوع يعظ فيه الناس يقوم واحد من النوع التاني يخش يديله رد من نوعية (اقعد لنا على جنب و ما تقرفناش) ....


هي دي المشكلة ...... المشكلة الكبيرة ان الدين داخل في كل حاجة فعلا .... ديننا علمنا كل حاجة لحد دخول الحمام .... بس ...... مفيش حاجة اسمها الدين مش داخل فيها ..... الكلام ده لو بنتكلم تاكل فراخ مشوية و لا محمرة .... ماشي هنا مفيش دين في الموضوع هنا على مزاجك .... بس ما ينفعش - على سبيل المثال - تقول كبر دماغك و كل فراخ غير مذبوحة ذبح شرعي و العالم بيتقدم و بلاش تخلف ..... الخ .... هنا بقى لا ستوب .... هنا الدين بيقول لك لأ ..... و ال لأ دي مش هت expire مثلا عشان مر 14 قرن و لا حاجة !!!!

طول ما في المنتدى اعضاء هيفضل فيه اعضاء من ال 3 انواع ... زاد نوع منهم عن التاني او نقص برضه هيفضل موجود و هيفضل فيه صراع و نزاع ......

مش خناقه و لا حاجه
كل الحكاية
ان هنا يوجد ناس بتنصح و بتقول ما تراه مناسبا فى هذا الموضع من وجهة النظر الدينية و العقائدية
و ناس تانيه بتفكر ان الكلام اللى بيتقال مش سليم او مش للدرجة دى
ايه يعنى مكان فيه بوذا ماهو التماثيل فى كل الميادين
او ايه يعنى ناس بتشرب
ما انا زى الفل و باشرب عصير مانجو و شاى :)
و ايه يعنى
و ايه يعنى
و ايه يعنى
لحد ما نوصل فى الاخر الى
و ايه يعنى
ما انا قلبى نضيف و زى الفل و نيتى سليمه

يا اخواننا هناك ايه فى القران كلما سمعتها شعرت بخوف شديد
"
قُلْ هَلْ نُنَبِّئُكُمْ بِالْأَخْسَرِينَ أَعْمَالًا {18/103} الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا "
صدق الله العظيم