انا لسه مستلم اسبرانزا m11المهم فى خط كده فى المرايا الشمال هل ده مشكله واروح اغيرها ولا هيه كده ارجو الرد بصراحه العربيه الله اما صلى على النبى بجد فوق الممتاز انا كنت رايح اجيب النيو اكسنت ---او افيو ------صبحان الله دخلت العربيه شكلها روعه ابشنز عالى كتير ثبات جامد بصراحه اسبرانزا غيرت جامد من العربيات بتعتها بصراحه انا استغربت ماكنتش فى الاعتبار ويارب يكون قطع غياره رخيصه ومتوفره ويارب ابوالفتوح يظبط قطع الغيار وتكون منتشره
هل فعلا متور m11المانى ولا صينى
فعلا وانا بشوف المرايا فى الصوره فى الكتالوج هيا كده بس ياترى ايه السر فى كده بالنسبه الساعه الى فى التبلوه مش شغاله بس جميع اشارات التنبيه شغاله بتظهر فى التبلوه بس فى منتصف التبلوه يوجد ساعه موجوده فى الصور الى فى الكتالوج حد عنده فكره مش شغاله ليه بس فى ساعه تانيه داخل العدادات عادى حتى لو مش موجوده كده كده الساعه موجوده غلى الكاسيت وفى عدادات السياره
اقتباس:
المشاركة الأصلية كتبت بواسطة aftr
اقتباس:
المشاركة الأصلية كتبت بواسطة aftr
اقتباس:
المشاركة الأصلية كتبت بواسطة aftr
المهم في المهماولا :بالنسبة للخط اللي في المراية..... ده الحراري –زي اللي في الزجاج الخلفي- و ده بيتم تشغيله من الزرار الاول علي اليمين من ال3 زراير بتوع التكييف ....يتم التشغيل بالضغط علي الزر اللي في منتصف الزرار"بتاع تحكم الهوا" و الزرار هينور .... تم اختبار الحراري و يعمل بكفائة .....- بينفع لو في شبورة او مية وقعت علي الزجاج الخلفي او المراية..
ثانيا :بالنسبة للساعة اللي في العدادت اللي فوق الكونسول " التبة" ...للأسف اقولك ان العربية اللي في مصر دي تعتبر الاصدار الاساسي مع بعض الاضافات ...مما ادي ان التبة ديه مافيهاش مؤشرات غير ل3 حاجات:-1 انذار فتح الشنطة ..... لا توجد امكانية لفتح الشنطة عن طريق الخطأ لو كانت العربية متحركة – لو فضلت تدوس علي الزرار و العربية ماشية الشنطة مش هاتتفتح- انما اول ما تقف تقدر تفتحا عادي تماما ....2 مؤشر الشبورا الامامي- يشتغل بجذب مفتاح النور العمومي جذبة واحدة وهو علي وضع النور السهاري او العادي الامامي3 موشر الشبورا الخلفي – يعمل بجذب المفتاح السابق جذبة اضافية ....بس ... مفيش مؤشرات تاني و لو لقيت قولي لو سمحت ...... بقيت العدادات موجودة بس مش موصلة ..... يعني في النور هتشوف مكان حاجات كتير بس للاسف مش شغالة .....مثلا الساعة ... كمان مؤشر الespاللي مش نازل قي ال1600 الاساسية بس نازل في الفئات الاعلي و هكذا
ثالثا:بالنسبة للموتور .....الماني ولا صيني ولا ايه بالظبط ؟؟؟؟؟...... الموتور تم تصنيعة في الصين بكل فخر بعد انتاجة و تصميمه بفريق من شيري"الشركة الام- لأن مفيش حاجة اسمها اسبيرانزا برة , اسبيرانزا معناها الامل بالاسباني و دي افتكاسة من ابو الفتوح علشان يقدر يسوق عربيات صيني بعد ما جيلي كرهت ام المصريين في عيشيتهوم من العربيات المنبعجة و المفتكسة, بس احقاقا للحق الراجل بيستنضف عربيات و مبيستنتنش مع العربيات بتاعتو" ... المهم ... فريق من شيري مع معمل ابحاث شركةAVLالنمساوية المتخصصة في ابحاث المواتير , حتي بتاعة القطارات ......الموتور علامة مميزة لشركة شيري بأسم ACTECOو تقدر تشوف من هنا
Chery ACTECO engine - Wikipedia, the free encyclopedia
و ده دليل علي افتخار شيري بمواتيرها و اهتمامها بعربيتها و رغبتها في المنافسة مش التقليد .... و كل ده وده وضح في ال11 بصورة كبيرة ....... و برضة شيري متفقة مع فيات الايطالية انها توردلها 100000 "مئة الف" موتور لتركيبها في موديلات فيات المختلفة التي ستباع في القارة الأسوية ..... بما يدل علي مدي تطور و جودة شيري حتي علي المعاير الاوروبية........
بص يا باشا ... الف الف الف مبروك و عقبال الفيرون ان شاء الله .... انت معاك عربية زي الفل ماشاء الله .... موتور عفي , عفشة رائعة , خامات جيدة و امان رائع_سواء فرامل او ثبات او صاج محترم- ...بس العين العين ...... كل اللي اعرفهم اتباسوا بوسة ... انا اتباست في الباب اللي ورايا والحمد لله ....ارجع اقولك ... ربنا يباركلك فيها و يكفيك شرها ان شاء اللهلأي استفسار انا تحت امركم و لأي معلومات انا عامل موضوع علي اللينك ده
و بالنسبة للأنزار ..... العربية فيها انزار فتح فقط ....مفيهاش سنسور ... بس مش بتدور من غير مفتاحها ... و ربنا يحرسهالك
اقتباس:
المشاركة الأصلية كتبت بواسطة aftr
لو سمحت خلي بالك
والف مبروك علي العربيه
ومدقش علي المرايه دي حاجه بسيطه
المهم العربيه عامله ايه
شكرا على الردود وانشاء الله هابد اقول انطباعى على العربيه بصراحه والله العظيم انا كنت رايح اجيب افيو -يااكسنت من المعرض شوفت الاكسنت ديقه من جوه وشكلها الخارجى مش قد كده قلت لا ابعد ياعم المهم صحابى قالو نويت على ايه طبعا انا كنت حاطط الاكسنت والافيو بس الافيو كنت خايف من كثره المشاكل الى بتتقال عليها المهم شوفت فى المعرض التيجو صحابى قالو جامده بس بصراحه مدخلتش دماغى قولت للموظف الى فى المعرض فين m11قالى هبعتك تشوفها بردوه عشان تكون مقتنع المهم رحنا شوفت العربيه اول ما دخلت الصاله اللهم صلى على النبى افتح البيبان التبلوه بجد والله مش مجامله تحفه فنيه متناسقه شغل المتور تمام التنكيف تمام الكاسيت تمام طلعت من العربيه اشوف المنظر الخارجى من بعيد حاجه كده مش عارف اوصفلكو ازاى وهم طيب سالت صاحب المعرض بالامانه العربيه دى حد اشتكى منها وقطع الغيار تمام ولا هنلف عليه قال واالله العربيه دى من احس الاسبرانزا الى نزلت كان عنده 516قالى دى بصراحه تعبانه انما دى اقسم لى انها عربيه فوق الوصف المهم كان معايه صحابى انبسطو قوى من العربيه ايه ياجماعه اعتمد واحد من صحابى قالى خليك فى الافيو قولتله مفيش مشكله نروح نبص بصه على الافيو دخلت العربيه فقيره من الداخل والمريات مش كهربا والزجاج شغل ايام زمان بكر والكاسيت شرايط طيب عامله كام 73000الف-صاحب المعرض قالى ممكن تزود شويه وتجهازجاج كهربا كام ياعنى 4000 والكاست بردوه شرايط قولت لا انا هجيب m11 وعلى بركت الله احنا وظروفنا مها كل حاجه عادت صينى حتى العربيات الى معروفه بتاخد خامات صينى قولت خلاص m11 وبس ياله يارجاله اركبوبسم الله توكلنا على الله خده صحبى سوق ياله ياعم كنت مجهز اسطوانه قران شغل ياعم صاحبى معاه لانوس قالى بصراحه العربيه دى سحبها كويس قولتله على بركت الله المهم شويه واحد صحبى اتصل بيه ايه عملت ايه جبت ايه قولتله اسبرانزا صينى قالى ليه ياعم صينى ايه حرام عليك قولتله بقولك ايه انا مقتنع بالعربيه ماتكلش دماغى قالى على العموم مبروك معلش انا طولت عليكم المهم وصلنا بالسلامه صاحبى اول ماشفها قالى بسم الله ماشاء الله قالى تحفه قالى تعاله هنروح لواحد صاحبى فى معرض بيبع عربيات قولتله ياله ياعم اركب وصلنا المعرض المعرض ده بيكشف على العربيات المستعمله بس جامد المهم طلع صاحب المعرض شاف العربيه قالى بجد العربيه دى جامده حرام عليها علامه اسبرانزا المفروض يحتو عليها اودى اوتيوتا قالى خالى بالك منها العربيه محترمه قالى العربيه دى من وره مديه bmw قولت فى سرى ربنا يسطر المهم واحد كان راكب معاه فلاشه ركبها والاسطوانه شغاله كنت مشغل قران المهم واحنا وقفين بره العربيه نده عليا بيقولى الكاست مش عاوز يوقف الاسطوانه ولا عاوز يفصل قولتله انت عملت ايه قالى بشغل الفلاشه قولتله من غير ما تطلع الاسطوانه ازاى يابنى كده المهم اشغل العربيه وافصلها الاسطوانه مش راديه تطلع والكاست معلق ومش جايب بيانات افصل العربيع خالص برده شغال ادوس على اى زرار فى الكاست مفيش قولت بس مفيش غير البطاريه شيل ياعم ووصل تانى اشتغل تمام اصل اخوكم مهندس اليكترونى فنى صيانه تليفون محمول قولت بس شكلها العين ربنايسطر علينا معلش انا طولت عليك بس انشاء الله عن كل تجربه فى العربيه هابدء بعرض المميزات والعيوب وانشاء الله ميكونش فى عيوب
اقتباس:
المشاركة الأصلية كتبت بواسطة aelhossan
المراية كدة علشان حراري مش عيب فيها ..... هوه ده نظامها .. الخط ده بيسخنها لما تشغل الحراري
ربنا يحفظهالك و ماشاء الله بس ماتزعلش لما لا قدر الله تتخبط خبطة صغنونة او لو هانت عليك انت اخبط حتة صغيرة علشان العين تهمداقتباس:
المشاركة الأصلية كتبت بواسطة aftr
ربنا يستر يااخ هيما وشكرا على الرد ممكن رقم تليفون حضرتك انا اخوك ايمن من الشرقيه
موجود علي البروفيل يا باشا
ألف مبروك يا باشا وربنا يباركلك فيها
اقولك حاجة احسن من الخبط - طلع حاجة لله وإن شاء الله تبقى كل حاجة تمام
والف مبروك تمام
يا رجالة انا لسة مستلم العربية من 4 ايام و بجد العربية ماشاء الله عليها زى الفل ربنا يحرصها .. و فعلا انا عندى نفس الخط اللى فى المرايا و هو فعلا زى ما وضح اخونا انه خط حرارى .. و بجد نصيحة لاى حد عاوز يشتريها اتل على الله و ياريت كل اصحاب m11 نكون متواصلين مع بعض بشكل كبيير و ياريت نقول اقتراحات عشان نتواصل بشكل فعال .. و ربنا يباركلنا كلنا في M11:verygood:
ما شاء الله رجالة الm11 في تزايد.
انتم السابقون....
ايوة كدة رجالة الام 11 كتروا و ظهروا ربنا يباركلك يا باشا ويحرصها من العين عشان انا معايا العربية وكل ما بمشي في طريق الناس بتفضل تبص عليها وتسالني نوعها ايه..الف مبروك عليك
مبروك عيلينا جميعا انشاء الله العربيه دى مش هتخيب ظنى بس لازم المحافظه وياريت نكون متوجدين على طول من حيث الاراء والانطباع انا بصراحه سعيد بوجودتكم معايه ويارب احفظ لنا m11من عين الناس كل الناس عنيها على العربيه طول منا ماشى والله حتى الى معاه سيرتو والنترا اول حاجه دماغه طالعه يبوص على ماركه العربيه ربنا يحفظها قولو امين ولكم جزيل الشكر مشكورررررررررررررررررررين
ربنا يباركلك فيها ويحفظهالك ان شاء الله واللهى انت شجعتنى انى أنزل أحجز ان شاء الله بس ياريت تقولنا هى لونها أيه؟؟
ولو فيها غلاسة شوية لو تقدر ترفعلنا صورها علشان نقدر نتفرج على اللون
جزاكم الله كل خير
اللون فيرانى العربيه جميله اتوكل على الله ومبروك مقدما
إيه يا رجاله يعني أتوكل على الله وأجيبها
أنا بأفكر فيها جامد بس زوجتي عاجبها الصني أكتر ومش مقتنعة بالصيني أمش في طريقي وخلاص وهي كده كده حتقتنع إن شاء الله؟؟؟
ياباشا بقولك اتوكل على الله والله العظيم انا كان فى دماغى اكسنت او افيو خلاص رايح وفى دماغى الاكسنت شوفت العربيه صغيره من جوه ومن بره والله كل الى جربوالعربيه من صحابى الى معاه مزدا 3-والى معاه الينترا-وافيو-ولانوس-ولانسر-الكل مستغرب من العربيه من حيث الاداء والشكل والابشن-الكل قال لزاى دى تبقى صينى والله العظيم ان الصين فعلا لازم نقف ونديها تعظيم سلام-ياعم بلاش العربيه جميع المركات العاليه تبص تلاقى صنع الصين-انا عندى كمبيوتر جيجابايت شركه معروفه والبورده مكتوب عليهاصينى -الشاشهhp-lcd-صينى وبسم الله ماشاء الله تمام واللهكان عندى شاشه lgكورى وكانت الاضائه زفت وكانت تعبانه وشوف كورى والله وبعتها وجبت اتش بى صينى اتوكل على الله ومتتردتش ومبروك مقدماM11:verygood:
السلام عليكم
بصراحه انا حاسس انك بتتكلم على لسانى لان نفس الاحداث اللى حصلتلك حصلتلى
كنت رايح اتفرج على افيو ولانوس والتيجو
المهم وانا فى معرض اسبرانزا شوفت ام 11 وعجبتنى جدا
وسالت عنها وبدات فى اجراءت شراءها (هاجيبها تقسيط ان شاء الله)
ان شاء الله ايام وابئى من ملاك ام 11
الف مبروك و اهلا بيك
مبروك انشاء الله العربيه هتعجبك بس خلى بالك من العين وربنا يسترها علينا جميعا
الف مبروك ربنا يديك خيرها و يكفيك شرها
أنا من مالكى السيارة العربية ممتازة بقالها معايا عشرة أيام عامل بيها 950 كيلو العربية تمام سحبها كويس التكيف ممتاز ربنا يسترها معانا جميعا ويحفظها من العين